|
أبن عياف..وعمليات التجميل!!!
السلام عليكم ورحمه الله
بعد دراسه مكثفه وبحث ميداني واسع وبعد ان تعرفت على اخونا ومشرفنا ابن عياف وجدت فيه نعم الصديق الوفي الخلوق وهو دائما خدوم ويفرح بذلك هو بالفعل رائع ولكن اكتشفت من خلال ملف موجود معاه في السياره انه يراجع مستشفيات ويراسل مستشفيات لعمل جراحات تجميليه وقلت له يابو منيف والله شكلك عادي وبعدين الرجال مخبر مش مظهر وشكلك عادي صح شكله كأنه جني محروق في زيت مكينه دينا بس خلقه الله ومن هذا الباب اوجه رساله صادقه وأطلب منكم جميعا المساعده معاي وتوجيه رساله لأبن عياف عن عدم تغيير شكله او خلقه الله لأن هذا النوع من العمليات حرام على الرجال أكثر وطبعا صوره ابن عياف عاديه زي ما انتم تشوفون بس هو الله يهديه الا يطلع حلو ويشبهني وهذي صورة ابن عياف ويتضح منها الفراسه والدهاء والحكمه ( معليش استخدموا مجهر علشان تشوفون ) http://www.qahtaan.com/works/up/get....suvx1203313254 على فكره الشماغ شماغ البسام ( بدون بصمه ) وهذي ميزه إضافيه |
رد : أبن عياف..وعمليات التجميل!!!
وعليكم السلام ورحمه الله وبركاته
منصور حياك الله اشكرك على اطراءك ومديحك البايخ وثانياً عيب عليك تفتش السيارة وانا نازل للبقالة اجيب لك حليب نستله مركز عشان تمزمز منه مع الفشفاش الاحمر وايون في علمك انا حاط كمرة في السيارة وصراحة شكلك وانت تفتش بسرعه خلاني احقد عليك وطلع شكلك بايخ مره وتراني فاقد نص ريال هلل واستحيت منك والا انت ما تستاهل كل شوي تجيني تستفزع بي في مضاربات الحارة وكني بودي قارد لك واخرتها تطنز علي من زين شكلك هذا تذكر براطمك قبل العملية يوم كانت شفتك فيها مشق ومتشققه http://www.qahtaan.com/works/up/get....opwx1203319875 وشف وش صار فيك عقب العملية بالله عليك تحسن شي على بالك شفايف ورديه شكلهم طلعوا البلعوم مكان البراطم http://www.qahtaan.com/works/up/get....kpqr1203319875 على بالك وائل كفوري وبعدين انا وش اسوي وانا خوك شكلي مرعب للناس كل ما اسلم على احد تلقائي يعطيني البوك مع الصراف الآلي والرقم السري لا ويقول تفضل معي والا في مواقف السيارات اذا دخلت مواقف اللي يبي يلبق سيارته اذا شافني طلع من السوق واللي ملبق وشافني ادور طلع بسرعه واقرب بنقالي يغسل السيارة بدون ما اقوله اغسلها واذا جيت بوابه دخلت واذا جيت مطعم كليت وعمال المطعم اللي يمر من عندي اذا شاف شكلي نزل طلبات الزبون اللي معه عندي ويحلفون علي اني ضيف عليهم عشان كذا قررت اسوي العملية رحمت لأشكالك من الخوافين |
رد : أبن عياف..وعمليات التجميل!!!
أدري انك عصبت بس من غلاك وخوفنا عليك نزلت الموضوع ومافيها احراج يابو منيف ...........كلنا اخوان
|
رد : أبن عياف..وعمليات التجميل!!!
اكووويهم كوي يا ابو منيف
يا الله عليك و بعدين حلوه البودي قارد هههههههههههههههههههههههههه منصور عز الله راحت عليك و لا تنسا تراه يحب عصير رمان بالحبيبات ((الحبيبااااااااااات جااااااااايه)) |
رد : أبن عياف..وعمليات التجميل!!!
و على فكره تراني اعطيتك سمعه يا ابو منيف بالرغم ان الموضوع لك لكن و الله تستااااااااااهل
|
رد : أبن عياف..وعمليات التجميل!!!
اقتباس:
كله من ذالصورة اخخخخ ابشر بسعدك احمي المشهاب على النار وعلى العلبى من ورى الاذاني اقتباس:
وابيض وجه جعلني ما اعدمك المهم عندي ما تعطي بعض الناس سمعه ((((((( ما انتبهت فيه احد رد غير تركي ))))))) |
رد : أبن عياف..وعمليات التجميل!!!
بسم الله عليك يا ابو منيف و الشخصيه اسكت النقاااد و الحاقدين
لله درك يا فتى ما اجملك |
رد : أبن عياف..وعمليات التجميل!!!
قال طلقها وخذ اختها
قال الله يلعنها ويلعن اختها عاد مايشهد مع ابن عياف الا تركي أطرم يحاكي اطرش معاك حق يابن عياف بعد هذا النوع من تعامل المجتمع معاك معك حق تساوي عمليه على فكره النصف الريال اللي في السياره معاي اخذته علشان اتصل عليك من الكبينه اذا فيه مضاربه |
رد : أبن عياف..وعمليات التجميل!!!
وانا بعطيك سمعه يابو منيف علشان نفسيتك ترتفع شوي
|
رد : أبن عياف..وعمليات التجميل!!!
يضحك على الاثرم بلا سنون
منصور احسن من اللي وجه مثل فرااامه بصل |
رد : أبن عياف..وعمليات التجميل!!!
وش دراك ياتركي عن وجهي
تدري ان المجلات يبون بس صوره لي علشان الغلاف ورفضت مو زي بعض الناس اللي معلقه امه في اذنه سورة الكرسي علشان مايطير خوانه من البيت |
رد : أبن عياف..وعمليات التجميل!!!
اقتباس:
لاهنت على الفزعه وترى سمعتك وصلت ولايهمك ترى سمعة بعض العرب حذفتها !!! اخخخخخخ من عقب صورته اللي فوق بينصرع (( شكراً يا ...............))) اكيد فاهمني ......(( هذه رسالة لواحد على الخاص )) |
رد : أبن عياف..وعمليات التجميل!!!
وربي يابن عياف
تخيلت نفسي اقول لتركي حبيب الكل حسيت اني برجع ما تركب والله صعبه قول نحيس نذل سامج هذي تجي بس حبيب الكل تجيب الماغص |
رد : أبن عياف..وعمليات التجميل!!!
ابن اعياف
وش هذااااااااااااااااااااااااااااااااااااااااا العملية مانجحت ههههههههههههههههههههههههههههه منصور شرشحت الرجال هههههههههههههههههههه تحياتي لكم ينجم الاستراحه هههههههههههههههه |
رد : أبن عياف..وعمليات التجميل!!!
هخهخهخهخهه
حارش بينهم يا تراب :) والله صورة قويه يابو نواف بس بصراحة ما تشوف ان ابن عياف طالع في الصورة وسيم بزياده ما ادري التصوير له دور والا الرجال احلو زياده |
رد : أبن عياف..وعمليات التجميل!!!
ههههههههههههههههههههههه
اتبو ريان ال معمر هذا والرجال بكامل زينته وعلى باله كاشخ الله لايوريكم وجهه وانتم جايعين لاهنتوا على ردودكم الجميله ودائما انتم سباقين للإبداع والتميز |
رد : أبن عياف..وعمليات التجميل!!!
بعض الناس
الحمد لله شكلك ما شفت براطمك فوق في ردي جالس ترد بالله شف شكلك وراجع ردي زين!!!!!!!!!!!!!!!!!!!!!!!!!!!!!!!!!!!!!!! |
رد : أبن عياف..وعمليات التجميل!!!
اقتباس:
شفت انت اللي يبغالك عمليه تجميل في عيونك الحوله يا منصور |
رد : أبن عياف..وعمليات التجميل!!!
ههههههههههههههههههه
أبو نواف ... استلامات قوية .. |
رد : أبن عياف..وعمليات التجميل!!!
تركي
اي عملية بعد عقب عملية شفايفه المذكورة اعلاه وعقب نتايجها الشنيعه احسن له يقعد كذا الرجال من اول لأخرها منعدم -------- للي رد وكان رده ضدي ما فيه سمعة والله يشفيكم ------------- للي ارسل لي صورة منصور ابشر بسمعة مستمره ------------- لتركي سمعة في القلب وسمعة على الراس ---------- لبعض الناس جعلك الماغس انت ---------- خاطرة يحسدوني على جمالي يحسبون اني قوي مادروا اني رهيف يحسبون اني خبل مادرو اني صريح صحيح شكلي كذا ولكن داخلي تجريح كلاً تكلم علي الشماغ اللي لابسه ما يلبسه شيخ وامير والعقال اللي ناطله هذا تواضيع مني لكم والا انا عيون تقدح شرر وقلبي حجر واقتل من على نظر اخخخخخخخخخخ |
رد : أبن عياف..وعمليات التجميل!!!
اممممممممممممممش\\يا ابو منيف
لا يكون انت المهدي المنتظر |
رد : أبن عياف..وعمليات التجميل!!!
قبل العملية
شوي شوي يا شباب بعد العملية سوي سوي ياسباب هههههههههههههه |
رد : أبن عياف..وعمليات التجميل!!!
هههههههههههههههه
الله يستر عليك يا عون |
رد : أبن عياف..وعمليات التجميل!!!
هههههههههههههههههههههههههههههههه
|
رد : أبن عياف..وعمليات التجميل!!!
هههههههههههههههههههههههههههه
خخخخخخخخخخخخخخخخخخخخخخخخخخخخ منصور صدقني ما نمت من يوم نزلت الصوره س؟؟ من وين صدتها ابومنيف قوي ما احد يتحرش فيك رد بشويش ههههههههههههههههههههههههه |
رد : أبن عياف..وعمليات التجميل!!!
ايش اللمعه الحلوه ذي يا ابن عياف<<<<<<<<<<<<< تبورق
حــــــــاط لــــــــــــــكـــــــــــــــــر على بالك لكزس ههههههههههههههههههههههههه حلوووووووووووه يا منصور اقديت ولا اخطيت؟؟؟؟؟؟؟؟؟؟ |
رد : أبن عياف..وعمليات التجميل!!!
الله يسعدكم
الا تركي وابن عياف تركي وش محرق رزقك مع ابن عياف انا احش فيه انت وش نط بك يالجني المهم ترى ابن عياف رجل طيب وخلوق بالرغم من شكله رايح فيها كما شفتوا ونحذر من التعاون معه او مقابلته مهما كانت ظروف ونخلي مسئوليتنا من ذلك بصراحه اثريتوا الموضوع كلكم فالشكر لكم والله يعطيكم العافيه تواجد جميل وحضور قوي فشكرا لكم من الأعماق |
رد : أبن عياف..وعمليات التجميل!!!
ههههههههههههههههههه يابن عياف توي اشوف الصور اللي حطيتها علي
ليش حاسدني انفخ شفايفي أقل شي نفختها وبينت انت لو تنفخ بماطور بنشري ما بينت ابد حليت الموضوع ياحلو والله يسعدك يابن عياف ( شفت اني أخلاق....هذه الأخلاق لا إراديه ولكن خوفا من العفريته ) |
رد : أبن عياف..وعمليات التجميل!!!
ترا عند ابن عيااااف عفاااااااااااريت هههههههههههه مو فريته بس
انتبه على عمرك لا تاكل بطاطس تسااااااااااااااااااالي |
رد : أبن عياف..وعمليات التجميل!!!
ابومنيف والله انك حليوووووو
كانك لكزس 400 اسود ملكي<<خخخخخخخخخخخخـ ابونواف استريح مسوي حلو قدام ابومنيف ههههه والله انك من جنبها ابوتريكه شمعه المجلس مع تحياتي |
رد : أبن عياف..وعمليات التجميل!!!
لكزس اسود
هاه يجيك يوم ياعبدالرحمن!!! شكل العفاريت الباقي ياتركي بتشتغل؟؟ |
رد : أبن عياف..وعمليات التجميل!!!
تركي السنحاني
شكرا وانشاء الله تعود واحده من عفاريت ابن عياف في راسك عبدالرحمن المشجري مدجري انت الحين تمدح ولا تحش مافهمت بس شكلك تمدحني ( شفت اني على نياتي وطيب ) لاهنتوا وبيض الله وجيهكم على ردودكم |
رد : أبن عياف..وعمليات التجميل!!!
خخخخخخخخ
الله يسترنا ..من بعض الشي .. الله يهديك با بنعياف ...مارتضى بخلقت ربك . خخخخخخخخخخ |
رد : أبن عياف..وعمليات التجميل!!!
قوله ياهبشان
لاهنت على المرور الملكي الجميل اخوي هبشان لك ارق تحيه |
| الساعة الآن 11:43 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com