|
كرهت اليوم الوطني والسبب الشعب السعودي !!
نعم بالفعل كرهت اليوم الوطني بسبة الشعب السعودي !!!!
الشعب يرد الإحتفال والفرح لكن لا يعرف كيف يظهر فرحه بشكل مناسب بدون أي إزعاج للأخرين يحسبون اليوم الوطني تشجيع مباراه أو فوز فريق على فريق آخر :1107953627: تصدق أن فيه واحد قاعد يفحط وهو صابغ موتره باللون الأخضر ويقول وطنيه !!! اي وطنيه إلى هو يعرفها وأي أحترام للآخرين والله أنهم ينقلون صوره عن الشعب السعودي صوره غير لا ئقه للأسلام والمسلمين !! رابط علم المملكه العربيه السعوديه على مؤخرته ( أكرمكم الله ) وقاعد يرقص:banana: ويتمأيل قدام الله وخلقه ولا عنده أي تقدير لراية التوحيد ( لا إله إلا الله محمد رسول الله ) والأدهى والآمر أنه في أول ليله من ليالي رمضان والمساجد تكبر وتصلي لصلاة التراويح نسأل الله العافيه وأن لا يؤاخذنا بما فعله السفهاء منا بشوف عيني وبدون أي واحد ما يقولي مشغل ( ياسلامي عليكم يالسعوديه ... ) وطالع مع الدرايش السياره ورابط شوشته بخرقه خضراء وصابغ وجه بشكل مقررررررف وكاتب على السياره ( نحبك يابابا عبدالله ) وشنبه من الأذن إلى الأذن هذا والملك معطيهم يوم واحد عاد لو عطاهم اسبوع إجازه إحتمال ما يرقدون ثلاث أيام :1107953448: مع أني متأكد أن اغلبهم إذا ماهم كلهم عاطلين وإجازتهم في جيوبهم :applaudit: يعلم الله أني كرهت اليوم الوطني والسبب يعود لهذه النوعيه من الشباب الهمجي الغير واعي قبل لا أنسى ( كل عـــام وأنــــتم بخيــــــر ) تقبل تحياتي أخووووووووكم |
رد : كرهت اليوم الوطني والسبب الشعب السعودي !!
كل عام وانت بالف خير اخوي الغالي بن غفره الغالي اسعد الله اوقاتك بالخير والمسرات اليوم الوطني يوم انتماء وفرحة وتجديد في الروح لكن ماهو بالشكل اللي تفضلت وشرحت لنا عنه نسال الله ان يهدي شبابنا .... في كل منطقة اقام الشباب التفحيط وسوء الفهم للمعني الانساني وللوطنية الحقة .... اليوم الوطني يوم احتفال وفرحة ....لكن مو بيوم حزن وألم وحوادث مرورية ومضايقات دمت يالغاااااااااااااااااااااااالي |
رد : كرهت اليوم الوطني والسبب الشعب السعودي !!
مساءك الله بالخير يابومحمد وكل عام وانت بخير وشهرك مبارك
كلامك في محله ودليل علي عقلك الناضج والواعي ياليت الشباب مثلك يابومحمد كان ماشفت اللي شفناه الليله وتري ماهو عندكم في الرياض الرقص والصجه والرجه حتي هنا في الجنوب لاهنت علي هذا الكلام الرائع ويازين الهدو والصلاه والراحه كما نسال الله ان يحفظ هذا الوطن ويحفظ الملك عبدالله وولي عهده ويديم الامن والامان |
رد : كرهت اليوم الوطني والسبب الشعب السعودي !!
محمد الحياني
كل عام وأنت بخير والشهر عليك مبارك يابو مسفر مرورك أتشرف فيه وهو وسام على صدري يامحمد والله أنك صادق من ناحية حوادث المرور والعسكر ما عاد يلحقون على ذا السرابيت وكل ما جيت لي مع شارع لقيته مسكر والسبب الفوضى والهمجيه !!! شاكر ومقدر لك مرور العطر يالغالي |
رد : كرهت اليوم الوطني والسبب الشعب السعودي !!
ابو فيصل
كل عام وأنت بخير والشهر عليك مبارك ياعلي تشرفت بمرورك العطر على الموضوع اثر عندكم بعد الله يعين يارجال أما حنا الله بلانا بدشير ما تفرق بين رمضان والأيام العايديه نسأل الله العافيه أبتلونا ياولد حتى في المطاعم يشجع السعوديه والله أني داري أن أكثرهم يحسب منتخب السعوديه فايز :) تشرفت بمرورك ياكحيلان |
رد : كرهت اليوم الوطني والسبب الشعب السعودي !!
هذا اللي نصيح منه والخوافي يعلم بها الله
|
رد : كرهت اليوم الوطني والسبب الشعب السعودي !!
ارحب يا بو محمد
وانت بالف خير وصحه وسلامه ابو محمد ما قلت الا الصحيح والحقيقه اللي صار شيء يندى له الجبين حركات وميوعه واغاني وازعاج ازعجونا وضايقونا صكوا علينا الطرق وازعجوا المسلمين في الصلاه والله ما يدرون ويش معنى اليوم الوطني ولو تسال راعي التفحيط والحركات متى اليوم والوطني ما يعرف تاريخه بس مع الخيل يا شقرا عسى الله لا يبلانا تحياتي لك وللجميع والشهر عليكم مبارك |
رد : كرهت اليوم الوطني والسبب الشعب السعودي !!
وانت بخير
هــــــــــــــــذا الواقع مشكور الله يعطيك العافيه |
رد : كرهت اليوم الوطني والسبب الشعب السعودي !!
السلام عليكم ورحمة الله وبركاته
اررررررررررررحب والله انك صادق وازيدك من الشعر بيت عينتي لزيود حقين بنشر لا طسين وجيهم باخضر والنصف الثاني بابيض والخشم باسود من الزيوت قلت ليش الحركه هذي قال شفنا الشباب السعودي نبي نسوي زيهم يمكن يشوفنا واحد تاجر والا واحد من الشيبان الكبار ويعطينا دراهم وماسك علم فيده للسعودية وماسك شارع الكهربه تمتير والصندوق كفرات هههههههههههه حتى الشباب الاجنبي تلقاه يسوي زيهم الله يصلح شبابنا وشباب المسلمين موضوع صراحه جيد وقيم يابو محمد تقبل وافر التحية والتقدير |
رد : كرهت اليوم الوطني والسبب الشعب السعودي !!
الأخ الغالي ابن غفره أرررررررررررحب تراحيب المطر .
أول شي الشهر مبارك عليك وعلى جميع أعضاء المنتدى الكبير برجاله وأعضائه الكرام . ثاني شي والله إني البارح رايح لرجال في طريق الملك فهد وأعوذ بالله زحمه وهستره ورقص وخرابيط لدرجة إن فيه شباب واقفين كنهم بنات حلال ويرقصون ما عندهم في أحد !!!!!!!!!!!!!!!!!!!! أقترح عليك أي واحد تشوفه من هذي النوعيه توديه لجبل بن زيد يتفاهم معه وأوعدك ما عاد تشوفه ينطط مرة ثانيه !! لك كل الشكر والتقدير والأحترام الخاص مني . أخوك أبا الذموم . |
رد : كرهت اليوم الوطني والسبب الشعب السعودي !!
يا رجال
ماعرفنا اليوم الوطني ألا في مدة أبو متعب جعله يسلم وحن ذلحين عادنا نتعلم |
رد : كرهت اليوم الوطني والسبب الشعب السعودي !!
اقتباس:
اررررررررحب ياابا الذموم يبشر والله نعطيه ما عطا ؟؟؟؟؟؟؟ ... ؟؟؟؟؟؟؟؟؟؟؟؟؟؟؟؟ ولا نعطيه طهور جليده |
رد : كرهت اليوم الوطني والسبب الشعب السعودي !!
هونها وتهون يابو محمد
اول كل عام وانت طيب وبالنسبه للهمجي ترى ما يمثل الا نفسه ولا يمثل غيره تحياتي واشكرك على الموضوع الحماسي |
رد : كرهت اليوم الوطني والسبب الشعب السعودي !!
ارررررررررررررحب ياذيبان
والله معاد خليت لنا شي نقوله انت والربع كفيتوا ووفيتوا بيض الله وجيهكم وكل عام وانت بخير وصحه وسلامه ومبروك عليك الشهر احترامي وتقديري الكبيرين |
رد : كرهت اليوم الوطني والسبب الشعب السعودي !!
سنحان بن عامر
الله يستر لا يصير بعد كم سنه عيد ثالث :) |
رد : كرهت اليوم الوطني والسبب الشعب السعودي !!
مسفر بن حسين
كل عام وأنت بخير ولوني منك وأنا أخوك كان ظهرت عليه واقرب زبيريه الله يعزك ولخيته على علباه وغسلت وجهه من الخرابيط اللي هو حاطها على وجهه كني أشوف ذلحين !!! أبو حسين الله يعين على ذا الدنيا بخير |
رد : كرهت اليوم الوطني والسبب الشعب السعودي !!
ابن طرخم
اشكرك على المرور العطر وياهلا وغلا فيك |
رد : كرهت اليوم الوطني والسبب الشعب السعودي !!
جبل بن زيد
الشهر عليك مبارك وشكراً لك المرور العطر والزيدي ذا مع الخيل ياشقراء والتقليد الأعمى مشكله بعض مصبغ اذنيه بأخضر ولا يدري وش السالفه هههههههه تقبل وافر احترامي واشكرك على المرور |
رد : كرهت اليوم الوطني والسبب الشعب السعودي !!
أبا الذموم
تسلم تسلم ياكحيلان والله يبارك فيك واعانا الله وياك على صيامه وقيامه وأظاهر أني بودي جبل بنفسه لهم وأخليه يتفاهم هو وياهم ههههههه شكراً لك يالقررررم |
رد : كرهت اليوم الوطني والسبب الشعب السعودي !!
أبو جابر
ههههههههه والله أنك صادق باقي نتعلم وشكلك بتوهقنا في السياسه :) شاكر ومقدر لك مرورك العطر يالغالي |
رد : كرهت اليوم الوطني والسبب الشعب السعودي !!
عبدالله المهداني
وأنت بخير والشهر عليك مبارك يابو سعود والله أنك صادق ما يمثل إلا نفسه بس أنبطت كبدي وأنا أخوك شاكر ومقدر لك المرور العطر ياكحيلان |
رد : كرهت اليوم الوطني والسبب الشعب السعودي !!
بن فالح
تسلم وكل عام وأنت بخير يابن مفلح ومرورك يكفي مع العلم أنا ما نستغنى عن تعليقك الرائع تقبل وافر تحياتي يالغالي |
رد : كرهت اليوم الوطني والسبب الشعب السعودي !!
جيت أسلم على جدتي بالأمس أبارك لها بقدوم رمضان وأحصلها حاطه على رأسها مشقرين ريحان :ate-somet
قلت أفا يا ولد :confused: العجوز راحت فيها :110103_hi ضربتها حمى اليوم الوطني خصوصاً أن الريحان مثمر اعلاه أبيض وأسفله أخضر :ate-somet قلت يا جده أيش السالفه أشوفك مكتسيه حلة خضراء قالت يا وليدي رمضان كريم وحن يا عجايز نحب نتفاول بشجرة الجنة ورمضان شهر كريم مسكت فرامل وقلت في نفسي إن بعض الظن إثم ليتها تدري عن خرابيط اليوم الوطني وشباب اليوم |
رد : كرهت اليوم الوطني والسبب الشعب السعودي !!
يا مرحبا يا بن غفره
بصراحه شفنا من الشباب حركات هستره وليست حركات وطنيه تفحيط وسربته وقلة حيا التعبير عن الوطنية تكون بالفعل الطيب والكلمة الراقية والمشاعر الصادقة وليست التفحيط والتلاعب بأرواح الناس وليست بالبويات والأصباغ والأشكال تحياتي لك :) |
رد : كرهت اليوم الوطني والسبب الشعب السعودي !!
بسم الله الرحمن الرحيم
أخووي ابن غفره وجميع من مر على هذا الموضوع وكل عضو وكل زائر ابارك لكم بحلول شهر الطاعه والغفران شهر رمضان الذي انزل فيه القرآن جعلنا الله واياكم من صووامه وقووامه وبصرااحه يا ابن غفرة انت معك حق في كل حررف تقوله وفي نظرري كل شي يهون الا اللي رابط العلم السعودي على مؤخرته نسأل الله يهديه ويرزقه العقل والله يهدي شباب المسلمين اجمعين شكرا ً ابن غفرة .... اخوك سالم |
رد : كرهت اليوم الوطني والسبب الشعب السعودي !!
اللهم اصلح شباب المسلمين يارب العالمين
كم واحد راح بسبب التهور في مثل هذه المناسبات مشكور اخي ابن غفره |
رد : كرهت اليوم الوطني والسبب الشعب السعودي !!
بسم الله الرحمن الرحيم ,,
السلام عليكم ورحمة الله وبركاته .. بن غفره لك ولجميع المراقبين والمشرفين والزوار في هذه الشبكه . تقبل الله مناونكم والشهر عليكم مبارك جعلنا الله واياكم من صوامه وقوامه. والله لله في قيام ليله ولاكثار من الاستغفار .. |
رد : كرهت اليوم الوطني والسبب الشعب السعودي !!
ابن غفره وبقية الربع نبارك لكم رمضان. من طرف الورعان اللي صابغين وجيههم فلا دروا عن اليوم ولازنه. أصلاً احتفالهم هذا من أجل التفحيط ولا غير ومضايقة المسلمين والمغازلة والهسترة والرقص والشكشكة والمناقزة :banana: والمهايطة والممايطه والمعايطه والملايطه والمثايـــــــــــــــــــــــــــــــــــــــطه:0 17: .صراحاً هذه توجهاتهم، يوم وطني ويفحط يوم وطني وتجمهر وإذاء خلق الله يوم وطني وصياح ونحياح يوم وطني وزعاق ونهيق أمس شفت الشرطة والمرور أي واحد يشوفوه صابغ سيارته بلون اخضر فاتح والزجاج بلون ابيض (يعني مغيم السيارة بالصبغ) يوقفه ويصرف له مخالفة ، ولا عندك أحد.يأخذ المخالفة ويحطها في جيبه ويواصل مسيرة الفسفسه يعني الربيع الذين يحتفلون تنطبق عليهم المعادله: خــــــــــــــرطي × خــــــــــــــرطي وسلامتكم |
رد : كرهت اليوم الوطني والسبب الشعب السعودي !!
بسم الله الرحمن الرحيم أخووي ابن غفره وجميع من مر على هذا الموضوع وكل عضو وكل زائر ابارك لكم بحلول شهر الطاعه والغفران شهر رمضان الذي انزل فيه القرآن جعلنا الله واياكم من صووامه وقووامه وبصرااحه يا ابن غفرة انت معك حق في كل حررف تقوله وفي نظرري كل شي يهون الا اللي رابط العلم السعودي على مؤخرته نسأل الله يهديه ويرزقه العقل والله يهدي شباب المسلمين اجمعين يا خوي لاتشكيلي وبكيلك (( لاحال وااحد )) عندناا وعندكم خير (( االله يهديهم على طاعة )) شكرا ً ابن غفرة .... |
رد : كرهت اليوم الوطني والسبب الشعب السعودي !!
الاخ العزيز ابو محمد ...
موضوع لامس حقيقة مرة ... وبالمناسبة هذا ما تعانونه اهل العاصمة ... اما نحن فلا زلنا ننتظر تصدير الفكرة في اعوام قادمة !! فما ينتشر في الرياض هذا العام تجده في مناطق اخرى العام القادم ... ( الا اذا كانت المعادلة ستتغير مع ثورة الاتصال الحديثة !! ) اما هنا فتعليق خفيف ظل ( في نظري ) ... ليتنا نقف مع فكرة اليوم الوطني !!! ماذا نقصد منه ؟!! وماذا قصد منه من اتى بالفكرة ؟!! وما ابعاده الحقيقية ؟!! ( بغض النظر عن ابعاده البريئة في اذهان بعضنا ) وما هو الرأي الشرعي المتين في هذا الموضوع ؟!! شكرا لك ابو محمد ... فقد ذكرت جانبا من المعاناة ... والتي ربما تكون من آثار امر تعده الشريعة معصية ومخالفة شرعية .... وهنا رابط نقلت عليه فتاوى شريعتنا في موضوع النقاش : http://www.qahtaan.com/vb/showthread.php?t=15935 تحياتي لك عزيزي ... واسأل الله ان يجعلك من المقبولين الموفقين في شهرنا الكريم ... . |
رد : كرهت اليوم الوطني والسبب الشعب السعودي !!
الغالي ((بن غفرة)) موضوع في الصميم وسلبيات شبابنا كثيرة مع الاسف وقد يكون اهم الاسباب التراخي في التربية وتهميش دور المعلم الحيوي جيل الامس كان معلمه قدوته وموجهه والمعلم صارم في مواجهة كل سلوك مشين جيل اليوم من يحمي المعلم منهم وللأسف ان ذلك بمباركة من أولياء امورهم بأعذارهم الواهية لاتحطموا شخصية الولد وعش رجباً ترى عجباً |
رد : كرهت اليوم الوطني والسبب الشعب السعودي !!
أررررررحب يابومحمد
والله انك صادق كلواحد منهم يلولص علشان اليوم الوطني ثم يجيب العيد لاهنت |
رد : كرهت اليوم الوطني والسبب الشعب السعودي !!
السلام عليكم
الشهر عليك مبارك ماقلت الا الصح وانا خوك .. الله يهدينا واياهم مشكور اخوي ابن غفرة |
رد : كرهت اليوم الوطني والسبب الشعب السعودي !!
اقتباس:
الاخ العزيز / أبو عبدالله حياك الله وكل عام وأنت طيب ومبروك عليك الشهر حقيقة كلامك والله صحيح وهؤلاء الشباب هداهم الله أستقبلوا رمضان باالتفحيط والاغاني ومضايقة الناس في الشوارع المسلمين يتهجدون ويصلون التراويح وهم في الشوارع يشجعون ويرقصون ويفسدون هداهم الله هداهم الله يخبرني أحد الزملاء بخميس مشيط يقول والله إن مجموعه كبيرة من الشباب قاموا بتكسير بعض من المحلات التجاريه فهل صار هذا يوم وطني أم نهب وسرق للمحلات أبو عبدالله المشكله مثل ماقلت الواحد منهم والله إنه كبير والشنب من الاذن الى الاذن هههههههههههه وأن أكثرهم متزوج وعليه أولاد لاكن العقل عند الله لك تحياتي أخوك أبو صقر |
رد : كرهت اليوم الوطني والسبب الشعب السعودي !!
اخوي بن غفره الله يعطيك العافيه على تطرق هذا الموضوع
وعلى فكره ترى مااخرني على هذا الموضوع الى اليوم الوطني والله أني من بعد صلاة التروايح الى الساعه وحده وأنا في هذي الشوارع بسبة الشباب رحة بعد الصلاه مباشره لمشوار ضروري العاده ياخذ المشوار بالكثييييييييييييييييييييير ساعه وصار الي صار الصراحه رجعة البيت ووجهي في شق تقول أن واحد صفقني الين شبعت وعلى طول على السرير لاعشاء ولاسحور حتى تصدق أن الشباب بغوا ينزلوني من سيارتي مسوين استهبال ما أقول الاالله يهيدي شباب المسلمين تحياتي لك أخوي بن غفره |
رد : كرهت اليوم الوطني والسبب الشعب السعودي !!
بن غفره
تحياتي لك والعتب على وزارة الاعلام |
رد : كرهت اليوم الوطني والسبب الشعب السعودي !!
اقتباس:
أررررررررررحب وحياك الله واشكرك جزيل الشكر على المرور العطر والمداخله الرائعه كروعة حضورك يابو لمى تقبل تحياتي |
رد : كرهت اليوم الوطني والسبب الشعب السعودي !!
اقتباس:
كل عام وأنت بخير ياسالم وشاكر ومقدر لك مرورك العطر ومداخلتك الرائعه وما خفي كان أعظم وليتك تشوف الأعلام وش سوى في اليوم الوطني في قناتنا المحبوبه القناة الأولى أغاني وفلة حجاج :) وناس صايمين |
رد : كرهت اليوم الوطني والسبب الشعب السعودي !!
الزهيري المغترب
كل عام وأنت بخير وشاكر لك مداخلتك الرائعه كروعة حضورك يالغالي تقبل وافر تحياتي وأحترامي أخووووووووك |
رد : كرهت اليوم الوطني والسبب الشعب السعودي !!
عز الخيل
أررررررررحب والشهر عليك مبارك لاهنت ياكحيلان على المرور العطر وتشريفك الموضوع أخووووووووك:) |
| الساعة الآن 11:55 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com