شبكة قحطان - مجالس قحطان - منتديات قحطان - صوت وصدى بيني وبين الشاعر ناصر بن بطي السحيمي

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

- - صوت وصدى بيني وبين الشاعر ناصر بن بطي السحيمي (https://www.qahtaan.com/vb/showthread.php?t=52416)

صوت وصدى بيني وبين الشاعر ناصر بن بطي السحيمي

أرسلت للأخ ناصر بن بطي السحيمي عدة أبيات وهي تعتبر قليلة في حقه

صوت عبدالله بن غفره

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الطيب مالـه لا حـدود وقناعـة = وفي نفس أبو بندر فجوجه وسيعة

أحدن ليا من طاب طيبة صناعـة = وأحدن سواته طيب فعله طبيعـة

ناصر على الناموس عجل أندفاعة = وخطوات رجلة للمعالـي سريعـة

عنده عزومن للوفاء واستطاعـة = ومهرة فعول المرجلة له مطيعـة

نطاح للماجوب فـي كـل ساعـة = نادر ولا يرضى بغيـر الطليعـة

بينه وبين البخل كـره وقطاعـة = ابعد من الخفجي وحـد الوديعـة

راع الحمية والوفـاء والشجاعـة = وله كفاً أبيض من جميلة لميعـة

يلمع سوات اللول من بطن قاعـة = حتى رقـى فالراسيـات الرفيعـة

ولو كان لفعول النشامـا أذاعـة = شفت المقدم كـل يومـاً يذيعـة

هذا اللي بينـه والرديـة مناعـة = وأفعاله اليا مـن فعلهـا طبيعـة [/poem]

الشاعر / عبدالله بن غفره

صدى الشاعر / ناصر السحيمي

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
حييت يا قافٍ وصلني طباعه = من يد من هو للمراجل ذريعه

الصاحب اللي ضاريٍ بالسناعه = و في كل طيبٍ صاير له شريعه

هذاك ابن غفره زبون الرفاعه = حال الحرار النايفات الشجيعه

عبدالله اللي وسط قلبه ولاعه = بالطيب و علوم المراجل جميعه

يشري خوي الطيب و الشين باعه = و يتبع سحاب الطيب و فعله تبيعه

يرقى على العليا بحسن و براعه = حتى المراجل تفتخر من صنيعه

حيث النعاره من جوانب متاعه = و باقي متاعه في ظلوعه وديعه

و المركب اللي ما تعطل شراعه = ساقه على بحر الظروف المريعه

و ربعه حزامه لا دعى الحرب داعه = تسمع طبول الحرب عنده قريعه

من لابتن عند الملقا سباعه = عواطفٍ حِرز الحصون المنيعه

و العاطفي لا من تعزوى جماعه = خيّال سمحات الوجيه البديعه

قلته و انا ناصر و عندي شفاعه = جدي ابن مسحم و سيفي قطيعه

امدح بني عمي و اجيب النفاعه = و اشوم من كل العقول الصديعه

و الطيب شمسٍ ما يغبى شعاعه = و المدح يزهى فالرقاب التليعه [/poem]

الشاعر / ناصر السحيمي

تقبلوا تحياتي وتقديري

أخوكم عبدالله بن غفره