قصة وقصيدة
بسم الله الرحمن الرحيم
اليوم جايب لكم قصة وقصيدة أتمنى أن أن أكون صاحب السبق في نشرها .. ________________________________________ قصيدة مشهورة ومشهور مطلعها أو عدة أبيات منها.. هي قصيدة الشاعر بن حصيص في سارةيقال أن إسمه محمد بن فهاد القحطاني عاش في الفترة من 1285هـ إلى 1354هـ .. يقال أنها كتبت في ((1000)) بيت.. أرى ان هذا مبالغ فيه.. والقصيدة طالها الزيادة وطالها التعديل واختلفت روايتها.. واشتهر منها حوالي 20 بيت فقط.. ((خلال بحثي عنها في الإنترنت وجدت عدة ابيات تختلف عن بعضها وكل شخص يرويها حسب ماوصلت له من والديه او من اجداده)) ________________________________________ والرواية الأقرب للصحة..: أن للشاعر صديق له بنت أسمها سارة.. لم يكن فيها أي جمال يذكر وقد كبرت ولم يتقدم لخطبتها أي رجل.. فشكى ابو سارة الحالة للشاعر بن حصيص.. فقال له الشاعر سأكتب قصيدة في بنتك علها تكون باب فرج لها.. فكتب القصيدة وذاع صيت البنت وخطبت وعدت من أجمل البنات في ذلك الوقت.. ________________________________________ القــصــيـــدة [poem=font="Simplified Arabic,5,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] هيض بن حصيص في تالي نهاره = ألف قافٍ من ضميـره دارجـاتِ راكبٍ من فـوق منبـوز الفقـاره = آركـي وحبـال كـوره كالفـاتِ آركيٍِِ ومربـع عشـب القـراره = ماعلاه الشد لـه سبـع سنـوات كن في عينه من الفرقـا شـراره = أو مخاليب الوحـوش الطايـرات ولعتني بالهـوى والزيـن سـاره = واخلفتني عـن غناديـر البنـات من خبر جارٍ ذبـح بالـود جـاره = بالمبيسـم والثنايـا المرهـفـات المطوع لو يشوف خديـد سـاره = طبق المصحف وعجـل بالصـلاة ريق ساره سكر له فـي غظـاره = أو حليب ابكار عـربٍ مسمنـات والثنايـا قحويـانٍ فـي زبــاره = نافـلٍ نـوره علـى كـل النبـات والنهود زبيـديٍ فـي لغـد قـاره = علهـن وبـل الحيـا ومصلعـات حالفٍٍِ ما سلى ولا انسى حب ساره = لين اهل شقـرا يخلـون الصـلاة صاحبي بالجـو مـد هالـه وداره = ما ربى في ثـر مـدا وألا مـرات جعل ضلع طويق يمحل هـو وداره = جعل يمحـل والوشـوم مربعـات حيث ينزل عند نا مضعون سـاره = واهني صويحبـي عنـدي يبـات واوجودي وجد مكسـور الجبـاره = ساهرٍ تسعيـن ليلـه مـا يبـات أو وجود اللي فضى الحاكم ديـاره = وخـذ مالـه والحريـم مسلبـات عقب ماهو تاجرٍ راعـي عمـاره = صـار فـلاح وامـوره هيـنـات لا يمي يعطى حنيشٍ فـي خبـاره = سمها يشظـا العظـام الصالبـات [/poem] وسلامتكم.. |
رد : قصة وقصيدة
أرحب يا ذيبان ..
بيض الله وجهك يا بو مهدي .. موضوع مميز .. وقصيدة أجمل .. لاهنت يا الغالي .. |
رد : قصة وقصيدة
تزوجت سارة وخواتها الاربعة بسبب محمد بن فهاد رحمه الله لاهنت على ايراد القصة والقصيدة
|
رد : قصة وقصيدة
الأخ مشاري والأخ ابو حسين ألف شكر على ثنائكم ومروركم
وإنشاء الله أكون عند حسن ظنكم تحياتي للجميع,,,,,,,,, |
رد : قصة وقصيدة
قصة جميلة وابيات جميلة :46_asmilies-com:
|
رد : قصة وقصيدة
لاهنت يا ابو مهدي بيض الله وجهك على هاذي السالفه والقصيده
|
رد : قصة وقصيدة
الأخوان ( القنا ) ( وإبن مهذل ) مشكورين على المرور وبيض الله وجيهكم
تحياتــــــــــــــــــــــــــــــــي,,,,,, |
رد : قصة وقصيدة
اقتباس:
|
رد : قصة وقصيدة
وافى يابن حالية وقصيدة جزلة لاهنت
|
رد : قصة وقصيدة
اقتباس:
|
رد : قصة وقصيدة
الأخوان ابن حالية وابن عيفة الحبابي بيض الله وجيهكم ومشكورين على المرور
|
رد : قصة وقصيدة
سصح لسانك لاهنت على كل حال
|
رد : قصة وقصيدة
قصه جميله وقصيده رائعه ..والاروع وجودك في الشبكه يا ابو سعيد ,,,,,,,,
تحياتي الصادقه وصادق الود ,,,,,,,, |
رد : قصة وقصيدة
الأخوان عايض الفهري وصدوق المخايل ألف شكر على المرور وبيض الله وجيهكم
|
الساعة الآن 11:54 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com