(قصيدة فرك الخشوم)
 

هذه القصيده جديده وحبيت اشارك بها بعد الغياب الطويل
ورجوا المعذره من الجميع على طول الغياب

[poem=font="Simplified Arabic,6,black,bold,normal" bkcolor="transparent" bkimage="" border="none,medium,white" type=4 line=0 align=center use=ex num="0,black"]
بين حب الجباه وبين فرك الخشوم=وتحت جنح الظلام وقبل نور الصباح
وفوق ذيك التلال وبين ذيك الرجوم=هم قلبي يلفه مثل لف الرياح
بيني وبين نفسي مثل حرب النجوم=لاسلام يدوم ولا بنزع السلاح
تبغي تروح مني عن طريق اليموم=بينما اقول يانفسي طريق الصلاح
تارة في الدفاع وتارة في الهجوم=سنة سنها الرحمن لاهل الكفاح
الصعيبه تهون بعين رجلٍ عزوم=والعشاء ينعرف في عين طير الفلاح
من رضي بالمهانه عاش عيشة رخوم=والمريضه مرضها يعدي اللي صحاح
زلة من رفيقي باحتملها واقوم=آتحمّل خطاه ولايطيح السناح
من يبور بصديقه في نهار اللزوم=عاش من غير صدقانٍ كسير الجناح
التراجع مذله والشجاعه قدوم=والتكبر حرامٍ والتواضع مباح
والليالي تمر العين مثل الحلوم=ولابقى من حياتي كثر ماظن راح
نفسي ابيك مني تسمعين العلوم=قبل يومٍ يجي ماعاد بعده سماح
اخلصي طاعتك لله ربٍ رحوم=والمراسيل وصلوا وابيض الشيب لاح
احذري موت غفله بين ليلٍ ويوم=والحقيقه ترى ماتستوي والمزاح
واذكري لاحذف مني جديد الهدوم=مايفيد البكاء ولا يفيد النياح
واللبسوني لباسٍ ماصنع له كموم=بعد ماغسلوني ريحه الطيب فاح
واحملوني على نعشٍ يشيله قروم=واسرعوا بي لقبر في صعيدٍ براح
منزلٍ من ترابٍ والنثيله طموم=وتركوني الاحبه والمطاح المطاح
وانتهى العمر مايمكن لحي يدوم=والبقاء لله المعبود مجري الرياح
والعزاء قيم والحسره تعم العموم=وكل من هو لي صديقٍ يحس بجراح
والديني عليهم خيمن الهموم=ودمعهم من فراقي فوق الاوجان ساح
والولد يسأل امه ويش تالي العلوم=والبنيه تقول ابوي غيّب وراح
وماجمعته تقسم واسرعوا في القسوم=ولابقى شي بعدي لاملح لاملاح
والحوايم على قبري تدور وتحوم=لكن اقول يالله ياكريم السماح
واخر القول صلوا عد وبل الغيوم=بالنبي وآله وصحبه دعاة الصلاح [/poem]

وسلامـــتكم0

اخوكم سعيد بن فالح القحطاني

رد : (قصيدة فرك الخشوم)
 

صح لسانك
وبيض الله وجهك على هذه القصيده الرائعه

رد : (قصيدة فرك الخشوم)
 

الاخ سعيد


لاهنت وصح لسانك


قصيدة وافيه وانت الوافي


فعلاً مبدع وابدعت في هذه الرائعه لاعدمناك


ولايستغرب منك فأنت شاعر بن شاعر


ولا نستغني منك تنقل لنا بعض قصائد الوالد اطال الله عمره


دمت بخير


.

رد : (قصيدة فرك الخشوم)
 

صح لسانك وبيض الله وجهك على هذه القصيدة

رد : (قصيدة فرك الخشوم)
 

أرحب أرحب أرحب أرحب أرحب أرحب أرحب أرحب أرحب أرحب أرحب أرحب أرحب أرحب أرحب أرحب لاهنت وبيض الله وجهك على ذي القصيده اخوك السنحاني

رد : (قصيدة فرك الخشوم)
 

ارحب يابوفالح

وصح لسانك


ولا هنت

رد : (قصيدة فرك الخشوم)
 

السلام عليكم ورحمة الله وبركاته

مشكورين على هذه الردود الطيبه

وانت يااخ سعد ابشر بالي تبي من قصائد الوالد وانا بحاول اجعل له

قصيدة في بعض الاصدرات الجديدة ان شالله

إعفاكم

رد : (قصيدة فرك الخشوم)
 

الله الله

صح لسانك مدد ماهوب عدد

قصيدة وافية وكافية بيض الله وجهك

في انتظار جديدك ياسعيد

رد : (قصيدة فرك الخشوم)
 

ابو فااااااااااااااالح


اررررررررررحب الله يحييك



ومن طول الغيبات جاب الغنايم



صح لسااااااااااااااااااااااانك ولا تحرمنا من جديدك



تحياتي

رد : (قصيدة فرك الخشوم)
 

لا هنت و صح لسانك

و الله يعطيك العافية

رد : (قصيدة فرك الخشوم)
 

لا هنت وصح لسا نك ويعطك العا فيه

رد : (قصيدة فرك الخشوم)
 

صح لسانك يابو فالح ولاهنت ولايستغرب منك ذلك0

*** مع تمنياتي لك بتوفيق والعمل الصالح انشاالله***

رد : (قصيدة فرك الخشوم)
 

رد : (قصيدة فرك الخشوم)
 

السلام عليكم ورحمة الله وبركاته


ارحب ياسعيد

قصيدهـ وافيه وابيات جزله ومعبرهـ

صح لسانك وعلا شانك

وتسلم لنا يمينك علي الموضوع

تحياتي لك

رد : (قصيدة فرك الخشوم)
 

بيض الله وجهك يا سعيد وفيت ولا هفيت وكلك وفا يا بن ما هد ذكر تني بيت شعر يقو ل ما ينسينا الخطا حب الخشوم

رد : (قصيدة فرك الخشوم)
 

صح لسانك على القصيدة وليست مستغربه من شاعر بقامتك

رد : (قصيدة فرك الخشوم)
 

صح لسانك ابو فالح وبيض الله وجهك على كل حاااال



لا هنت

رد : (قصيدة فرك الخشوم)
 

بيض الله وجهك من جد قصيده رائعه جداً..........

رد : (قصيدة فرك الخشوم)
 

رد : (قصيدة فرك الخشوم)
 

اللهم صلى وسلم على حبيك ورنبيك محمد وآله وسلم

صح لسانك وعلا شانك قصيدة رائعة

تقبل مروري

رد : (قصيدة فرك الخشوم)
 

صح اللسانك يابو معجب

ومبدع دائما

وقصيده جزله من شاعر جزل

نترقب جديد ابداعاتك