قحاطين إلبا كلحت الأشافي ................للقعيمة
السلام عليكم ورحمة الله وبركاته ..................
كما وعدتكم بكتابة بعض قصائد الشاعر الكبير هادي القعيمة ها أنا أفي بالوعد وأعدكم بإذن الله أن أكتب المزيد من القصائد له وقد كلمت ولد الشاعر يعطيني قصايده علشان أكتبها ووعدني خير قريبا إن شاء الله والحين خلونا مع هذه القصيدة الرائعة [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] باسـم الله وابــدا بالتحـيـة=على دوري وكـل لـه حسابـه عسى ربي على الخير يهدانـي= يفيد المستمع واللي حكـى بـه وعليّ اقـول واوضـح كلامـي =ومن لا ينعرف وش ينبغى بـه وعلى السامـع يتابعنـي بدقـة=وقاضي الحق لا إستوضح قضابه وأنا مقدر على اقنـاع المغفـل=وحر الطير يعرف مـن غرابـه وعفوا ما أقصد الا كـل ناقـص=يعيش بنقص عرفه ويحيـا بـه وانا لي مع هل الجابـات جابـه=وكـل يفتخـر بأحسـن جوابـه مع اهل العرف لي رمية جماري=وعلى ربي خطأ الرمي وصوابه وعلى الله كل وضعـي واتكالـي=هـو الخـلاّق واليـه الأنـابـه وعفوا لو بغيت اذكر مصيـري=أنا مـن جـب حاميتـه حرابـه نجير ويمنع الضيـف المعـزب=ونحمى الضيف ونوفـر زهابـه ولا من حـن شربنـا در ناقـة=واخذهـا غزونـا ردة غصابـه ولا من حـن كلينـا زاد ديـرة=ومـره غزونـا وأخـذه نهابـه وحنـا لا بعـد ذقنـا بعـدهـم=يرد الكسـب والكاسـب يهابـه ولامنه دخل في البيـت خايـف=منعه الرجل لو هو فـي غيابـه غنييـن عـن التعريـف حنـا=فخرنـا واصلنـا كـل حكـابـه ولا لـي عـادة اذكـر نسبنـا=لكن في الناس من عدد انسابـه وحنـا تنسـب الأنسـاب منـا=وقاموس العرب منـا انتسابـه قحاطين ليـا كلحـت الأشافـي=وتاريخ سبق عصـر الصحابـة منـا الأوس والخـزرج ومنـا=خزاعـة وانتمـت منـا كلابـه بدون اقصور في باقـي القبايـل=وكـل متعـب سلمـه اركـابـه وعفوا من نـواه يقـول تكـذب=فينشد قبل يمضي فـي جوابـه أما حصل شهـود ضـد قولـي=ولا استكفى وقولي يكتفـى بـه وصلاة الله على الشافع محمـد=عدد ما سطر سطر فـي كتابـه [/poem] وسلامتكم |
السعدي
لاهنت يا كحيلان على ايراد هذه القصيد ه لشاعر هادي القعيمه0 وافي جعلك تسلم وقصيده وافيه ولا قال الى الصحيح |
السعدي
لاهنت يا كحيلان على ايراد هذه القصيد ه لشاعر هادي القعيمه0 وافي جعلك تسلم وقصيده وافيه ولا قال الى الصحيح0 صح اللسان الشاعر 00 وتسلم يمينك لا عدمتك0 وياليت اتجيب باقي قصايد ه لان بعض قصايد ه ما الفت في الكتب 00 تقبل تحيات اخوك00 |
يعطيك العافية يا كحيلان
|
الله يعافي الجميع .............
وأبشروا بالخير |
لا هنت يالسعدي
على هذي القصيده للشاعر هادي القعيمه ولا تخلينا من قصايده |
ولا أنت .................
|
لاهنت يابن سعد يا مسندي
بيض الله وجهك والله يرحم شاعرنا القعيمه ويغفر له ومشكور على التوقيع |
ولا أنت ..............
وبشركم أنه بينزل الديوان الصوتي الأول للشاعر قريبا ............. بس أدعوا لنا نوفق في تخريجه باسلوب ممتاز ............ وشكرا .......... |
رد : قحاطين إلبا كلحت الأشافي ................للقعيمة
الحقيقة موضوع رائع ومشكور عليه
ولك تحيات:الجـــحـــلــي |
رد : قحاطين إلبا كلحت الأشافي ................للقعيمة
الأخ : السعدي
الله لا يهينك على هذا الإهتمام بشاعر قحطان الكبير هادي بن القعيمه رحمه الله ولا مانع لدي من تزويدك ببعض قصائده إن أردت ذلك تحيات أخوك مطلق القعيمه |
رد : قحاطين إلبا كلحت الأشافي ................للقعيمة
لاهنت يالسعدي مشكور وبيض الله وجهك على القصيدة ....
|
الساعة الآن 04:18 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com