|
قحطان قبيله عن 5 قبائل.......!!
السلا عليكم يالابتي يامحزمي ياتاج راسي قحطااااااااان العريبه ساس العرب
واهل الحميا والشجاعه اول وتــــــــالي الزمن ،،، تحيه طيبه معطره النبا أرســــــلها نيابه من قبيلتي خزنة الظفر خلان الاشدة بــني هـــاجر ،، واقول ولا اطول عليكم يالوجيه الطيبه واللحا الغانمه وافسر لكم عنوان موضوعي بكل اختصار وهو ان قبيله قحطااااااان أكبر قبائل الجزيرة ومعروفه ولاتحتاج عند القاصي والداني وعلى قوله المثل ترا الطيب مرده قحطاااااااااااان ولاقصور في كل العرب المنافسه القادمه واضحه وهي بين قبائل امثال عنزه وشمر ويام ان فاز تركي 2000 نعد مطير معهم وان نسيت قبيله فياليت تذكروني الوكاد يا اخوان الغرض الي ابي وصل له هل اقحطان جهزت واستعدت لمواجه هذا التحدي القادم في اليوم الكبير ؟؟؟؟ قحطان ان تكاتفت قبائلها بهذا اليوم واجتمعت على ان ياخذون المليون بياخذونه والكل يعرف ذلك وبما ان حجم قبيله قحطان وكثرتهم ياماشاء الله في الوطن العربي وانتشار قبائلها يجعلنا نثق كل الثقه فيهم وفي تصويتهم وابن غريب بأذن الله ماهو طالع الى والفوز حليفه لكن الان الي نبيه منكم يا اعضائنا الكرام تصوراتكم القادمه ونظرتكم للحدث ياترا من يحسمها وهل في البرنامج هدف ملحوظ وتحيز لشاعر دون الاخر؟؟؟؟ خلونا انتناقش وناخذ تصوراتكم وارائكم للايام القادمه.....وهذا كله علمه عند الله ولكن نبي نظرتكم ومدى همه واستعداد ابناء قحطان لهذا اليوم المنتظر بني هاجر |
رد : قحطان قبيله عن 5 قبائل.......!!
يبشر با الفزعه اول هالحين
يحتزم بمطاليق انشاء الله رووووووووووووووووووح يابن غريب وحن معك |
رد : قحطان قبيله عن 5 قبائل.......!!
إن شاء الله إن حن معه لين الأخير
وبإسمي وبإسم قبائل رفيدة نعلن وقفتنا مع لإن عمنا في مشواره والله يوفقه إن شاء الله |
رد : قحطان قبيله عن 5 قبائل.......!!
لاهنت يا بني هاجر وبيض الله وجهك على ذي المشاعر الطيبه ويبشر بالخير ولد العم
لاهنتوا |
رد : قحطان قبيله عن 5 قبائل.......!!
لاهنت يالغالي ويبشر بنا ابن غريب في الاول وفي هذا الوقت ولكن المشكلة مثل ما قلت هو أن اللجنة عندها تحيز .... مثل تركي المريخي المطيري ... وهذا عضو من الجنة .. وأكيد بيوقف في صف المطرااان....
والشغلة إن كانت بالتصويت فالقحطانــي يبشر بالسعد وهو شاعر المليون.... تحياتي |
رد : قحطان قبيله عن 5 قبائل.......!!
الهلال تسلم ولاهنت يالذيب وهذا العشم للي مثلك وكل من في راسه احميااااااااا ومرجله
|
رد : قحطان قبيله عن 5 قبائل.......!!
سعيد بن مذي والله ونعم فيك وفي رفيده كلهم وتحرون بالعلوم الجزله اول وتالي الوقت
والحميا والفزعات ماهي غريبه عليكم طالبك وانا خوك وص ربعك وكل من يعز عليك انهم يوقفون مع ولد عمنا عبدالله ابن غريب وانت رجال ماتحتاج توصيه |
رد : قحطان قبيله عن 5 قبائل.......!!
تركي الجعادنه ووجههك ابيض وتسلم على المرور والمشاعر والفزعه الواضحه منك ولاهو غريب عليك انت وربعك سنحااااان تسلم ولاهنت ياكحيلان
|
رد : قحطان قبيله عن 5 قبائل.......!!
الفارس الجنوبي وجه نظر واضحه منك ونحترمها
وهو صحيح قبل كم يوم بمنتدى مطير لاحضت شخص مسجل ويقول انه مكلم تركي المريخي ومعلمه ان اليامي متقدم على تركي باصوات والوضع غير مطمأن ؟؟؟؟؟؟؟؟؟ وهذا ماهو كلامي هذا الكلام بمنتدى مطيروالموضوع موجود وعليه ردود طيب اذا هذا الكلام صحيح شلون تركي المريخي يسرب مثل هذه المعلومات لربعه ؟؟؟؟؟ وين الامانه والحياديه ان صح ذلك !!! لكن الله كريم والي كاتبه رب العالمين بناخذه ولكن همتكم يالربع واتركو الشات الي ماينحسب وصوتو على الارقام الموضحه والمعروفه لابن غريب والله يوفقنا واياكم |
رد : قحطان قبيله عن 5 قبائل.......!!
اهداء لكم قصيده حسين بن شتوي الحبابي : [/poem][poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"] بنتخي جمع قحطـان وكـل طيـب=الحبابي مانبـي الفرصـه تفوتـه واين ربعي من بعيد ومن قريب=كـل قحطانـي يشاركنـا بصـوتـه فـزعـه مـنـا لـعـبـدالله غـريــب=شـاعـر مـنـا وتعجبـنـا بـيـوتـه |
رد : قحطان قبيله عن 5 قبائل.......!!
حنا هل الفزعات والنخوة
وأذا تركي المريخي مطيري وبيوقف مع المطران فترى حمد السعيد عااااااااااااااااصمي وفالك المليون يابن غريب وخير من يمثلهم |
رد : قحطان قبيله عن 5 قبائل.......!!
محتري السيل صحح معلوماتك مشرفنا العزيز
السعيد(ي) الي مع لظفير هم الي اصلهم من ال عاصم الجحادر اما عائله ((السعيد)) الي منهم حمد وطلال السعيد فهؤلاء من اقرويه الكويت وخاصه منطقه الجهراء حسب ما اعرف وانا متؤكد من كلامي دعواتكم يا اخوان وفزعتكم الجاده مع شاعر السبع لغات المبدع عبدالله الحباااااااابي ولا ننسا قبائل الامارات واهل دولة الامارات فهو شاعرهم وشاعر بلدهم ايضا |
رد : قحطان قبيله عن 5 قبائل.......!!
الى جميع الهواجر ما ارتكيتو واعتزيتو الا بجبل وهو قحطان 00000 وتبشرو والله بالفزعة
وخاصة من (قبيلة ال مالح زهير عبيدة قحطان ) فتى خضار الزهيري |
رد : قحطان قبيله عن 5 قبائل.......!!
فتى خضار حياك الله وبني هاجر طال عمرك حزام لقحطان واقحطان احزامن لها
ولافيها شكه والفزعه وحده والطوله وحده يالامير لاهنت |
رد : قحطان قبيله عن 5 قبائل.......!!
ابو سالم وجه نظر نحترمها وشاعرنا بن غريب جزل وشاعر السبع لغات ولايحتاج مدح مني
والجمهور والساحه الادبيه اعرفته عن قرب وموهبته فاقت الساحات فمن ناحيه الجزاله فنحن معه ومن ناحيه الحميا والتصويت فهذا شان كل القبائل وكيف نقف عن ذلك وحنا اعيال اقحطاااااااااان تاج الحميا وساسهاااااااااا؟؟ حياك الله |
رد : قحطان قبيله عن 5 قبائل.......!!
بني هاجر شكراً جزيلاً على إثارة الموضوع وأنتم يابني هاجر هل الفزعات والمواقف الحازمة .
عبدالله بن هادي بن غريب آل ناصر الحبابي القحطاني شاعر وموهله العلمي (يحضر للدكتوراه) يتيح له مزيداً من التفوق ليس في هذه المرحلة وإن كانت نقطة إنطلاق حاسمة ومحورية ، وإنما لحمل لواء الشعر في هذه المرحلة القادمة (أنطلاقة) لشاعر متكامل اضف إلى ذلك إنه يمثل قطبين مهمين هما : - شعب الأمارات - قحطان . وبغض النظر عن الكسب المادي ولكن الغلب ما أحد يقبله فنحن أهل طليعة من غير قصور في الأخرين وبالله التوفيق . تقبل تحياتي أخوك علي شداد آل ناصر الحبابي القحطاني |
رد : قحطان قبيله عن 5 قبائل.......!!
الاستاذ علي بن شداد ابو ابراهيم حياك الله ولاشكر على واجب
وماعليك زود وكذلك انتم يالحباب اهل وقفات والي نبيه منكم ولدكم الله هالله فيه وانتو ماتحتاجون تووصيه اكييد ومثل ماقلت قحطان أهــــل طليعة دائما فالمركز الأول لها انشاء الله ولن يحصل هذا الى اذا تكاتفنا جميعا على ان نحسم الاموور لصالح ابن غريب شاعر السبع لغات احتراامي |
رد : قحطان قبيله عن 5 قبائل.......!!
ابشر بعزك .........................
عز الله أنه فاز بالمليون ما دام قحطان معه أنشاء الله ................ (وآل قريش عبيدة قحطان أول المصوتين له ) ................... |
رد : قحطان قبيله عن 5 قبائل.......!!
اقريشي بيض الله وجهك انت وقبايل عبيده كافه معروفين من اول الوقت اهل فزعات وحميااااااااااااا
وبيض الله وجيهكم وفووووووووق فووووووووووووق التصويت يالربع التصويت الهمه الهمه في ولد عمكم لاتخلوووووووووووووووونه بني هاجر |
رد : قحطان قبيله عن 5 قبائل.......!!
اقتباس:
صح المريخي مطيري بس حمد السعيد مهوب عاصمي ولاهوب قحطاني اصلاا هو تميمي بس ابن غريب قحطاني ولا تخاف عليه مدام وراه اعيال مضيم وابشر بصااااااااااادق الفزعه |
رد : قحطان قبيله عن 5 قبائل.......!!
كفوووووووو والله يابن عمي مانخلا منك يالذيب
التصويت يالربع لحد يذخر الدينار والريال على الحبابي الرجال زهمكم ولاتفشلوووونه |
رد : قحطان قبيله عن 5 قبائل.......!!
ابشر بسعدك يالهاجري
وبيض الله وجهك على زرع الحماس عند أبناء القبيلة يالوافي تحياتي |
رد : قحطان قبيله عن 5 قبائل.......!!
بني هاجر لوكل قحطان مثل حماسك كان خذا ابن غريب الاول والاول مكرر والثاني والثالث
جعني مابكيك يابني هاجر ولدعمك رحال الجحدري |
رد : قحطان قبيله عن 5 قبائل.......!!
إن راده الله ماقطعنا المواااثيق,,,
بإذن الله الفووووز قحطاني ,,, تحياتي لك |
رد : قحطان قبيله عن 5 قبائل.......!!
يبشر بالسعد
مشكووووووووووور يالهاجري |
| الساعة الآن 09:37 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com