|
رد : أكثر من 30 صوره لروضة التنهات الأثنين الماضي
ابن غفره انت دايم ما تجيب الا الطازج علومك كلها طيبه ، بس زعلان عليك يوم تروح ما قلت لي الاسبوع اللي رحت فيه انا كنت متواجد هناك قريب من الموقع ورا ما زرتنا يأفندم اخذنا اسبوع ورجعنا . تحياتي لك يالمخرج الفني والمبدع . ملاحظاتي عليك ارجو أن تتقبلها يابن غفره الآتي : 1ـ بيالة الشاهي اللي تشوفونها في الصوره يوم شربتها لقيتكم ناسين السكر من اللي صلح الشاهي يبيله جزاء. 2ـ اللحم اللي شويتوه ما حطيتو ملح يبيله جزاء . 3ـ انتو جميعاً يبيلكم جزاء ليش ما نظفتو موقعكم يوم جيئتو تروحون جينا بعدكم لقينا البلاوي . |
رد : أكثر من 30 صوره لروضة التنهات الأثنين الماضي
اخوي الغالي والمبدع دومآ عبدالله بن غفره لاهنت على الصور المميزه اللي تشرح الصدر والله ياابوغاده الحقيقه صور تغني عن الكلام وعزالله انك حمستنا للروحه لروضة التنهات وحقيقه انها منزه طبيعي وجذاب عافاك الله ياابوغاده عزالله انك ماقصرت بتزويدنا بهذي الصور اما من ناحيتكم وجلستكم وشبتكم للضو والمعاميل فينطبق عليها بيتين لأبن شايق اللي يقول : [poem=font="Simplified Arabic,4,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] صماليل جمر ٍ نورها يجذب السارين= على جالها دله ومدخن وبرادي ومن مرنا قلنا هلا مرحبا واهلين= تفضل وهذا سلمنا سلم الأجدادي[/poem] سلمت يا عبدالله عافاك الله |
رد : أكثر من 30 صوره لروضة التنهات الأثنين الماضي
ارررررررحب يامعيض
ابشر بالعوض وأنا روحتي الأسبوع اللي راح كانت على عجله ولا مقابلك وسواليف معك تسوى الشي الكثير لاهنت يالوافي ولنا لقاء بأذن الله عن قريب تحياتي |
رد : أكثر من 30 صوره لروضة التنهات الأثنين الماضي
اقتباس:
ولاهنت يالقرم على المرور وتعطير الصفحه بتواجدك الغالي وصح الله لسانك وصح الله لسان ابو شنب تقبل تحيتي يالغالي |
رد : أكثر من 30 صوره لروضة التنهات الأثنين الماضي
الله يعطيك العافيه ويبض وجهك
راعي صور والله انها تشرح الصدر وفي قمة الروعه وتصوير ميه الميه والله يهنيك ماذقت خاصه بياله الشاهي اللي تسوى خخخخخخخخخ الله لايهينك على كل حال انت وخياك |
رد : أكثر من 30 صوره لروضة التنهات الأثنين الماضي
دائما متميز ياكحيلان ليتني والله معك
بس علمني أشقومك ماعلمتني ترى بينا مواعيد سابقه لا عاد تنسانا جعل الموت ينساك يابومحمد أي كشته أنت موجود فيها يابومحمد أعلم أنها طلعة ونس وطناخه وعاوم مراجل تقبل تحياتي |
رد : أكثر من 30 صوره لروضة التنهات الأثنين الماضي
الاخ الغالي عبدالله بن غفره
رايح للبر بشاهي ليبتون وين شاهي التلقيمه هذا اللي يركد الرأس ذكرتني بشقق العزاب اذبحهم في الليبتون ولا انت مصلح دعايه .. تحياتي |
رد : أكثر من 30 صوره لروضة التنهات الأثنين الماضي
أرررررررحب تراحيب المطر
عبدالله بن غفره باااااارك الله فيك والله يعطيك العافيه عزالله انها صور رائعه والله لايهينك بعض الصور ماطلع شف الي صرفه الله يطول بعمرك تقبل تحياتي يالقررررم ظافر القحطاني |
رد : أكثر من 30 صوره لروضة التنهات الأثنين الماضي
ابو غاده
مالها داعي ما تعلمني يوم جيت تروح لكن مسموح ذا المره والله العظيم انك فنان عليك تصوير شي تحياتي لك ولا عاد تنساني |
رد : أكثر من 30 صوره لروضة التنهات الأثنين الماضي
يعطيك العافية يابن غفرة على ها الصور اللى تشرح الصدر
شووووووقتنا للبر والربيع تحياتي |
رد : أكثر من 30 صوره لروضة التنهات الأثنين الماضي
والله اني استمتعت بالصور
والله انك هيضتني وان شاء الله بكره وانا في روضة خريم والا التنهات وابشروا بالصور والعلم الزين بيض الله وجهك يا عبدالله اشهد لله انك كفووووو |
رد : أكثر من 30 صوره لروضة التنهات الأثنين الماضي
للاخوان اللي ودهم يروحون ... هذا الطريق لروضة التنهات
http://www.qahtaan.com/works/up/uplo...1171161134.gif |
رد : أكثر من 30 صوره لروضة التنهات الأثنين الماضي
أرررررررررحب يابن غفره والله انك متميز يابوعابد.... ماشالله عليك
مناظر ترد الروووح ..... والمشكله اني جالس أشوف موضوعك وأنا جوعان هههههههه. |
رد : أكثر من 30 صوره لروضة التنهات الأثنين الماضي
بيض الله وجهك
ومشكووووووووووووووووور |
رد : أكثر من 30 صوره لروضة التنهات الأثنين الماضي
اقتباس:
الشاهي ما سويناه يابو عبدالمجيد ماخذينه من البيت جاهز هههههههههههه بالنسبة للحلم خله على ربك من الروضه للمستشفى على طول :) بالنسبة للمكان يامعيض تراني من الناس اللي يشجعون العباره ( دع المكان مثل ماكان ) تقبل تحياتي ولاهنت يالوافي |
رد : أكثر من 30 صوره لروضة التنهات الأثنين الماضي
اقتباس:
ووجهك ابيض والف شكر لك على المرور العطر تحياتي |
رد : أكثر من 30 صوره لروضة التنهات الأثنين الماضي
الله يبيض وجهك يابن غفران
|
رد : أكثر من 30 صوره لروضة التنهات الأثنين الماضي
سلمت يمينك على الصور
هذة الطلعة ولابلاش (هكذا يفعل الرجال) |
رد : أكثر من 30 صوره لروضة التنهات الأثنين الماضي
بيض الله وجهك ابن غفره ماشاء الله عليك دائما مبدع وراعي الاوله بتوثيق الرحلات بالصور والسبق انت للتميز عنوان شوقتني للبروالربيع جاري التثبيت تحياتي العاصمي |
رد : أكثر من 30 صوره لروضة التنهات الأثنين الماضي
لاهنت يأخ عبدالله والله يعطيك العافيه على هذا الطرح المميز لمشاهد الطبيعةالخلابه، والبر لايفوت هذه الأيام.
ويسرني أن أهدي لك ولكافة مرتادي شبكة قحطان قصيدة من تراث قحطان : [poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"] البارحة بالليل يوم أتنزه=أخيل براقاً سرى وين يازي وأصبحت قلبي رابعاته تهزه=تهزني لا نوى وأنا بالدرازي من دون ربعي فرجهة مبرهزه=أبغى العزا منهم ولا ني بعازي ياجار لا منك بغيت المعزه=عنز على اللي جارهم مايهازي مالي بحضر في البلد مستلزه=اللي يبيعون اللبن بالبيازي ترك صبي في البلدضاع مزه=رب البلادوعن هل البر جازي حلفت ماوقف عليهم بذزه=وعروضنا حنا لاهنا بوازي ياماحلى عاد أول النبت فزه=ممشامع من كان للنفس جازي وخويت من يبغي الأناسه وعزه=وخوت رجال تنشرى بالغوازي إلى ركبوا الجره وهي مستهزه=يازينه بالرمل عقب العزازي ثم شاوف الشواف شوفاً يمزه=ثم شاوف البل من بعيدخزازي ترعى بخاطي رقة مقلهزه=ثواني مثل النخيل الركازي وبيوت أهلها من وراهابنزه=مشيدات في العلا والنوازي إلى أقبل الطارش بنضوه يهزه=كنه على البيت المطرف يحازي هزه ودزه وانثنى عند بزه=والضيف من طيب المعزيب فازي يازين شب الضوء خطوات حزه=في مجلس ماسفروا له بقازي شبابهاغمراً على أول مفزه=جنوبياً كنه ربوت حجازي[/poem] انظر بقية هذه القصيدة وقصدتهاللشاعر العلم عيد بن خلف آل عاصمو بقية قصائده الثمينه بكتاب الحنين والأشجان في أشعار قبائل قحطان الطبعة الثانية الفصل التمهيدي . وسلامتكم،،، |
رد : أكثر من 30 صوره لروضة التنهات الأثنين الماضي
صور رائعة
كما عودنا عبدالله بن غفره على مواضيعه المميزه |
رد : أكثر من 30 صوره لروضة التنهات الأثنين الماضي
مشكوووووووووووور
|
رد : أكثر من 30 صوره لروضة التنهات الأثنين الماضي
يا سلالالالالالالالالالالالالالام عليك يالمبدع
الف شكر الف مليار شكر الف ترليون شكر لاهنت صور في قمة الروعة .... اختيار جميل للغاية لاهنت وفقك الله |
رد : أكثر من 30 صوره لروضة التنهات الأثنين الماضي
السلام عليكم ورحمة الله وبركاته
لاهنت يابوغاده على الصور والصراحه على آخر الموضوع تقاطرت سعابيلي على الشوي :) الا ابريق الحليب انشد سعد وش يسمونه :) . |
رد : أكثر من 30 صوره لروضة التنهات الأثنين الماضي
وعليكم السلام ورحمة الله وبركاته
أرحب يبن غفره تتمتم الريح في روحي ضجة الوحدة ويتمتم الليل في قلبي صقيعَ أنثى شرده بالدفء وتتمتم الورود في عيوني تسلم يبن غفره على هذي الصور |
رد : أكثر من 30 صوره لروضة التنهات الأثنين الماضي
عبدالله بن غفره
بيض الله وجهك على هذا التصوير المحرفن والممتاز جملتني يالذيب في ثلاثة من قبائل مختلف اطلعوا على الصور واعجبوا في الصور وشبت الضوء والقهوة والشاهي لدرجة أن اكثرهم نسخ الصور ووضعوها خلفية لاجهزتهم اعجبني كل ذلك واعجبني تفوقك وتميزك يالذيب نومستني |
رد : أكثر من 30 صوره لروضة التنهات الأثنين الماضي
ابو عساف
ابشر بسعدك ولا عليك زود يابو عساف والمعذره والجايات اكثر باذن الله حبيب الوالدين لاهنت على المرور والف شكر لك يالغالي ظافر القحطاني لاهنت يابو عايض على المرور والصور طالعه مضبوط يمكن الخلل في راسك :) عبدالله المهداني ياهلا وغلا يابو سعود ولاهنت يالوافي على المرور العطر ماجد الخليفي الف شكر لك يابو عصام على التواجد الرائع والغير مستغرب من شخصك كشخصك مبارك آل جمان هلاوالله ومرحباً بمصورنا المبدع وسفيرنا في التنهات :) لاهنت على الحضور والتواجد الغالي سيف السحيمي اررررحب ياسيف ووين الغيبات ما عاد تنشاف عسى ماشر لاهنت على المرور والف شكر لك ابن جعفر الف شكر على المرور العطر وياهلا وغلا فيك المهلهل مرحبا بك يالمهلهل ولاهنت يالغالي على المرور العطر الواصل بيض الله وجهك على المرور العطر ولاهنت يالوافي بو نهار العاصمي اررررحب ياعواد ولا نجي إلا من بعدك ولا عليك زود لاهنت على التفاعل والتواجد الرائع |
رد : أكثر من 30 صوره لروضة التنهات الأثنين الماضي
الله يوفقك يا عبد الله دايم صورك رائقه الله يسعدك 0
|
رد : أكثر من 30 صوره لروضة التنهات الأثنين الماضي
علي بن شداد
بيض الله وجهك ياعلي علىالمرور الغير عادي على الموضوع والف شكر لك خالد بن علي لاهنت ياخالد على المرور ماجد الحبابي لاهنت يالقرم على الحضور والمرور محمد الحياني لاهنت يابو مسفر وبيض الله وجهك على المرور الغالي فارس قحطان لاهنت يابو مسفر على المرور الغالي على القلب ابو ريان الف شكر لك على المرور والكلام الرائع ابن عياف وانا بعد أعجبني مرورك وتعطيرك الصفحه القحطاني صالح لاهنت ياصالح على المورو والف شكر لك تحياتي للجميع والف شكر لتواجدهم |
رد : أكثر من 30 صوره لروضة التنهات الأثنين الماضي
السلام عليكم ورحمة الله وبركاته
ا للة يعطيك العافية ورحلة موفقة وتصوير رأع جدااااااااااااااااااااااا |
رد : أكثر من 30 صوره لروضة التنهات الأثنين الماضي
موضوع رائع جدّا
ويرفع .. وقت ربيع وخير وخل الشّباب يشتطّون على الكشتات تحيّاتي |
رد : أكثر من 30 صوره لروضة التنهات الأثنين الماضي
لاهنت اخونا عبدالله بن غفره
بسراحه امتعتنا معك ، وسافرت بنا الى هذا الربيع ، والروض الخلاب. منظر الحِشوان والرحول ، والنار والمعاميل ، والعشب والغروب. شي جميل ،،،،،،،،،،، نشكرك من الاعماق ... وان عاد نويت فعلمنا نخاويك... تقبل تحياتي...... |
رد : أكثر من 30 صوره لروضة التنهات الأثنين الماضي
لاهنت ياعبدالله بن غفره وهذي الصور الي تشرح الصدر
والله يرزقنا المطر وتقبل تحـــــــــــــياتي |
رد : أكثر من 30 صوره لروضة التنهات الأثنين الماضي
لاهنت يابو غاده
بيض الله وجهك على المجهود الكبير وشكرا للاخ خالد ال مطرف نقتبس منه بيوت ابو شنب صماليل جمر ٍ نورها يجذب السارين على جالها دله ومدخـن وبـرادي ومن مرنا قلنا هلا مرحبا واهليـن تفضل وهذا سلمنا سلم الأجـدادي اخوكم |
رد : أكثر من 30 صوره لروضة التنهات الأثنين الماضي
لا هنت يالغالي
ونشووووف جديدك |
رد : أكثر من 30 صوره لروضة التنهات الأثنين الماضي
بيض الله وجهك يا / عبدالله
عز الله انها صور تشرح الصدر مشكووووووووووووور والله لا يهينك |
| الساعة الآن 10:41 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com