شبكة قحطان - مجالس قحطان - منتديات قحطان

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

- - قصيدة رثاء في اخو مهره (https://www.qahtaan.com/vb/showthread.php?t=54871)

قصيدة رثاء في اخو مهره

قصيدة رثاء في والدي الشيخ /هادي ابن محمد ابن معيض ابن حاليه ال سعد مقرع الحق المعروف واحد وجهاء واعيان قبايل سنحان رحمه الله رحمة واسعه ومهما قلت فلن اوفيك يا والدي ويا تاج راسي حقك ارجوممن يقرا هذه الصفحه ان يدعو لوالدي با الرحمه
[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="1,black"]
نبدا بطلبتك يا معبود يا والي = ياخالق الخلق رازقها ومفنيها
قال ابن هادي بدع من زين لمثالي = بدع من الراس متنقي معانيها
اببدع القاف لوما كنت انا سالي = والنفس بدع الغنا ماهو يسليها
قدهاضني للغنا ولجر موالي = كثرة هموم الحشا قد زاد صاليها
دنيا تميل علينا ايمين وشمالي = يا الله جوير من الدنيا وبلاويها
يا والله اللي فقدنا واحد غالي = والنفس مفجوعة بغياب غاليها
يا والله اللي بفقده انبرى حالي = والدمع با العين جارحها وقاذيها
الدمع با العين والضيقات في بالي = ياعين زيدي دموعك زود هليها
اببكي العود دامه يذكر هلالي = ودامت نجوم السما تلمع بعاليها
يا مخبلك يا اللذي لنفس عذالي = النار ماتحرق الا رجل واطيها
ياليتني فدوته في غامض الجالي = الروح من دون اخومهرة بنهديها
مرحوم يا شيخنا يا نجمنا العالي = يا راعي السيرة اللي نفتخر فيها
شيخ المعرفه وللصعبات حلالي = شيخ المواقيف قاسيها وعاصيها
ابوي يا مقرع للحق ما مالي = يفرض فروضه وبدعوى يقاضيها
ومن قبل فرضه قبيلينن ومعدالي = ولخصام با الحق يصلحها ويرضيها
شيخ يعرف الحكا ويفك لشكالي = واهل الحيل والغوى ماهو يدانيها
من قبله ابوه للمجاد قد نالي = شيخ الكرم راعي الجودات وافيها
وجده معيض مع العراف قدصالي = لي وصلته حجةٍ لابد ينهيها
العرف ورث لنا في كل لجيالي = عاداة جدان اخو مهرة ويمشيها
مرحوم يا اللي لربعه ريف وضلالي = عزلربعه عدو لمن يعاديها
اليا اعتزى به رفيقه ماهو يمالي = يفزع معه واصعب الحاجات يقضيها
مايذخر الجاه وايضا الحال والمالي = ينصا ملوك الوطن ما خاب نا صيها
كم من سجينن فزع له ذرب لفعالي = فزعات اخو مهرة ٍتنهي دعا ويها
يطلق سراحه ولو حموله ثقالي = عاداة اخو مهرةٍ ماهو يخليها
مقدم قبيله ولاول ما يجي تالي = الوله من نصيبك وانت راعيها
مرحوم يامعرب الجدين والخالي = من روس دعوى سعد تُعرف عزاويها
منصا لربعه ولضيفان مدهالي = الباب مفتوح والكرمات يثنيها
كريم عارف شجاع ماهو يبالي =يمنع ويردع وياقف عند حاضيها
يشهد بفعله حجا الحافر ولنقالي = بمات تاجين ما يخطي مراميها
يوم لفانا العدو رجلي وجمالي = يبغى مفالي لنا يرعا مراعيها
عَودكسير وجاز من التخبالي = والرجل من جور مافيها يشاديها
هذي فعوله فعولٍ ماهي اقوالي = قول بلا افعال عيب انا نطريها
هذي فعوله حقايق ماهي تزالي = حقايقٍ ثابته بصدق نرويها
الفقدبين وا عزي كل رجالي = واخص بتعزية ناسٍ بساميها
اعزي الابة اللي تزبن الجالي = دعوى سعد عزوتي يوم اعتزي فيها
اهل النقا والقنا عُراف جُهالي = واهل الظفر والفخر والعز كاسيها
جحادرٍ ما تداري كل عيالي = حدانها من جوش القوم تحميها
برمح حامينها وبغالي سلالي = من رايب الدم تسقيها وترويها
ربعي شيوخ الجهل حماية التالي = يشهدلها حاضر الدنيا وما ضيها
واثني التعازي لجناب سهول وجبالي = وبلادوبدود سنحان نعزيها
وفي الختم يا الله تجيب دعاي وسوالي = تغفر له الذنب والسيات تمحيها
وتبيحه وتنزله في خير منزالي = في جنة الخلد ينزل في علاويها
وانا جويرك تجيره يوم لهوالي = رحمتك يا ملتهم لبوي راجيها [/poem]
قايلها /تركي ابن هادي ابن حاليه