صوت وصدى ( بي ام ، ولكزس)..
في احد الايام ارسل لي الشاعر ( مجري بن سالم العلياني ) قصيدة يسندها علي وقد رديت عليه اتمنى ان تنال كل القصيدتين استحسانكم ،اولاً قصيدة الشاعر مجري العلياني وارسلها بالمندوب على (بي ام دبليو) [poem=font="Traditional Arabic,6,black,bold,normal" bkcolor="transparent" bkimage="http://www.smanalhrj.com/vb/images/toolbox/backgrounds/30.gif" border="groove,6,chocolate" type=0 line=0 align=center use=ex num="0,black"]ويقول الشاعر مجري: عديت رجم العنا ورجلي عنت صوبه= والنفس قشرا ولا تترك قرادتها من ضيقةٍ فالفواد النفس منكوبه= يالله طلبتك تزيح هموم كربتها وسط الضماير لهيب النار مشبوبه= وهبت عليها الشمال وزاد شبتها وصدري تهيض وقام ايصوغ مكتوبه= ومن جزل الابيات قمت اصوغ كتبتها ياراكب اللي جديد تو ما جوبه= بي ام واضح على الشنطه علامتها فتحه ، وحجم اربعميه جات مطلوبه= وثلاثميّه وزود انبير سرعتها ايغير القير اتوماتيك بسلوبه= ومميز من غلاها رقم لوحتها اللون زيتي وشكلٍ كله اعجوبه= الانوار ليزر تورد من وكالتها تشبه فتاتٍ من العربان مخطوبه= تزينت بالذهب في ليل دخلتها قامت تحط الكحل فالعين وتذوبه= وتكد فوق الجبين الزين قذلتها تنصى القعيمه عساه ايعود مندوبه= برسالةٍ مثلها ولا حليتها له مجلس عامر والنار مشبوبه= والعود هو والشحم دايم بدايتها مقدام قوم وهو من قوم محسوبه= وكل القبايل لهم عدت شهادتها ونصيحتك يالقعيمه منك مرغوبه= ونفسي تقبل نصيحتكم برغبتها ونفسي على مراسلة شرواك مجذوبه= وختامها المسك مني في نهايتها[/poem] رديت عليه وارسلت له ( جيب لكزس) [poem=font="Traditional Arabic,6,,bold,normal" bkcolor="transparent" bkimage="http://www.smanalhrj.com/vb/images/toolbox/backgrounds/30.gif" border="groove,6,sienna" type=0 line=0 align=center use=ex num="0,black"] هلت مزون الشعر ثم دار دالوبه= يا فكر جزل المعاني جات حزتها رفعت صوتي وجت مهيب مغصوبه= جتني تسابق وتعطيني تحيتها الشعر نعرف هجينيه ومسحوبه=معانيٍ ونتخير في جزيلتها يا مرحبا بالعلياني ومكتوبه= من لابتن والنعم والطيب عادتها والضيف الى من لفى نعطيه ماجوبه= واهل الكرم والوفا ما انسى صداقتها قم يانديبي ترى الابيات مطلوبه= اركب على اللي ليا من شفت رزتها لكزز مديل اربعه والفين مجيوبه= من دولةٍ دايم تتقن صناعتها من شافها يحسب انها زول رعبوبه= يفز قلبه بروحتها وجيتها وكنها فرس ذيب بن شالح ومكسوبه= وياطيب يمنى من الاجناب جابتها اللكزز الجيب لليابان منسوبه= ثماني سرندل قوة مكينتها مصممينه ومشكلته وعذروبه= مكينته نازله دايم حرارتها من مصنعه بويته ماهيب مقلوبه=اللون بيجٍ وجلد اسود غمارتها ودليلة الراكبه ما يخطي دروبه= والى استوى خطها يا زين دعستها واليا فهقت الرويضه جات مسكوبه= اللوحه اللي حصاة العز كتبتها منصاك حرٌ ومن احرار مهيوبه= اللابه اللي ليا من جات هيتها ارواحهم في سبيل العز مجلوبه= افعالهم ثابته والطيب رايتها والله يكافي شرور الوقت وغيوبه= وقلوبنا يالله بطاعتك ثبتها ورجم العنا يا مجري وش تبي صوبه= مدام نفس الفتى بيضا صحيفتها رجم العنا وش تبي بحرّه ولاهوبه= والنفس لابد ما تلقا منيتها وكلن على قد جسمه فصلوا ثوبه= والانس والجن معروفه وظيفتها نصيحة الدين مقبوله ومطلوبه= والعشر يالله عسى ناخذ نصيفتها ورسالتي جاتك بلمثال مصحوبه= وختامها العود الازرق في نهايتها[/poem] تقبلو تحيات اخوكم : عبدالله بن هادي بن القعيمه |
ابو هادي صح السانك وعلا شانك شاعر فاخر نفخر بوجود معنا في هذا الصرح الشامخ وصح السان الشاعر مجري بن سالم العلياني |
الاخ عبدالله القعيمه جزل ومبدع وانا احرص دائماً على متابعت ماتكتب صح لسانك وصح لسان مجري العلياني كلكم وافين لاعدمناكم كان لي شرف المرور على ما كتبت واسجل اعجابي لك مني اطيب تحيه وبلغ مجري تحياتي |
صح لساااااااانك
والله يعطيك العافيه |
ابو هادي صح لساانك ولساااااااااان العلياني صوت وصدى رائع تحياتي |
لاهنت يابو هادي
صوت وصدى ... مدوي صحت السنتكم ولاهنتوا علي الكلام الجزل الي الامام يابو هادي ومزيد من العطاء وتقبل من بحر احر التحايا |
1 مرفق
لاهـــــــــــــــــــــنت يا
عبدالله بن هادي بن القعيمه وبيض وجهك صح لسانك وصح لسان مجري العلياني |
عبد الله ابن القعيمه ارحب الله يحييك :71_asmilies-com: :71_asmilies-com: صح الله لسانك وعلا شانك وصح الله لسان مجري العلياني روعه في التركيب والوصف والمعنى ابيض وجه ولاهنت لاتخلينا وانا اخوك من القصيد الطيب |
الأخ العزيز عبدالله القعيمه سلمه الله
صح لسانك وبيض الله وجهك وصح لسان العلياني وبيض الله وجه أخوي عبدالله صراحة أنك من المبدعين ومن الشعار الذين لهم بصمه واضحه في هذا المنتدى مره ثانيه أتمنى المزيد من القصايد اللتي عودتنا عليها ياأبو هادي تقبل فائق احترامي وتقديري لشخصك الكريم أخوك / كااسر |
ابن القعيمه
الجزاله انتم منبعها ماهي بغريبه عليك وانت ولد هادي شاعر الجيش السعودي الله يرحمه |
عبدالله القعيمه
صح لسانك وبيض الله وجهك وصح لسان العلياني وبيض الله وجه أخوي عبدالله صراحة أنك من المبدعين ومن الشعار الذين لهم بصمه واضحه في هذا المنتدى صوت وصدي مميز ومراسله شعراء وافيين ومبدعين تقبل فائق احترامي وتقديري لشخصك الكريم |
القويفل
لاهنت على المرور |
لا هنت ياخوي سعد
على المرور والك جزيل الشكر |
عبد الله ابن القعيمه ارحب الله يحييك صح الله لسانك وعلا شانك لايستغرب منك ذاك الشبل من ذاك الاسد معجب بشعرك وبشعر ابوك جعله في الجنه وصح الله لسان مجري العلياني روعه في التركيب والوصف والمعنى ابيض وجه ولاهنت لاتخلينا وانا اخوك من القصيد العذب |
السلام عليكم ورحمة الله وبركاته اخوي ابو هادي قصيده جزله من العلياني
ومجاراتها هايله منك جعلك تسلم والقارئ |
القويفل
لاهنت لاهنت تحياتي |
سعد القحطاني
لاهنت لاهنت تحياتي |
وحيد الجنوبيه
وافي لاعدمتك |
عبدالله المهداني
وافي وافي |
بحر
تسلم يا النشمي وافي لاعدمتك |
صح لسانك ياعبد الله ..
اشهد ان الشعر ذوق |
صح لسانك يا يا ابن هادي ولاهنت
|
أبو هادي
صح لساااانك وبيض الله وجهك واااااااافي وجزززززل يالسنافي وصح لسان مجري لا تحرمنا من جديدك وقصايدك الجزله |
الساعة الآن 05:35 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com