وجدي على اللي جر قلبي وتله *** تلة غشيم ما يعرف السواقه
 

اهدي هذه القصيده للشباب الهواويه في المنتدى واللي اتمنى ان تلامس قبولهم

[poem=font="Simplified Arabic,7,black,normal,normal" bkcolor="black" bkimage="backgrounds/40.gif" border="double,10,black" type=1 line=0 align=center use=sp num="0,black"]
وجدي علـى اللي جـر قلـبي وتلـه=تلـة غشـيمٍ مـا يـعرف السواقه
الصـاحب اللـي لا يبـس ريقي بله=عقب الوصـل صرنـا نشوفه شفاقه
للـحب سـيـف ورمـش خلـي يسلـه=وللحـب جـرح وصـد خلي انبثاقه
من اولٍ حبـل الوصـل فـيه جِلٌه=واليـوم من حـك الجفا به دقاقه
مـا يوجع العاشق مثل جرح خلـه=صد الـولايـف للمـحبــين عـاقـه
ومـا يفـهم المجروح ياكود من لـه=جـرحٍ مثل جرحي على الموت ساقـه
وقت مضى يـا زيـن طبعـه ودلـه= واليـوم كـاس الحـب وشفيه راقه
يبـطي ولا يـدري البطى حط علـه= في جوف من لا له على البعد طاقه
بعـض الغـلا يعمي الـبصير ويضله=مثـل السراب اللي وهم في براقه
اضـحك وانا اللي شايل الهم كله=جـرحٍ دريته من عيـون الرفاقـه
وقـت الوفـا قفـى وجـا في محلـه=وقـتٍ بـدر مـنـه كثـير الحماقـه
وقـتٍ ينـزل بـالـغـلا من يـشله=كـثـر الخـطا وقل الادب والباقه
وجـدي علـى وقتٍ مضـى فيه فلـه=وقـت الحبـيب يصون عهد الصداقه
يـا صـاحـبي للـحـب ديـنٍ وملـه=فـيه التـعارف ما يبي له بطاقه
مـن خلـقت الدنيا ولا احد يدله=واليا انطلق ما احد يرد انطلاقه
يـسـرق ولا تثـبت عليه الادلــه=ولا احد يـشوفه لاشـرع بالسراقه
الـيا نـوى قـلب غـزا واستحله=والـيا رحـل خلـف دمـار بفراقه
والـيا رضـى مثل القمر في مطلـه=والا مـثـل ورد تجـمـع في بــاقـه
الـيا اهتـنى العاشق ترى ما يمله=والـيا تلـوع واسـع الكون ضاقه
لـغـز عـسـير وما لـقى مـن يحلـه=واصـعب غمـوض الحـب سـر اشتياقه[/poem]

مشعل بن شفلوت

ارحب يابومترك ارحب

لبااااقلبك وقلب قصيدك

تعرف رايي فيك

صح لسانك يا ابو مترك ولا هنت على القصيدة الجزلة

صح لسانك يابو مترك
على القصيده

سجل اعجاااااااااابي

صح لسانك يابو مترك
وتقبل تحياتي
اخوك المهداني

بسم الله الرحمن الرحيم
بيض الله وجهك أخي مشعل بن مترك بن شفلوت
ورحم والدك الشيخ مترك الذي كان والد للجميع
ولا تحرمنا من المشاركات والقصائد الجديدة
ابنك ابو نورة العبيدي

صح لسانك ياابو مترك و الله انك شاعر و شيخ وكفو
والله يردك سالم غانم
اخوك و محبك و متابعك ابرق عياش

لاهنت على القصيدة يا ابومترك
الله يردك سالم غانم
اخوك و محبك ابرق عياش

صـح لسانك يـاأبو متـرك
لا عدمناك




وتقبل تحياتي


أخوك / مطــر بن عيـــد العفيـــــــــش

صح لسانك يابن شفلوت

السلام عليكم ورحمة الله وبركاته

صح الله لسانك يابو مترك

قصيده جزله من جزل ولاهي غريبه لاعليك ولا على اللي شرواك

اتمنى تسجيل مروري المتواضع على صفحتك الراقيه

لك مني كل التقدير والمحبه

اخوك / فهد المكودر

((ما يوجع العاشق مثل جرح خله))

صح لسان يا ذيبان
وينك عنا ما نشوفك هاليومين

أرحب الله لايهينك يابو مترك وشكرا على التوريط

السلام عليكم ورحمة الله وبركاته

صح السانك

يابن شفلوت

وبيض الله وجهك

احترامي وتقديري


اخوك / تراحيب القثامي