|
انتصار قحطان في معركة مع عتيبة يرويها احد شيوخ شمر
الاخوة الكرام
السلام عليكم ورحمة الله وبركاته مما لاشك فيه ان مايتناقله "الرواة الثقات" يعتبر من اهم المصادر التاريخية التي يعتمد عليها بشكل كبير في توثيق الوقائع والاحداث في تاريخ القبائل. لاسيما عندما يكون الراوي من طرف محايد. قبل عدة ايام رافقت والدي – اطال الله في عمره – اثناء زيارته لبلدة (الحفير) ضواحي حائل بناء على دعوة من شيوخ قبيلة السلمان من شمر. واثناء وجودنا في ضيافة الشيخ/ عارف بن درزي بن برجس العردان شيخ قبيلة السلمان، روى احد شيبانهم ــ ويدعى مقبل الخلف السلماني الشمري ــ سالفة (وقعة بين قحطان وعتيبة) نقلا عن الشيخ/ عبيد بن برجس العردان رحمه الله.. تحدث بها في مجلس الامير محمد الاحمد السديري رحمه الله. يقول: ان الشيخ الفارس/ هباس بن هرشان احد شيوخ الربيعية من عبده ومعه مجموعة من ربعه ارسلهم ابن رشيد في مهمة في نجد، ومر بهم الطريق على الشيخ الفارس عشق ابن شفلوت فاستضافهم، واثناء وجودهم عنده اقبل عليهم رجل من ربع ابن شفلوت يصيح وينذر بالقوم... وش علمك يارجل؟ قال عتيبة نوخوا وراء الحزم هذاك. يقول فسأله الشيخ ابن شفلوت عن عددهم وش كثرهم؟ فقال الرجل: ياالامير احسب حسابك القوم والله ماينحصي عددها !!! فقام الشيخ ابن شفلوت وارسل إلى ربعه وارسل مناديب للجحادر اللي حولهم ، وفي وقت قصير تكاملوا واجتمعوا عنده عبيديهم وجحدريهم. . يقول يوم انهم اجتمعوا قال الشيخ ابن شفلوت: عطوني رأيكم.. فكثرت الآراء.. احد يقول نشد وننزل على الماء علشان إذا صار مناوخ (مناخ) نكون حنا على الماء فلا يضرنا طول المناوخ ، واحد يقول يسرح الحلال للجهات الفلانية ونكون حنا بينه وبين القوم وننتظر ، إذا تقدموا له نطحناهم وإذا رجعوا تركناهم. يقول فقام ذيب بن شالح بن هدلان وكان سنه صغير وقال: ياعشق ابن شفلوت. قال: نعم قال: القوم اللي انتم تكلمون عنهم هم ملائكة نازلين من السماء ولا رجاجيل مثلكم يمشون على الارض؟ قال ابن شفلوت: لا والله إلا رجاجيل مثلنا. قال ابن هدلان: مادام انهم رجال مثلكم سوقوا الحلال صوبهم، وان كان القوم ماتركوا حلالنا هيبة وخوف منا فياخذونه ويستاهلونه!! يقول فقام ابن شفلوت واعتزى وقال هذا الرأي. ثم ساقوا ابلهم باتجاه القوم ، وركبوا معها ، احد من خلافها واحد يبرى لها، حتى وصلوهم وتواقعوا هم وإياهم. يقول يوم اخذنا وقت إلا واصلنا الشيخ ابن شفلوت يبشرنا ان قحطان انتصرت ويعلمنااان عتيبة صار عليهم كسيرة ماقد صار مثلها. يقول وكل شوي واصل من قحطان سربة كاسبين جيش (هجن) من عتيبة من ضمنها عشر مقرنة ، من غير قلايع الخيل.. وكلما وصل واحد منهم قام يعرض ، وقال له ابن شفلوت: ونعم. يقول آخر من رجع من قحطان هو ذيب ابن شالح، ويوم عرض قال ذيب ابن شفلوت: ونعم ونعم ونعم غصب على هذا (واشار باصعبه على خشمه). يقول وكان فيه (منعى) من عتيبة مانعينهم قحطان بعد ماعقروا خيولهم ، فأمر ابن شفلوت بعشاهم، وان يجهز لهم زمل يوصلهم ديرة ربعهم. هذا مارواه الشيخ مقبل الخلف السلماني الشمري عن الشيخ/ عبيد بن برجس العردان من شيوخ السلمان شمر رحمه الله. ولكم تحياتي |
رد : هزيمة عتيبة امام قحطان يرويها احد شيوخ شمر
ابن شديد بيض الله وجهك على القصه ومشكور
|
رد : هزيمة عتيبة امام قحطان يرويها احد شيوخ شمر
السلام عليكم ورحمة الله
ارحب يابن شديد لاهنت علي القصــــه والله يرحم اموات المسلمين // |
رد : هزيمة عتيبة امام قحطان يرويها احد شيوخ شمر
لاهنت يابن شديد
سلمها يمين وغانها وقصص الشيبان اصدق من المراجع التى انا اسميها مراقع التي يرقع بها المحرفين ثيابهم المهترئه وخوان رثعاء لهم حظ من الله مايتقدمون الا ينصرهم الله الي لفت انتباهي ذيب بن شالح وشوره ووصوله اخر الفرسان عندما يمر ذكر ذيب علي تتراكم العبرات في حنجرتي وتابى ان تخرج الا من عيوني لما لهذا الشاب من صفات لا توجد في الاحياء والاموات ولو سلم ذيب بن شالح ولم يمت شابآ لاجتمعوا عليه قحطان من الجبال الى الرمال ولاتغير مجرى التاريخ |
رد : هزيمة عتيبة امام قحطان يرويها احد شيوخ شمر
ارحب يابن شديد
كفو اخو رثعا وذيب بن شالح مايستغرب عليه ماله نطيح لاهنت |
رد : هزيمة عتيبة امام قحطان يرويها احد شيوخ شمر
ارحب يابن شديد
والله لا يهينك على السوالف اللي تنومس بالنسبة لشجاعة ذيب بن شالح فلا تستغرب فقد علم ابوه بوفاتة قبل وفاته من شجاعتة وكذلك اخوان رثعاء تشهد لهم نجد والجنوب ورحم الله ابن شفلوت وابن هدلان رحمه واسعه وتقبل مروري |
رد : هزيمة عتيبة امام قحطان يرويها احد شيوخ شمر
مرحبا يا بو علي ..
وبيض الله وجهك على إيراد القصة .. رحم الله ابن شفلوت وابن هدلان رحمة واسعة .. |
رد : هزيمة عتيبة امام قحطان يرويها احد شيوخ شمر
لاهنت
يعطيك العافيه تحياتي |
رد : هزيمة عتيبة امام قحطان يرويها احد شيوخ شمر
يعطيك العافية ونعم في ابن شفلوت وربعه وقحطان لها علم ونبأ في كل ديرة داخل الجزيرة العربية وخارجها
|
رد : هزيمة عتيبة امام قحطان يرويها احد شيوخ شمر
بيض الله وجهك يبن شديد
ولراوي وشيوخنا ولاغرابه هذه وحده من مئات بني مضيم ولانهين الى يوم الدين بفضل الله ومنه وكرمه ولخافي أعظم |
رد : هزيمة عتيبة امام قحطان يرويها احد شيوخ شمر
ارحب يابن شديد
لاهنت دايما مواضيعك مميزه وجديده على الشبكه ونعم في ابن شفلوت وابن هدلان وفي عتيبه.... تقبل مروري وتستاهل سمعه وتقييم.. |
رد : هزيمة عتيبة امام قحطان يرويها احد شيوخ شمر
اقتباس:
ووجهك ابيض يابو فارس اشكرك على مرورك الطيب تحياتي وتقديري |
رد : هزيمة عتيبة امام قحطان يرويها احد شيوخ شمر
اقتباس:
تسلم يافهد ومن قال مايهون اشكرك على مرورك الكريم تقبل تحياتي |
رد : هزيمة عتيبة امام قحطان يرويها احد شيوخ شمر
اقتباس:
ومن يقول يسلم اشكرك اخوي الظور على مرورك المميز خالص تحياتي لشخصك الكريم |
رد : هزيمة عتيبة امام قحطان يرويها احد شيوخ شمر
اقتباس:
تبقا وتسلم يا نايف ومن قال مايهون اشكرك على مرورك الجميل |
رد : هزيمة عتيبة امام قحطان يرويها احد شيوخ شمر
اقتباس:
تبقا وتسلم يا ابو مانع ومن قال مايهون اشكرك على حضورك المميز لاعدمتك |
رد : هزيمة عتيبة امام قحطان يرويها احد شيوخ شمر
اقتباس:
ووجهك ابيض اشكرك على حضورك المميز دائما لاعدمتك |
رد : هزيمة عتيبة امام قحطان يرويها احد شيوخ شمر
اقتباس:
مرحبا يا عايض الله يعافيك اشكرك على مرورك الجميل |
رد : هزيمة عتيبة امام قحطان يرويها احد شيوخ شمر
اقتباس:
مرحبا يا النهدي الله يعافيك شكرا لك على مرورك الجميل |
رد : هزيمة عتيبة امام قحطان يرويها احد شيوخ شمر
اقتباس:
مرحبا يا عبدالله ووجهك ابيض اشكرك على مرورك المميز |
رد : هزيمة عتيبة امام قحطان يرويها احد شيوخ شمر
اقتباس:
تبقا وتسلم يابن سويدان ومن قال مايهون مرورك وردك يميــز الموضوع اكثر شكرا لك لاعدمنــاك |
رد : انتصار قحطان في معركة مع عتيبة يرويها احد شيوخ شمر
عشت يابن شديد لاهنت على النقل
والجحادر وعبيده هذي عزالله مواقفهم |
رد : انتصار قحطان في معركة مع عتيبة يرويها احد شيوخ شمر
بيض الله وجهك يابن شديد
واقحطان انتصراتهم وامجادهم ماتنحصى |
رد : انتصار قحطان في معركة مع عتيبة يرويها احد شيوخ شمر
ومليووووووووووووووووووووون نعم ياعوال الشاااايب
وهذا الي معجبنا فيكم شجاعتكم والا علي الحرام مانتمالح حنا واياكم ولاسيما ان الانتصارات كثيره ولاكن بعضها منكم وبعضها منا ولحد ينكر الحق ولاكن الطيب مقروون دائما مع الطيب ونحمد الله الي عزنا بالاسلام وابعد عنا الجهل بفضلة سبحانه ثم بفضل حكامنا ال سعووود اخوان نوره تقبلو تحياااااااااااااااااتي اخوكم متعب الروقي |
رد : انتصار قحطان في معركة مع عتيبة يرويها احد شيوخ شمر
ارررررررررررررحب يا متعب مرحبااااااااااا بك بين اخوانك والله يحييك عداد منشى المزوون والقبايل غالبة ومغلوبة وما القوي الا الله ونتو عديتو بالطيب والعلوم الغانمة ووافين يا عتيبة والشيبان الاولين عاشو وقتهم من فقر وقل الفيد على ذا الاساس كلن يغزي ولا مابه عداوة المقصد المعووشة واليوم نحمد الله ساعة رخاا اخوان وانساب وعواني ...
اشكر صدرك الرحب وتفهمك لابعاد الحقائق وعدم اخذ الرد بعشوائية نحييك في منتداننا وانت من اغلى ضيوفنا ونشكرك على المشاركة . اخوك / عبدالله العنبسي |
رد : انتصار قحطان في معركة مع عتيبة يرويها احد شيوخ شمر
ارررررررررررحب يالعنبسي
وانا خووك السوااالف الطيبة والعلوم الغانمة كل يحبها والشيبان الاولين لبى قلوبهم اذا ذبحله رجال طيب من اخصاهم والله انه يتحسف ويقووول ياليتنيماذبحته لان الطيب وانا اخوووك فقيده على جميع من حوله اشكرك على الموضوع والقصة الرااائعه يالغلا |
رد : انتصار قحطان في معركة مع عتيبة يرويها احد شيوخ شمر
مشكور ياو جه قحطان يابن مخثله وافي وماقصرت ورحم الله ابن شفلوت ابن هدلان
|
رد : انتصار قحطان في معركة مع عتيبة يرويها احد شيوخ شمر
ارررررحب يابن شديد تراحيب الحياء ونعم بك وبـ ابن شفلوت وابن هدلان ونعم بقحطان وعتيبه وشمر ، فهم اهل الشجاعة والفروسية والحرب بيض الله وجهك على هذا الموضوع المميز ولا يستغرب الطيب من اهله يا كحيلان فأنت اهل ٌ للابداع والمصداقية والصدق فلا يستغرب هذا الشيء منك فانت احد احفاد الشيخ الفارس المشهور علي بن شديد أمير ال مخثله ال سعد عليه رحمة الله تقبل فائق احترامي |
رد : انتصار قحطان في معركة مع عتيبة يرويها احد شيوخ شمر
اقتباس:
اشكرك على مرورك الجميل |
رد : انتصار قحطان في معركة مع عتيبة يرويها احد شيوخ شمر
اقتباس:
اشكرك على مرورك الكريم |
رد : انتصار قحطان في معركة مع عتيبة يرويها احد شيوخ شمر
اقتباس:
الله يحييك في مجالس قحطان ونعم بك وبـ قبيلتك عتيبة (الهيلا) وكلامك صحيح ومن عقل اشكرك كل الشكر |
رد : انتصار قحطان في معركة مع عتيبة يرويها احد شيوخ شمر
مشكووووووووووووووووووووور وما قصرت
|
رد : انتصار قحطان في معركة مع عتيبة يرويها احد شيوخ شمر
فهد السريعي
ووجهك ابيض اسعدني مرورك لاعدمتك |
رد : انتصار قحطان في معركة مع عتيبة يرويها احد شيوخ شمر
ابن شديد بيض الله وجهك والله لايهنك على القصه ومشكور وتقبل مروري
|
رد : انتصار قحطان في معركة مع عتيبة يرويها احد شيوخ شمر
الله لايهينك يابن شديد ال مخثله
تقبل مروري ولك شكري |
رد : انتصار قحطان في معركة مع عتيبة يرويها احد شيوخ شمر
أرحب يابن شديد
والله يحيك ويحي علومك انا اشهد ان علوم ربعنا تنومس القاصي والداني ولاهي بغريبه على عوال الشايب من غير قصور في عتيبه عزا الله انهم ونعم ووافين ورايتهم بيضاء . وتقبل مروري يالقرم |
| الساعة الآن 04:00 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com