إنـــــحـــــناء @ القلــــــوب . com
أنـا قلبي غــدا مـابين وصـلٍ ما أنفتـح لـه بـاب
وصــدودٍ يـرتـجـي علــه يـزول وينقفـل بـابــــه تقـاذفـه البلاوي والمصــايب لين عجــز وشــاب ولاعــاد التفـت للحــب وأهــل الحــب وأحــبـابه غـدا في زحمـة همومـه ونجـم أفراح عمره غاب دفــن راســه بكفــه وأنحـنى للســيف ونصــابه يســير وكل خطــوه تدفعــه يم الشــقا باسـباب يســير وكل لحـظــه تنـهــب مـن أيامــه نـهـابـه يقـولـون الهـوا ظــالم . ويقــول لهم بعــد غـلاب تراه إن حــل في قلـبٍ صحيـح وركــز أطــنابه رعــاه وغـير أحـوالــه وخـلاَ صـاحـبـه منصــاب وحجــز له قـبر شــاغر مع قبور الحب وأصحابه ويقولـون الزمـن قاسي . وأقول إن الزمن كذاب ولــو يضحــك يكشــر بعـدهــا ويعـض بانيــابه لبســنا وقـتنا بكيفــه مـثل لبـس العــرب لثيـاب وأكــيد يـمــر وقــت وينتـهي ويفســخ ثيـابـه ولو تاب أكبر المخطين عن درب الخطــا ما تاب تـربـى بالخـطــا ويعيــش بــه ويمــوت بتــرابـه جرح ناس وغدر ناس وغدت بأسباب ظلمه رقاب ولا أذكـر فيه حيٍ ماأنكـوى من حــر مشـهابه وأنـا قلبـي غــدا مـابين وقــتٍ كـاذبٍ نصــاب ونـاسٍ ماتحـفــظ عـهـودهــا والحــب لحـبـابـه |
رد : إنحـــناء @ القلــــــوب . com
[poem=font="Traditional Arabic,6,red,bold,normal" bkcolor="transparent" bkimage="" border="none,medium,gray" type=3 line=1 align=center use=ex num="0,black"]
تقـاذفـه البلاوي والمصــايب لين عجــز وشــاب ولاعــاد التفـت للحــب وأهــل الحــب وأحــبـابه غـدا في زحمـة همومـه ونجـم أفراح عمره غاب دفــن راســه بكفــه وأنحـنى للســيف ونصــابه يســير وكل خطــوه تدفعــه يم الشــقا بأسـباب يســير وكل لحـظــه تنـهــب مـن أيامــه نـهـابـه[/poem] للمعاناة أسباب .. وهل هناك ماهو أعظم من الحب سبباً !! الصد قسوة والوصل نعيم .. وبين هذا وهذا نجد معنى الحب هذا المعنى مع أنه كان سبباً في حيرة الكثير من العشاق ولهفتهم إلاأن شاعرنا إستطاع أن يمرّره لنا بجلاء وتـتضح الحقيقة : الشاعر: عبدالله بن عايض الفهري بكل الود نستقبلك وبكل الروعة تصافحنا فما أجمل اللقاء تقبل صادق الود وخالص التقدير،، |
رد : إنحـــناء @ القلــــــوب . com
السلام عليكم ورحمة الله وبركاته
صح لسانك وعلا شانك |
رد : إنحـــناء @ القلــــــوب . com
صح لسانك.
|
رد : إنحـــناء @ القلــــــوب . com
ابو عايض
ارحب ارحب الله يحييك الاوله وجودك بيننا في شبكة قحطان زود لنا ونفخر به والثانيه صح لسانك وبيض الله وجهك يالقرم جزاله وإبداع وانت غني عن التعريف ننتظر منك المزيد بكل شوق لاعدمناك ،،،،،،، . |
رد : إنحـــناء @ القلــــــوب . com
صح لسانك وعلا شانك قصيده وافيه وأنت وافي
وأول الغيث قطره يامرحبابك يابوعايض بين ربعك وأخوانك والمحل محلك وترانا طماعين نبغى المزيد ولا تكفينا منك هاذي القصيده جعلك تسلم تقبل تحياتي وتقديري |
رد : إنـــــحـــــناء @ القلــــــوب . com
ارررررررررررحب يابوعايض
الله يحييك وصح الله لساااااااااااانك مدد بلا عدد تحياتي ياذيبان |
رد : إنـــــحـــــناء @ القلــــــوب . com
صح لسانك يالجزل
من |
رد : إنـــــحـــــناء @ القلــــــوب . com
صح لسانك يابو عايض وبيض الله وجهك
|
رد : إنـــــحـــــناء @ القلــــــوب . com
بيض الله وجهك
وصح لسانك |
رد : إنـــــحـــــناء @ القلــــــوب . com
صح السانك يا عبدالله
تقبل تحياتي |
الساعة الآن 11:28 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com