انصى العبيدي والعبيدي على الدين
........................................ بسم الله الرحمن الرحيم ...............................
السلام عليكم ورحمة الله وبركاته اسعد الله اوقاتكم جميعا هذه القصيده في قبيلة عبيده من قحطان والتي نفتخر بها جميعا لأنها من القبائل التي تستحق الثناء والمدح وقد القيت في عيد الفطر المبارك لعام 1425ه [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] ذلّيل عيد وعندي العيد عيدين = عيد الفطر ومشاهدة عزوة الطيب قالوا عبيده تعزمك لليل لاثنين = وتهدي على شوفك كثير التراحيب قلت الشرف لي ياعبيده ملايين = أنتم هل العادات واهل المواجيب والله لوني من ورى دولة الصين = لجي بإذن من يعلم السر والغيب جيت وفاء عند الرجال الوفيين = ومكسب ويغني عن جميع المكاسيب وانا لو ان لي لازم (ن ) في القحاطين = وقالوا تخيّر واحد (ن ) له تجاريب قلت العبيدي والعبيدي على الدين = في ذمتي مايقبل النقص والعيب أنتم هل الفزعات في الماقف الشين = لا بانت الفزعه ورى شمّخ النيب وانتم هل الوقفات فعل وبراهين = وقول الحقيقه يطرد الشك والريب اصغركم بطيبه رجح بالموازين = واطلق من اللي بعضهم لحيته شيب واكبركم اللي دونوا له دواوين = وطيبه تعلّى فوق رؤوس المراقيب قلته وانا من عزوة ( ن ) تعجب العين = جحادر (ن ) لا من عوى الذيب لذيب حنّا وحنّا اللي كعام المعادين = لا عكرت لايام صفو المشاريب نقدم على الداين ونوفي له الدين = بأمّات خمس وقاسيات المقاضيب وختامها كلمة وفاء تقعد سنين = اللي يبي له لازم وظرفه صعيب ينصى العبيدي والعبيدي على الدين = في ذمتي مايقبل النقص والعيب [/poem] |
انشهدددددددددددددددددددددددددددددد ان حنااااااا نفتخر في عبيده كلهم رررربعنااااااااااااااا طولة عبيده طولة لكل قحطاااني
وصح لسااانك اخوووووي فهد اخووووووووووك ابن عاااااااااصم |
لاهنت لاهنت لاهنت ولا عليك زود يابن عمي
صح الله اللسانك جزله من راس جزل لا عدمناك والله يديمك على الطيب |
فهد المكودر
بيض الله وجهك وماعليك زود وجميع قبايل قحطان لاهنت لاهنت اخوك ابن شويه |
اخي / الدكتور فهد
لا ادري ماذا اقول . فكلمة صح لسانك لا تفي ولا تعبر عن ما في الخاطر فقط تمنيت في هذه الليله انني من اصحاب الملايين لعلي اقدم ما انت اهل له ولكن ترى لك عندي هديه ،،، وتستاهلها تعبيراً عن ما في خاطري وانا عارف ومتأكد تمام التاكيد انك لا تريد ولا تبحث عن شي من هذا القبيل ارجوا ان تقبل هذه الهديه والتي ان كانت قليلة القيمه الماديه فانها اكبر في المعنويه. وانشاء الله ان تصلك عن قريب . وتقبل اجمل التحايا واعطرها |
اررررررررحب يافهد صح لسانك ولاعليك زود القصيدة كفو وانت اطيب منها قصيدة تنم عن شاعر مبدع وواعد |
بيض الله وجهك على القصيدة
|
بيض الله وجهك يافهد ولا عليكم زوووود يالجحادر اخوان وبني عم والله كفوووو في الجحادر وعبيده وقحطان كلهااااا |
لاهنت ياخوي فهد ماعليك زود واشهد ان عبيدة من روس القبايل ومن لا يعرف عبيدة فهو جاهل بثلث قحطان
ابومسفر القحطـــــــــــــــــــــــــــــــاني |
يستاهلون عبيده كل العلوم الطيبه ولا قلنا الا الحق
والله لا يهينك ياخوي ابن عاصم |
صح الله بدنك ياخوي حربي القحطاني
ولا يستاهل الجزل الا الجزل |
وجهك ابيض يابن شويه
والله لايهينك على كل حال وشاكرين لك ياخوي على متابعتك تقبل تحيات اخوك / فهد المكودر |
اخي / حسين بن علي ال حمدان
اولا اشكرك جزيل الشكر على اطرائك ومتابعتك لي وهذا شرف لي وفخر اذا كنت انت وامثالك من المتابعين لي ثانيا / يعلم الله انني لم اقول هذه القصيده ولا غيرها من القصائد لقصد الماده أو غيرها من الحاجات الدنيويه لكن انا لا أقول الا كلمه حق وأوصل معلومه للجميع وانتم لو ماأنتم كفو كان ما نالت القصيده أعجاب الجميع واخير ا / اشكرك جزيل الشكر مره اخرى وعسى ان اقدم مايعجبك ويعجب الجميع انشاء الله تقبل خالص تقديري وتحياتي اخوك / فهد المكودر |
ابك البقاء
ياخوي عوض المناديه وانتم اهل المدح والثناء وتستاهلون اكثر ومتابعتك شرف لي والله لايهينك تقبل تحياتي اخوك / فهد المكودر |
وجهك ابيض يافارس قحطان
والله لايهينك ومافيها كلام عبيده و الجحادر اخوان وبني عم ويستاهلون المدح ولا على القبائل الثانيه زود |
ومن يقول ياهنا الرياض
وشاكرين لك على متابعتك |
ومن قال ما يهون
والله يعطيك العافيه ياخوي ابو مسفر |
صح لساااااااااانك يا فهد وما عليكم زود يالجحادر وبالمناسبه القصيدة القيت في إحتفالات القوافله وبحضور الشيخ مترك بن شفلوت رحمة الله وقد كان لها صدى كبير في الحفل أخوك بندر بن محمد |
صح لسااااااااااااااااااانك يافهد
ولا عليك زووووود وعبيده تستاهل المدح |
لاهنت اخوي فهد على هذه المشارك المحترمة الجدير ة بتميزها
تسلم مليوووووووووووووووووووووووووووووووووووووون تقبل احترامي وتقديري |
صح الله بدنك ياخوي بندر
والله لا يهينك |
صح الله بدنك
يابن قحطان |
اشكرك يا مخاوي الليل
والله لا يهينك |
ينصى العبيدي والعبيدي على الدين ............... في ذمتي مايقبل النقص والعيب
صحححححححححح لسانك وعلا شانك وبيض الله وجهك تقبل تحيات أخوك أبو صقر الزهيري |
الساعة الآن 11:18 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com