شبكة قحطان - مجالس قحطان - منتديات قحطان - آل شامر العجمان وآل جيطاء من الضورة آل عاطف

- مجلس فرسان قحطان (https://www.qahtaan.com/vb/forumdisplay.php?f=5)

- - آل شامر العجمان وآل جيطاء من الضورة آل عاطف (https://www.qahtaan.com/vb/showthread.php?t=7965)

آل شامر العجمان وآل جيطاء من الضورة آل عاطف

آل شامر العجمان وأل جيطاء من الضورة آل عاطف

آل شامر تمالوا على انهم ياخذون ابل آل جيطاء وجو العبد اللي عند البل في النهار وقالوا الابل لاصبحت فاسرح بها دونك علينا والا ذبحناك فعاهدهم العبد على انه ما يعلم وعودوا قال لهم واحد منهم البل خلوها لاتجونها والله ان ترد قال الامير جويبر امير آل شامر هين والله ان ناخذ البل فرد عليه اللي من ربعه وقال هين لاجاك العود الاصقع والله ان يردها والعود الاصقع هو عشق بن مفرع آل جيطاء المهم يوم جاء الصبح قال عشق للعبد اسرح بالبل هنا صوب الجهة التي واعدوا آل شامر العبد فيها فقال العبد ياعمي خلنا نسرح هنا فقال عشق ليه جايك احد والا منذرك قال لا لا كن نبي نسرح هنا العبد من وفاه بالعهد مايبي يعلم ولا يبي ابل عمه توخذ المهم سرح بالبل في جهة آل شامر ومعه محمد بن عشق واخته هلا عوال عشق يوم قدهم في الضحى للرمي يسمعه عشق بن مفرع ( الاصقع ) عند البل اثره ولده محمد رموه آل شامر وضربته من الكتف الايمن إلى الأيسر لاهي مقطعت عروقه لهو طايح فقام يرمي عقب ركب الاصقع على فرسه ونطل معمه ،آل شامر حطوا بين ضلعين رماه يرقبون للي بيلحقهم المهم خذوا شوي لصقعت عشق يوم برقت على الشمس واصلهم ارموه ارموه لهم مخطينه لهو مروح يوم شاف عج البل فصاح وهو يعتزي خيلا العلطا ويصيح يوم سمعت ابله عزوته فتعاطفت ولا عاد احتركت لهو واصلهم اضرب اللي دونها لفاقع راسه واضرب جويبر لهو كاسره ولهو طايح وعود عليه ربع وشلوه وعلقوا به الجبل وللبل مردودة المهم يوم جاء الليل وآل شامر يعالجون جويبر تهيض اللي يعلمه في اول الدعوى وقام يغني يقول :
يوم لحق القرم فأخلينا طريقه
رد خلفاتن مع جل العشاير
والامير جويبر قد يبس ريقه
والحقه ربعن ينجون العثاير

الاخ الذويب
تم اضافه العجمان لعدم الالتباس
اخوووك
مرعي بن دواس

مشكووووووووووووور

اخوي الذويب

ونعم ملالالالالالالالالالالالايين

السلام عليكم ورحمة الله وبركاته

كفو كفو والله يا صبيان ال عاطف ....

هذي عوايدكم .... وعشق الجيطاء فارس مشهور ومعروف بالشجاعة....

لاهنت على ايراد هذه القصة .... وننتظر جديدك

تقبل تحياتي

ارررررررحبو يارجال

اييه هذى السوالف اللي تبرد الكبد

والله يالذويب ماكن يسولف على الا واحدن من الشيبان

واخوان هلا ((خيالة العلطا)) فعلهم بين مايحتاج

جعلني فداك .

سلمت يمينك

ولاتنسى الشايب اللي قطعوا راسه في حدباء قذلة .

والله كفوا يا العود الاصقع
على الحرام اني يوم اقراء ان كنه يسولف جدي علي نفداك ...
وتخيلت القصه وخشيت جو عالمي معها .
يقول الشاعر :
عواطف[ن] حرابهم مايصحا &&&&&&&&&&&&& يمشي وقنبوس البلا في جنابه
على العموم لاتخلينا من العلوم الطيبه.
في انتظار جديدك.

لاهنت يالذويب على ايراد هالسالفه وننتظر منك المزيد

الله لا يهينك انا من المبارك والضوره خوالي

لا هنت يالذويب على ايراد مثل هذه السوالف وننتظر منك المزيد

رد : آل شامر وآل جيطاء من الضورة آل عاطف

كفو بابن الجيطا

ولاهنت على القصه الرائعه

رد : آل شامر وآل جيطاء من الضورة آل عاطف

أخوي

الذويب

أنا انتقدك على عدم صياغة هذا الموضوع بشكل الصحيح

لأنك قلت ال شامر من قصدك من ال شامر هل قصدك ال شامر من العجمان أما ال شامر من قبيلة الشريف أم غير ذلك

أذا كان قصدك ال شامر من العجمان فأنا معك ولأدري عن هذي القصه ولا سمعتها

أما أن كان قصدك ال شامر من الشريف فأرجوا من المشرفين حذف هذا الموضوع لعدم التأكد من مصداقيته

واذا كان غير ذلك فأرجوا التوضيح

تحياتي الشـــــــــــــامري

رد : آل شامر وآل جيطاء من الضورة آل عاطف

مشكور يالذيب على ذالعلوم الزينه وكفو يا وجيه عبداله

رد : آل شامر وآل جيطاء من الضورة آل عاطف

كفو كفو كفو

بآل الجيطاء أهل المليحات اللي حامينها أول وتالي

لا هنت على القصة ونتمنى المزيد

اخوي الشامري آل شامر المقصودين هم العجمان يسكنون حاليا بأسفل نساح عجاج

وأنتم بالجنوب وآل الجيطاء بنجد فلستم المقصودين أتمنى انك فهمت يخوي

رد : آل شامر وآل جيطاء من الضورة آل عاطف

أخوي

شقراان

اشكرك على الرد وعلى التوضيح

تحياتي

رد : آل شامر وآل جيطاء من الضورة آل عاطف

امير ال شامر من العجمان هو ابن خرصان وال شامر ثلث العجمان.. ولم يذكر ان احد فرسان ال شامر اسمه جويبر..فتأكد من القصه..تحياتي