كيـــــــف الحــــال ؟
اذكروا الله [poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"] يا طاري الحب .. كيف الحال=لبيه يا شرعك البيّن ما انت بتفرق على ما قال =ما بين صايع ومديّن كم واحد كان خالي بال=يرفض روابطك ... قطعيًّا جيته بحيلتك يا المحتال=وطمعته وجاك متحيّن كنه .. من موظفي الاحوال =توه على البند متعيّن في الجهد تضرب به الامثال =ينجز ملايين .. يوميًّا والراتب الصافي .. ألف ريال =هذا .. اذا جاه شهريًّا ولا ابطى عليه الزمان ومال =ولاجاه تعيين رسميًّا امن الوزى .. يقول : يا رجال =الفقر منبوذ فطريًّا معذور لو صار حاله حال=امحطم ومرضان نفسيًّا سواته سواة راعي الفال=لا طاح في الحب متليّن اليا صفى معه عشر ليال=بدا له العدّ عكسيًّا سبحانه مغيّر الاحوال=تأتي انتكاسته رأسيًّا مشاكلٍ مالها حلال =ودوافعٍ عوج نسبيًّا وأنا مع الحب وقت زال =مجنب عن حماه شخصيًّا ووضعي على طول .. عال العال=لا أدين لأهله ... ولا آديّن اناظر الحال .. ولا اسال=وادري بمعناه لفظيًّا ما وصلني بثه الفعال =ولا خالج الذات حسيًّا اثاره ارسال واستقبال =سلكيًّا .. وغير سلكيًّا لا ضعف جال تردّى جال =وتعثر البث .... جبريًّا وجاني وقلت : ارحبوا يا رجال =وتغيّر الوضع جذريًّا من يوم خمسة عشر شوال =تسعه وعشرين هجريًّا عرّض بي المايس الميّال =كاشخ وباذخ ومتزيّن مصعّر خده ومختال =ما يحسب الناس موليًّا وعلى كسل رمشه القتال =خذاني الوجد فوريًّا واصبحت كني فتى الادغال =أبعد عن الناس عفويًّا اخاف من كلمة تنقال =من هيّن مذهبه هيّن واخاف من نظرة العقال=اليا أصبح الوضع مطيّن فـــ قبل تصير الدقاق جلال =أحسن لي أسج روحيًّا واصد عن شامت وعذال =وجوالي اقفله كليًّا من اتصل جاوبه فـــ الحال =ابطيب وابجانب ليّن يا المتصل صاحب الجوال =ماهوب موجود حاليًّا [/poem] |
رد : كيـــــــف الحــــال ؟
(1)
اررررررررررررررررررررحب ياعوض شامخه من شاعر جزل ماشـــــــــــــــاء الله سجل اعجابي المتواضع بشاعريتك الجزله دمت بالف خير |
رد : كيـــــــف الحــــال ؟
ارررررررررررررررررحب يابن شفلوت
والله يحييك بعد طول غياب وصح الله لسانك واعتلا شانك يا كحيلان والله اني استمتعت بهالقصيده وبغيت اقتبس بعض الأبيات لكن والله انها وافية كلها ننتظر جديدك يا الذيب ولا تقطعنا ......................................... وتقبل مروري اخوكـ البشري |
رد : كيـــــــف الحــــال ؟
ارحب ياعوض شاعر غني عن الشهاده
والمرور ولكن مروري للتواصل صح لسانك تحياتي |
رد : كيـــــــف الحــــال ؟
صح لسانك يا عوض
قصيدة وافية وانت وااااافي مبدع كالعادة تحياتي لك |
رد : كيـــــــف الحــــال ؟
اقتباس:
تواصلك طيب منك يا كحيـــــــلان لاخلا ولا عدم تحياتي |
رد : كيـــــــف الحــــال ؟
لا اله الا الله
مبدع بكل حالاتك ياعوض وتحتمي مواقيفك ياكحيلان صح لسانك مليون |
رد : كيـــــــف الحــــال ؟
صح لسانك
والقصيده رائعه ويكفيني منها هذي الابيات واصبحت كنـي فتـى الادغـال ××× أبعـد عـن النـاس عفـويًّـا اخـاف مـن كلـمـة ٍ تنـقـال ××× مـن هيّـن مذهـبـه هـيّـن التعبير فيه طرافه ومعناه في غاية العذوبه صح لسانك |
رد : كيـــــــف الحــــال ؟
الله الله ارحب ياعوض صح الله لسانك وعلا شانك وبيض الله وجهك ابداع وهذا ليس بغريب على شاعر مثلك فالمبدع لا يكتب الا ابداع وانت مبدع وتظل شهادتي فيك مجروحه مهما كتبت لن اوفيك حقك فاتمنى ان تسجل اعجابي في كل ما تكتب وفي انتظار جديدك تقبل تحياتي اخوك |
رد : كيـــــــف الحــــال ؟
الله يعافيك
ارحب يابو فراس ياحي ذالصوت حياه صح لسانك على ذالشامخه التي لاتستغرب طالماً ان ورائها شموخك والله إنك غالي وإني احب علومك كلها بما فيها القصيد وانت اكبر من كل ما اقوله ولا اقول إلا لاعدمتك . |
رد : كيـــــــف الحــــال ؟
صح الله السانك ...مبدع ووفيت بما قدمت
ولي قصائدك رونق خاص ..يليق بشخصك لاخلى ولاعدم |
رد : كيـــــــف الحــــال ؟
مجنـــــــــــــــــــــــــــــــــــــــــــــــ ــون يابوعبدالرحمن وقصيده مجنـــــــــــــــــــــــــــــــــــــونه
|
رد : كيـــــــف الحــــال ؟
اقتباس:
تواصلك انت واللي شرواك هو راس المال جعلك تبطي حي تحياتي |
رد : كيـــــــف الحــــال ؟
لاهنت ياوجه قحطان قصائدك رائعه ودائم مبدع
|
رد : كيـــــــف الحــــال ؟
ابيض وجه يابوعبدالرحمن
وصح اللسانك ولاهنت يالجزل |
رد : كيـــــــف الحــــال ؟
فالك التوفيق وصح السانك
|
رد : كيـــــــف الحــــال ؟
اقتباس:
وصح بدنك تواصلك طيب منك لاخلا ولا عدم تحياتي |
رد : كيـــــــف الحــــال ؟
ابيض وجه يابوعبدالرحمن
وصح اللسانك ولاهنت يالجزل تحياتي0000000اخوك |
رد : كيـــــــف الحــــال ؟
القصيدة فارهة تشبه في اكس ار 2009كامل المواصفات..تقبل مني تحية احترام
|
رد : كيـــــــف الحــــال ؟
اقتباس:
صح بدنك ولاهنت على تواصلك الغالي يا الغالي تحياتي |
رد : كيـــــــف الحــــال ؟
اقتباس:
صح بدنك تواصلك طيب منك ... جعلك تحياااا تحياتي |
رد : كيـــــــف الحــــال ؟
صح اسانك
قصيدة وافية من شاعر كبير |
رد : كيـــــــف الحــــال ؟
صح لسانك يا عووض
تسعه وعشرين هجرياااااااا |
الساعة الآن 07:10 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com