( العارض المنقاد من دون خلي ) قصيدة نادرة للأمير ناصر بن عمر بن قرملة
بسم الله الرحمن الرحيم
السلام عليكم ورحمة الله وبركاته يسرني ان أقدم لكم اليوم قصيدة قديمة وقصة مصاحبة لها .. ومنها شطر مشهور يتردد على ألسنة الناس .. وهو ( الـــعـــارض الـــمــنــقـــاد مـــن دون خــــلـــي ) .. فهذا البيت من قصيدة قالها الأمير الفارس ناصربن عمّر بن هادي بن قرملة .. ومناسبة القصيدة أنه يرحمه الله كان يعشق فتاة من إحدى القبائل عشق نقاء وعفة .. فقال هذه القصيدة عندما رحل أهل محبوته بحلالهم في أيام الربيع طلباً للمرعى، فقال يشكو ألم الفراق:[poem=font="Simplified Arabic,5,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] يا عنك ما نجع الهويدي هوىً لي = والكرك يـا محسن طـوارف رعاياه الله أكـبـر يـــوم شـفـتـه يـصـلـي = مـا احسن عـلى مـتـنـه زمـة زواياه أبكي وحطيت الـبكـا سهمـةٍ لـي = هافت غصون القلب واصفت ركاياه أبكي خفا وأضحك بيانٍ مع اللي = القلب ما يدرون عن غـايـة اقـصـاه قالوا لـي الـعـذّال مـخبلك يااللي = تـبـكـي ولــد نـاسٍ تـفـارقت ويــاه قلت آه ما انسى اللي حيثه يسلي = والله ما انسى اللي تواجهت ويّـاه اللـي لــيا مـنـه نـوى ذبـحــةٍ لـي = أرخى المليثم لين تبدي شـفـايـاه يغضي بحجر العين كله رضاً لــي = من خوفته يدري حـدٍ مـن دنـايــاه الـعـارض الـمـنـقـاد مـن دون خلي = والمجمعة وسدير باقصى قـراياه خلّي ورا العارض وأنا فرع سلّـي = يـا بـعـد ديرانه ويـا قـرب طـريـاه بـيـض الـنـعـام مـربّـعٍ دون خـلـي = وصفر العراقب برّكن دون مـربـاه ما ازين حديثه فـوق فـرشٍ وزلـي = لا وا حسايف يوم ما أبطيت ويــاه خذيت من ريـقـه شـروب الـمـولّـي = شـروب اهل هـجـنٍ قربهم مطوّاه[/poem] [ شرح لبعض المفردات ] 1- الهويدي: من قبيلة قحطان، وسبق أن ورد اسمه في قصيدة الشيخ شالح بن هدلان، ومنها: [poem=font="Simplified Arabic,5,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] إن كان تنشد يا الهويدي عن الطير = الطير والله ياالهويدي غدا لي[/poem] 2- الكرك: من قبيلة السهول. 3- العارض المنقاد من دون خلي: في هذا الوصف تورية، وهو يقصد قاطع بيت الشعر الفاصل بين الرجال والنساء. 4- بيض النعام: يقصد بها فناجيل القهوة. 5- صفر العراقب: هي دلال القهوة. [ المصدر ] بقلم / خالد الماجد القحطاني - صفحة وسم - مجلة المختلف - أخوكم/ مشاري بن نملان الحبابي |
رد : ( العارض المنقاد من دون خلي ) قصيدة نادرة للأمير ناصر بن عمر بن قرملة
عز الله قصيده كفو الله يرحمه
ابيض وجه لاهنت |
رد : ( العارض المنقاد من دون خلي ) قصيدة نادرة للأمير ناصر بن عمر بن قرملة
موضوع بالحيل مميز ... رحم الله الفارس الشاعر الامير ناصر بن عمر بن قرملة
لاعدمتك يالمميز ... تقبل تحياتي |
رد : ( العارض المنقاد من دون خلي ) قصيدة نادرة للأمير ناصر بن عمر بن قرملة
ارحب يا مشاري...
بيض الله وجهك على القصيده وصح لسان ابن عمر والله يرحمه... تقبل تحياتي واعجابي بما تطرح وبانتظار جديدكـ... |
رد : ( العارض المنقاد من دون خلي ) قصيدة نادرة للأمير ناصر بن عمر بن قرملة
اقتباس:
وجهك أبيض .. ولا انت .. أشكرك على المرور .. |
رد : ( العارض المنقاد من دون خلي ) قصيدة نادرة للأمير ناصر بن عمر بن قرملة
اقتباس:
بيض الله وجهك على المرور الرائع .. تقبل فائق التقدير والاحترام .. |
رد : ( العارض المنقاد من دون خلي ) قصيدة نادرة للأمير ناصر بن عمر بن قرملة
اقتباس:
ووجهك يا وجه عبدالله .. لاهنت يا الغالي على المرور الممميز والرائع .. |
رد : ( العارض المنقاد من دون خلي ) قصيدة نادرة للأمير ناصر بن عمر بن قرملة
حسب علمي ان المجمعة وسدير هي النجر والمحماس وهي كذلك تورية من الشاعر وابعاد للحوم
|
رد : ( العارض المنقاد من دون خلي ) قصيدة نادرة للأمير ناصر بن عمر بن قرملة
أرحب يا سليل زيد ..
لاهنت على التوضيح .. والمعنى في بطن الشاعر .. |
رد : ( العارض المنقاد من دون خلي ) قصيدة نادرة للأمير ناصر بن عمر بن قرملة
قالوا لي العـذّال مخبلـك يااللـي تبكي ولـد نـاسٍ تفارقـت ويـاه
قلت آه ما انسى اللي حيثه يسلـي والله ما انسى اللي تواجهت ويّـاه اللي ليا منـه نـوى ذبحـةٍ لـي أرخى المليثم لين تبـدي شفايـاه يغضي بحجر العين كله رضاً لـي من خوفته يدري حدٍ مـن دنايـاه العارض المنقـاد مـن دون خلـي والمجمعة وسدير باقصـى قرايـاه خلّي ورا العارض وأنا فرع سلّـي يا بعد ديرانه ويـا قـرب طريـاه بيـض النعـام مربّـعٍ دون خلـي وصفر العراقب برّكن دون مربـاه ما ازين حديثه فوق فرشٍ وزلـي لا وا حسايف يوم ما أبطيت ويـاه خذيت من ريقه شـروب المولّـي شروب اهل هجنٍ قربهـم مطـوّاه بيض الله وجهك على هذه القصيده الاكثر من رائعه وتقبل مروري تحياتي |
رد : ( العارض المنقاد من دون خلي ) قصيدة نادرة للأمير ناصر بن عمر بن قرملة
قصيده جميله لكن عندي تعقيب على معنى العارض المنقاد وهو جبل معروف في منطقه وادي الدواسر ومعروف عند أغلب قبائل الجنوب.
|
رد : ( العارض المنقاد من دون خلي ) قصيدة نادرة للأمير ناصر بن عمر بن قرملة
لك فائق الشكر يامشاري
على النقل الرائع ورحم الله الشيخ ناصر |
رد : ( العارض المنقاد من دون خلي ) قصيدة نادرة للأمير ناصر بن عمر بن قرملة
اقتباس:
ووجهك أبيض .. لاهنت على المرور .. |
رد : ( العارض المنقاد من دون خلي ) قصيدة نادرة للأمير ناصر بن عمر بن قرملة
اقتباس:
بالفعل العارض المنقاد تشوفه على يسارك وأنت رايح للجنوب .. في السليّل والوادي .. ويعدل جنوباً مع طريق نجران .. وفي اتجاهك لنجران يكون على يسارك أيضاً .. لاهنت على المرور .. |
رد : ( العارض المنقاد من دون خلي ) قصيدة نادرة للأمير ناصر بن عمر بن قرملة
اقتباس:
العفو يا الغالي .. أشكرك على المرور الرائع .. |
الساعة الآن 05:48 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com