الضوء الخافت : مقهى وشات إستراحة المجالس
السلام عليكم ورحمه الله
كيف الحال ياشباب عساكم بخير المهم شكري مقدما للأخ حسين الفحوس الراعي الرسمي للمقهى السابق والمهم تم تقبيل المقهى السابق كع شكري ايضا لكل من شارك فيه ولو بحرف والف تحيه لهم وهذا الجديد بحلة جديدة ( المشاريب والشيش بلاش لمدة ثلاثة أيام ) وبعدها السعر مضاعف في رعايه الله |
رد : الضوء الخافت : مقهى وشات إستراحة المجالس
السلام عليكم ..
ألف مبرووووووووووووووووك .. افتتاح مقهى الضوت الخافت ( مقهى شبكة قحطان سابقاً ) .. أربك حطيته في السويدي حول شامانـ .. تراه يحب المقاهي واجد .. خخخخخخخخخخ .. يا بو نواف .. شكل الاسم السابق للمقهى ما نفع .. سبب خساير وأزمة للشبكة .. خخخخخخخخخخخخخخخخخخخخخخخ .. أهم شي انه يكون فيه انترنت وايرليس .. تستاهل سمعة بخشيش من أول زبون .. لكن أهم شي تراعينا في الأسعار .. --------------------- لاهنت يا بو نواف .. وإن شاء الله تكون صفحة لكل علم طيب ولكل ما فيه فائدة للجميع .. على البركة إن شاء الله .. |
رد : الضوء الخافت : مقهى وشات إستراحة المجالس
الضؤ الخافت يستهويني
سوف انصب مركازي في الزاويه ما ابغى احد يضايقني ما ابغى ضجيج ولا زعيق وابعدو عني الشياب ونادو لي على الشباب يا لله نغني مع الاموره نانسي عجرم شخبط شخابيط مبروك المحل يا معلم منصور |
رد : الضوء الخافت : مقهى وشات إستراحة المجالس
الـ 1000 ــف الـ 1000 ــف الـ 1000 ــف
مبرووووووووووووووووووووووووك يا ابو نواف افتتاح الموضوع الجديد ونشكر ابوفارس على رعايته للمقهى السابق تقبل تحياتي ,, وابشر بالقلق والصرقعه خخخخخخخخخهه |
رد : الضوء الخافت : مقهى وشات إستراحة المجالس
وعليكم السلام ابو نواف
مبروك الافتتاح وانا مع عاشق الوطن ... :110103_po |
رد : الضوء الخافت : مقهى وشات إستراحة المجالس
من سمح لك يا منصور تفتتح المشاريع ؟؟؟؟
خلاص يا زين من حبكم عزلنا.... والا ردك الموز يا قرد ههههههههههههههههههههههه الف مبرووووووووووووووكــ افتتاح المقهى طافي الضوء؟؟؟؟؟ خخخخخخخخخخخ وعلى ماقالوا الشباب نبغى واير لس يا منصور و وايـــــــــر نسحب فيه شامان اللي ما عاد بيتحرك من المقهى خخخخخخخخخخخخخخخخخخخخخخخخخخخخ .................................................. ......... وبعدين لازم نخالف مقاهي الرياض في تحديد اعمار الزوار ؟؟ اللي اكثر من 35 سنه لا نشوفه ؟؟ ما عدا من يلبس برمودا (يعني ماجد الخليفي فقط من الشيبان) اما عاشق الوطن وابن عياف طقتهم لا يوطوطون هنيا ابد هههههههههههههههههه .................................................. ......................... وتشفير القنوات يا ابو نواف لا عاد نشوفه مثل اول ؟؟؟؟ خل الشباب يتفلكون ويستانسون والمخرج ملي هههههههههههههههههههههههههه ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,, وقسم المقهى لعدة اقسام؟؟ قسم للحوش وقسم للحبيبه وقسم للرايقين وقسم للملحوسين وقسم للفاضين وقسم للبلوت واهم شئ التطليعات ممنوع ؟؟ الا اذا عندك معرفه خخخخخخخخخخخخخخخ .................................................. ......................... احس ان اول واحد بيشيش هنا هو صالح السنحاني ؟؟؟؟ عزالله يا لي الشيشه انه بيليس ظهر بعض العرب خخخخخخخخخخخخخخخخخخخخخخخخخخخ ........... منصور الشباب يبغون العماله تكون لبنانيه ترى فقعت كبودهم وخاصه مــــاجد بالنيباليين والبنقال هههههههههههههههههههههههههههه يعني اشياء بسيطه تشغل المقهى ميه ع الميه ؟؟؟ |
رد : الضوء الخافت : مقهى وشات إستراحة المجالس
اتوقع فشل هذا المقهى الجديد
والسبب طبعا معروف للكل حيث ان نظام البلدية يمنع قيام المقاهي بين الاحياء والمساكن ونظراً للشكاوى من المجالس القريبة سوف تغلق الاستراحه كلها وتشمع بالشمع الاحمر وذلك بسبب هذا المقهى يعني منصور يبي يرفه عنكم وقردكم ونكب الاستراحه وياليت اذا شمع المجلس يشمع على من فيه لأحد يجينا في مجالسنا ------------------------------------ اخي الغالي منصور عيب عليك تقبل المقهى السابق افرض شافتك الهيئة خخخخخخخ ------------------------ مشاري ليه البخشيش هذا اللي خرب العمال علينا اقول وش فيني يوم حاسبت منصور بالحساب كامل طالع فيه وقال بس اثرك معودهم ههههههههههه ----------------------------- عاشق الوطن اتاريك لاعبن في الجدران بالشخاميط وحنا ما ندري ههههههههه ------------------------------------- عبدالرحمن المشجري لاترج المقهى ترى توه جديد بعدين ترى اي لنبه تنكسر بنحاسبك خخخخخخخخ ---------------------------- ماجد الخليفي هجل ما قريت اعمار زوار المقهي اقرأ زين الله يحسن الخاتمة خخخخخخخخخخخخ ------------------------ سعيد لا تنسا موضوع العفريته !!!!! اللي وعدتك بها انا شايب جعلك الخير عمري تلات طعش ------------------------------------- الضوء الخافت احس الاسم مسروق وهذه نقطة مخالفة أيضاً |
رد : الضوء الخافت : مقهى وشات إستراحة المجالس
في الركن الشمالي من مقهى الضؤ الخافت
وانا أحتسي "اكسبرسو سكر وسط" على الضؤ الخافت الاحمر القاني اللي يخلي الوجوه اكثر حمره ونظاره وعلى انغام موسيقى اختارها منصور باحترافيه طرى على بالي ليش مايدخل صاحب المقهى تقديم الخدمه عن طريق العنصر النسائي وبعدين لاتروحون بعيد الكويت وهو الكويت اربع نسوه دشو البرلمان وحنا حتى ويترستيه ماكو.. كيفك يامنصور حلالك وانت ابخس!!! فاصل.. اذا لم تعبر السلع والخدمات=فأن الجيوش ستعبر يعني ماكو فكه يالمصالح يالحرب هيا وش تختارون .. أزعاج في الناحيه الاخرى من المقهى صجه وزعاج مع ان المعلم منصور منبه على المرجج يقصرون الصوت طرى في بالبي من يرفعون الاصوات في بعض المجالس ليجلبون الانظار وهم زاتهم"بالسوداني" مصدر الازعاج في القبيله لا واحيانا سوالف سياسه والناس رايقه يعني قلق مابعده!!! ومضه.. يحتاج الانسان في احوال كثيره ان يخرج عن ذاته وطوق شخصيته يحتاج الى هواء اكسجين ينطلق في الهوا يصرخ ينادي يناجي يتنفس ..يحسس نفسه بالحريه واحيانا تجد نفسك بحاجه الى الجلوس في مقهى الضؤ الخافت حيث الاحبه حيث الضؤ الاحمر القاني اللي يخلي الوجوه اكثر حمره ونظاره الى عالم الهدؤ والفسحه والتامل..الى الضؤ الخافت..الى الركن الشمالي |
رد : الضوء الخافت : مقهى وشات إستراحة المجالس
وتشفير القنوات يا ابو نواف لا عاد نشوفه مثل اول ؟؟؟؟ خل الشباب يتفلكون ويستانسون والمخرج ملي
وقسم للبلوت على فمك الشحم يا سعيد سبحان الله تقول داخل في قلوب الزباين وعندي طلبات البلوت لازم يكون عليها من وراء صورتك يابو نواف والرموت حق التلفزيون معي أنا أطول وأقصر أغير على كيفي :) <<بيدبل كبودكم بالساحه:) ألف مبروك يابو نواف أفتتاح المقهى وعقبال الفرع الثاني دمتم بود |
رد : الضوء الخافت : مقهى وشات إستراحة المجالس
مبروك الافتتاح وين من زمان ن مقهى الضوء لخافت كان مطعم في الثمامة وحول الا مقهى هههه
|
رد : الضوء الخافت : مقهى وشات إستراحة المجالس
هههههههههههه
يا ضرغــــــــــــــــــــام فضحت منصور خخخخخخخخخخخخخخخخخخخخخخخخخخخخخخخ |
رد : الضوء الخافت : مقهى وشات إستراحة المجالس
هههههههههههههههههههه
فضحك الضرغام يا بو نواف .. شكلك متأثر بمطعم الضوء الخافت في الثمامة .. خخخخخخخخخخخخخخخخ |
رد : الضوء الخافت : مقهى وشات إستراحة المجالس
مشروع ابتسامه
رأيت فيما يرى النائم ان جاريه بين يدي مولوده صغيره ايقنت انها من صلبي..قمت فزعاً مرهقاً ماهذا؟ صليت الفجر واللي بعده ..وعلى طاولة الفطور تصفحت بريدي واذا برساله من غانا تبشرني بامتلاكي ملايين الدولارات وهناك دعوه لارسال رقم حسابي للتحوي اصدق مين..حلم الجاريه..او رسالة لارا الغانيه .... شوك طائش أحياناً تسأل نفسك لماذا؟ وترد الاجابه ان الانسان عليه دائماً ان يواصل السير والعمل نحو مايراه خيراً!! مهما واجهه من تحديات الهوان ليس له نهايه بل هو نقطة البدايه في الاحباط والعلو شاق وشاهق يجب السير اليه بصعوبهلتنتج وتتأمل نفسك وسط الرضى لان داخل الانسان طاقه كامنه تستجدي من يستحثها ...... زاويه مظلمه بعيد عن الركن الشمالي وفي مقهى الضؤ الخافت اجريت للتو اتصال اواسي فيه قريبي الذي فقد ام خالد وقد ناجيت نفسي كم هو الحزن مر كالعلقم حينما يختار رفيق دربك وصديقت مشوار الحياه في وقت لازال الطريق يحمل اعمدة اناره تضيء الطريق انه قضى الله ولاجزع انما هو الانسان خلق من طمع جنة الخلد يا ام خالد سيبقى رفيقك يذكرك على مر الايام والدهور والازمان حتى نرتحل بجوارك في نفس التربه |
رد : الضوء الخافت : مقهى وشات إستراحة المجالس
الله عليك ياعاشق الوطن
اشوفك مهتم من الزاوية الشمالي من مقهى الضو الخافت منصور العبدالله ذكرتني بمبارة شفتها في الضوء الخافت ومعى مشجع نصراوي يحب النصر وكانت المبارة أعتزال النجم الدولي والعزيز على كل قلب وهو الكابتن (( ماجد عبدالله )) تحياتي لك يابو نواف |
رد : الضوء الخافت : مقهى وشات إستراحة المجالس
هههههههههههههههههه
حلوه يا ابو ريان مشجع نصراوي يحب النصر ؟؟؟؟ اكيج انه بيحب النصر اجل تبغاه يحب الهلال خخخخخخخخخخخخخخخخخخخخخخ نقطه اتصال معك ومع ابو منيف ؟؟؟؟ هههههههههههه |
رد : الضوء الخافت : مقهى وشات إستراحة المجالس
سعيد وش الي مسهرك نص الليل
لا تكون عزوبي ذا الايام :) صح نسيت عشان اليوم الربوع سهران والطلاب من اللي يشرح لهم؟ شكلهم فلوها اليوم :) دمت بود |
رد : الضوء الخافت : مقهى وشات إستراحة المجالس
على البرررررررركة
وين التصرررررررريح !! |
رد : الضوء الخافت : مقهى وشات إستراحة المجالس
أبوفارس شف التصريح معلق في برواز من حراج الصواريخ <<حراج معروووف في جده
ارسلت البرواااااز هديه لأبونواف بمناسبه الافتتاح وحط في التصريح وعلقه فوق رأس الكاشير |
رد : الضوء الخافت : مقهى وشات إستراحة المجالس
التصريح يا بو فارس مع أبو نواف ..
انشده بيعلملك .. |
رد : الضوء الخافت : مقهى وشات إستراحة المجالس
بسم الله الرحمن الرحيم
االسلام عليكم ورحمه الله وبركاته ارحبووووووووووا يا رجاااااااااااال .. وش حال كلن بأسمه .. ما شاء الله الف مبرووك الافتتاح و المعذره على التخير نفداكم .. ابن قوشع .. |
رد : الضوء الخافت : مقهى وشات إستراحة المجالس
اقتباس:
|
رد : الضوء الخافت : مقهى وشات إستراحة المجالس
هلا يا تركي
اي بالله عزوبي هالايام والله يعييييييييييييييين ؟؟ ههههههههههههههههههههههههههههه والفله حاصله حاصله والله يغفر الذنب خخخخخخخخخخخخخخخخخخخخخخخخخخخخ .................................................. ................. |
رد : الضوء الخافت : مقهى وشات إستراحة المجالس
يا عاشق الوطن
تصدق اني قريت ردك مرتين ما عرفت وش المكتوب مدري عشان في راسي فرق نوم ههههههههههههههههههههه والا ردك ملغم خخخخخخخخخخخخخ افصح بحكانا وترى ابو ريان ما درى وش انت تقوول ههههههههههههههههه ما عرفت الا انك في الركن من القهوه خخخخخخخخخخخخخخ |
رد : الضوء الخافت : مقهى وشات إستراحة المجالس
الاخ سعيد الجهيمي
هذا الركن يجلس فيه نجيب محفوظ اكيد لو تقرا الرد مية مره يالله على مائه وواحدددد تفهم خلك مع اهل البلوت |
رد : الضوء الخافت : مقهى وشات إستراحة المجالس
ههههههههههههههههههههههههه
الله يعزك من نجيب محفوظ ؟؟؟؟ ويعقب نجيب محفوظ ... ولا تصدق تراني فهمت الرد لكن ابغى اضيع ابو ريـــــــان ؟؟؟ هههههههههههههههههه وبعدين على طاري البلوت ترى ملزين كل لامور لا تخاف بــــــــــعـــــــــيــــــــــر كـــــــل بــــــــــلاد |
رد : الضوء الخافت : مقهى وشات إستراحة المجالس
يصلح المطاوعة يجون في هذا المقهى وإلا لا ؟
المفروض يكون هناك مكان مناسب بدون شيشة شاهي وكافي وبس |
رد : الضوء الخافت : مقهى وشات إستراحة المجالس
بسم الله الرحمن الرحيم
السلام عليكم ورحمة الله وبركاته عندما تبحثون عن النور في زمن الظلمه ادعوكم : لقراءة سوره الكهف يوم الجمعه والدعاء في اخر ساعه من نهار هذا اليوم كم نحن محتاجون ....!!!! و الله يقول ( .. ادعوني استجب لكم .. ) ولا تنسوني من صالح دعائكم فأني لن انساكم باذن الله اخوك في الله ابن قوشع .. |
رد : الضوء الخافت : مقهى وشات إستراحة المجالس
جزاك الله خير يا بو حسين ..
ولا تنسونا في آخر ساعه من نهار الجمعه من دعائكم .. |
رد : الضوء الخافت : مقهى وشات إستراحة المجالس
"]الف الف الف مبروووووووووك أفتتاح المقهى الجديد
والله يبارك لك فية يابو نواف وتستاهل دايمن ادعيك ههههه الحين اشوف كل واحد حجز لة مكان عاشق الوطن في الركن الشمالي حق الفلاسفة المروقين :banana: مشاري المقهى بعيد مني اروح لة بتوصيلة ههههههه سعيد الجهيمي خلنا نرجع ايامنا ايام الفرفرة في المقهى اخر الليل :applaudit: :applaudit: المهم الله الله في الزباين ترى ما يبقى في الرجال الا سمعتة عند الزباين هههههههه |
رد : الضوء الخافت : مقهى وشات إستراحة المجالس
ارررررررررررررررررحب يا ابو مانع
والله ابشر بالخوي وفي سيارتي بعد وابشر بالعشاء والكيف على حسابي خخخخخخخخخخخخخخخخخخخخخخخخ |
رد : الضوء الخافت : مقهى وشات إستراحة المجالس
والله من سجل على الحساب
من ذالزباين المطفرين وبعد رهن البطاقات والله يعين ابونواف مشروع خاسر |
رد : الضوء الخافت : مقهى وشات إستراحة المجالس
اقتباس:
وبعدين سعيد الجهيمي جالس ياخذ على الحساب هو وشامان جالسين يلعبون بلوت هههههههههه |
رد : الضوء الخافت : مقهى وشات إستراحة المجالس
اشبكم على البلوت يا الشــــيـــــــبـــــــــــــــان لكن ما عينتوا رابـــــــــــع
خخخخخخخخخخخخخخخخخخخخخخخخخخخخخخ |
رد : الضوء الخافت : مقهى وشات إستراحة المجالس
اقتباس:
|
رد : الضوء الخافت : مقهى وشات إستراحة المجالس
السلام عليكم ورحمه الله
الله يعافينا ولا يبتلينا لا عضو ولا مراقب ولا مشرف تقول ممكن انه عاقل وش هالردود وتبون قنوات وبنات وش رايكم نجيب لكم كم حبة مختومة خارجي قسم بالله انكم رايقين عاشق الوطن انا بحجز لك غرفة على كيفك ولايهمك اعرف ذوقك في من تبيه يقدم الطلب ...لا توصي حريص ابو ريان الكبر شين وانا اخوك مشجع نصراوي يحب النصر الله يعافينا ابن عياف انت وش تبي بالضبط تطوعنا قلت فكر متشدد دشرنا قلت قلة ادب وش أسوي بعد لاهنتوا يا شباب والله يعطيكم العافيه وصباحكم سكر وحلوة الدنيا سكر |
رد : الضوء الخافت : مقهى وشات إستراحة المجالس
سعيد
سجلوني رابع معكم في منتخب البلوت :) بس تراني غشاش يعني لازم تركز زين علي .. يعني أخم من الورق اللي كسبته :) ,اذا قد العشره معلقه أقطع .. خخخخخخخخخخخخخخخخخخ دمتم بود |
رد : الضوء الخافت : مقهى وشات إستراحة المجالس
في الركن الشرقي
على الضؤ الخافت..على انغام نانسي عجرم..شخبط شخبط يحلو الكلام عن السياسه..ولو على الخفيف يقول صاحبي اين التواجد العربي؟على ارض العراق!!! بعد ان عاث الامريكان فيها الفساد ومن ذا الذي يلهث خلف العراق؟؟ اين الاتجاه ياعراق..الى العرب..او الى الفرس!! عودي ياعراق نحن بحاجتك نستمتع كثير حينما نسمع يابا حنا العراق ................ مناقر ديكه"جمع ديك" كاتبنا المبدع علي سعد الموسى القحطاني حاط حيله على جامعة الامام وبالاخص مديرها ابالخيل كل يوم حاجره بزاويه وقد كان لاعتذار جامعة الامام عن ستضافة الدكتور عبدالله الغثامي مجال في هذه المناقره حيث يرى الموسى ان الجامعه لم تفي بوعدها بالانفتاح على الفكر الثقافي الاخر..وانها لازالت تعاني من اثار تيارات اقوى من عزوم ابلخيل الطريف في الامر ان الجامعه تعد العده لاستضافة مؤتمر عن حوار الثقافات وكأنهم يؤكدون مقولة زامررررر الحي لايطرب .................... كوره في المرمى فجرة قناة العربيه ازمة فقيرة الباحه التي خرجت للاعلام تنادي اني فقيره متعففه من ينصفني ويوصل صوتي ولاشك ان هذا الصوت عيار ثقيل وانا اقول ماخفي اعظم ........................... همسه منصور مشكور على الغرفه مرره رايقه مشكور على الويترستيه بس فكنا من الشهبان..بس طايحين قز:050103big |
رد : الضوء الخافت : مقهى وشات إستراحة المجالس
راعي الركن الشرقي
ويش معنى الويترستية :banana: :banana: |
رد : الضوء الخافت : مقهى وشات إستراحة المجالس
اقتباس:
هذا نوع من انواع الموز نفس الثنتين اللي في ردك اعلاه يرقصون اخخخخخخخخخ --------------------------------------- منصور امنع الشيش وي يجلس ال معمر وابن العاصي يا أخي ترى جمس الهيئة ملبق قريب عند المقهى ------------------------------------------------------------------ ابوريان والله ما أعرف الا الغمز ------------------------------------------- في الركن الشمالي نسيم عليل وهدوء جميل وكاتب يكتب برواق بال عن الاحوال وعلى الجال يقف وينوي الترحال --------------------------- إلى الركن الشرقي لسمع اللي تغني وتجيد الرقص الشرقي ولكن !! تكدر خاطره عندما عاد وتذكر الحال ----------------------------------------- تحية لصاحب الركنين الجميله |
رد : الضوء الخافت : مقهى وشات إستراحة المجالس
يا صاحب الركن الشرقي ..
أشكرك على ما كتبت .. ايش رأيك نسوّي لنا نادي أدبي .. ونسميه ( نادي الركن الشرقي الأدبي ) .. |
الساعة الآن 03:13 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com