|
ال سعد وال مقطه
يروي الشيخ نايف ابن عبدالعزيز ابن قنيفذ ابن لبدة الشيخ الحالي لقبيلة ال سعد ورئيس مركز البدع في الرين عن ابية الشيخ عبدالعزيز رحمة الله انة كان صغير ووحيد ابية الشيخ قنيفذ وكان يردفة على ذلول وكانو في العشر الاواخر من رمضان والوقت كان قيظ واتاهم الخبر ان شيخ المقطة محمد ابن هندي وقبيلتة واردين على عد من عدود قحطان في نجد
وان ال سعد مانعينهم لا يروون وكانو المقطة حالهم صعب وحايلين ال سعد دونهم ودون الما وانطلقنا انا وابوي الين جيناهم وكان بعض ال سعد يمنع بعض لايذبحون الشيخ ابن هندي حيث ان العداوة كانت على اشدها ونوخ ابن لبدة ذلولة وانطلق نحو ابن هندي اللذي كان جالس بجانب العد مع احد اولادة الصغار وعندما رأى ابن هندي ابن لبدة قادما نحوة وقف ونظر بعضهم الى بعض بدون سلام من شدة البغض والعداوة وقال ابن لبدة لبن هندي عدو السو لابد يدنية القدر ورد ابن هندي وقال وليت يابو سلطان والوالي الله ثم انطلق ابن لبدة لى ذلولة واخرج سحلة من خرج الذلول وملأها بالماء واسقى ورع ابن هندي وبعد ما روى الورع امر جماعتة ال سعد بالسماح للعتبان بالورود على العد وفي الليل عزموالعتبان ابن لبدة على ضبي صايدينة وقال ابن هندي لابن لبدة والله اني غزيتك ازود من ثلاثين مرة واني ما حتلت فيك وجزى معروفك فينا واليوم اعاهدك اني معاد اغزي عليكم وسلامتكم |
شكرا لك اخوي الجمل على هذه القصه للفارس قنيفذ بن لبده والحمدلله الآن القبائل اصبحوا اخوة مع بعض ولم يعد يسود بينهم العداوة والغزو بفضل نعمة الأسلام والأستقرار |
لاهنت يالجمل لاهنت تسلم يمينك ملييييييييييييييييييييييار
والله يرحمهم جميعا |
لاهنت بيض الله وجهك
عتيبة وقبائل( قحطان التي في نجد) عينان في رأس واحد ابومسفر القحطــــــــــــــــــــاني |
لا هنت يا الجمل وبيض الله وجهك
|
يعطيك العافيه اخوي
وسلمت علي القصه نتمنى لك التوفيق اخوكم المقباااس |
لاهنت ياالجمل على والمشاركه الطيبه اخوك القهره
|
المقباس
القهره مشكورين على مروركم ومشاركتكم معانا وشكرااااااااااااااااا |
رد : ال سعد وال مقطه
هذه قحطان وهذا عوايدها العفو عند المقدره ولاهي غريبه من الشيخ الفارس قنيفذ بن لبده والطيب بين قحطان وعتيبه موجود وبشر بهم في الحمي والفزعه العتبان وابن هندي فارس وقحطان اهل معروف عليه وخصوصا ال روق عندم امنعوه في مناخ الحرمليه من انا يقتل وطاحو عليه ال روق لحمايته من قبائل قحطان واخذوه منيع واكرموه وهو شيخ يستاهل الكريزي هذا الطيب بين العرب يوم لك ويوم عليك وسلامتكم
انا من العرجان ساسي وراسي عبايدنا عند الجزيره خبرها |
رد : ال سعد وال مقطه
العفو عند المقدرة من صفات الكرام ومن شيم العرب وهذا الموقف وغيره من شيخ وفارس من رموز قحطان يسجل في رصيدها الإنساني وقحطان وعتيبه بينها مواقف مشرفة على الرغم من تنافسهم على الماء والكلاء في نجد في عهوداً مضت ومع هذا فلم أجد ما يعتبر مثلبةُ ضد قحطان ومواقف الكثير من رموزها مثل موقف ابن عبود لشبيب الحجة وموقف شالح بن هدلان لما بشر بموت محمد بن هندي وغير ذلك من المواقف والقصص الدالة على شهامة العرب وقحطان .
أشكر أخي الجمل على هذه القصة ونتطلع منه المزيد ز تقبل تحياتي ،،، |
رد : ال سعد وال مقطه
والله ونعم فيكم يال سعد من اول وتالي ولاهيب غريبتن عليكم انتم كفو ورجال فيكم حميه لربعكم وبيض الله وجه ابن لبده وجزاه الله خير هو وربعه ال سعد
اخوك فارس الكرافيت ال شـــايب عين قحطان الجنوب لك تحياتي |
رد : ال سعد وال مقطه
الله لا يهينك يا الجمل على الموضوع الرائع
و آل سعد قبيلة غنية عن التعريف و الوصف معروفين وعلومهم غانمة و ترفع راس كل قحطاني |
رد : ال سعد وال مقطه
السلام عليكم ورحمة الله وبركاته
لاهنت ياغالي على الموضوع ... تقبل مروري ... |
رد : ال سعد وال مقطه
السلام عليكم ورحمة الله وبركاته
يعطيك العافية ولاهنت وهذا دليل على الشجاعة الحقيقية وبن لبدة وبن هندي هم اهل ذالك رغم ضروف زمنهم......... |
رد : ال سعد وال مقطه
تميت او وفيت ولو ان شهادتى في ابن لبده.
قولو امين ... ان الله يرحمنا وأياهم برحمته وعزالله راحو رجال رحمة الله عليهم جميعا شيوخ بكل ماتعنيه كلمه الشيخه سواء قياده او فروسيه او شجاعه رحمهم الله بواسع رحمته. |
رد : ال سعد وال مقطه
لاهنت يالجمل
والله يديم الامن والاسلام ويحفظ الامة الاسلامية من كل مكروه |
رد : ال سعد وال مقطه
دردشة آخر زمن وسوالف بالمجّان ... ونريد تصفيق أقوى من كذا ...
وبك محمد بن هندي وجماعته اللي هزم ابن رشيد وجيوشه .. في يوم الرحا وغيره الكثير عاجز عن آل سعد ... (الله يخلف .. ) هل يعقل هذا؟؟ مرروهاعلى العقل ... وابحثوا عن مواطن العقل عندكم ياقحطان ... ماأقول إلا هذا زمنكم ... بالكلام تؤلّفون مجلدات .. ترا هذا من الضحك على أنفسكم .. ولكن وسّعوا صدوركم على ماجاكم ... لعلها تستريح ما في الأنفس |
رد : ال سعد وال مقطه
هزم ابن رشيد
متى حصل ياراعي كان يحلم ابن هندي مثلكم انه بياخذ ثار عقاب ابن حميد اللي تفرسه ابن رشيد ولادرى والا وابن رشيد فوق راسه وسوى فيكم سوايا جعلها ماتجري على صديق يقول ابن رشيد يوم ان بن هندي نوانا ببرزان ........ حنا على عروى قطعنا مسيره وتقول هزمتو ابن رشيد مثل سالفه اخراج قحطان من نجد اقول احلم كله من اللبن يقول مناحي الهيضل للسديري ان ابن هندي وربعه المقطه يقمطون من الخنافر فقط اذا اسمعوا عزاويهم دون ان يروهم يفرون مذعورين المصدر: ابطال من الصحراء |
رد : ال سعد وال مقطه
بسم الله الرحمن الرحيم
السلام عليكم ورحمة الله وبركاته لا هنت على المعلوماااااات يا جــــــــــمــــــــــــل 00000000000000 تحياتي نـــاصـــر الســـنـــحـــانـــي |
رد : ال سعد وال مقطه
الضويري /
من يلومك ... تقول كذا وأكثر .. وتبا تجحد كل شي .. والرجل اللي مثلك تؤخذ دياره منه ويجلّى خارج نجد .. بحد السيف وش بيصير موقفه ... (بيمدح خصمه ... لا وألف لا؟)!! بس .. بقي لي سؤال واحد أبيك تجاوب عليه ... وعلى ماذا يدل .. ليش إذا قابلتك في مجلس مثلاً أو أي قحطاني وتناقشنا في الغزوات والحروب ... تعترفون بحقيقة إخراجكم من نجد .. وتقولون .. والله أنتم يالعتبان .. أخذتوا ديارنا واستحلّيتوها بالسيوف والرماح غصب ... وحدّرتونا للجنوب .. اللي أخذنا سنين إلى أن تأقلمنا مع بيئته .. بس الله يسامحكم ياعتيبة .. أما إذا تخفّى أحدكم بعيداً عن المقابلة .. أخذ نفس أسلوبك .. فالسب والشتم ... >>والله شي غريب ... ودليل قاطع .. على أنكم مقهورين ... بس من وجهة نظري ... أن مايصلح لكم ياقحطان إلا الجنوب .. أما نجد فما تصلح إلا لمن يحتميها .. وهم عتيبة الهيلا.. بس خل تعليقك بعد ما تأخذ (حبة كبسولة) تهدّي الضغط |
رد : ال سعد وال مقطه
حنا مانجحد شيء واقع
الواقع حنا اللي في نجد وانت اللي على حدود نجد مع الحجاز علمنا وين ديرتك واعلمك وين ديرتنا حنا نقول وين مصادرك اللي تهددنا فيها مازلنا ننتظر مصادرك غير هالكلام ماعندنا |
رد : ال سعد وال مقطه
اقتباس:
مقوله موثقه يالضويري بارك الله فيك استاذي |
| الساعة الآن 05:09 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com