|
من فرسان بني هاجر قحطان
بجاد بن ملفي
هو العقيد الفارس بجاد بن علي بن ملفي من كبار القروف آل محمد بني هاجر ـ قحطان . شارك مع قبيلته بني هاجر في كثير من معاركها ومواقفها وقد أمتدحه الشاعر المعروف حويدي العاصمي بقوله : جعل الفاير مزنة تزعج السيل هاد هواها برقها عقرباني يسقي مضاميها وذيك الدهاكيل من القطيف إلى الحسا لاسهباني دار القروف مكثرين التساهيل وأميرهم بجاد راعي الحصاني فياللي تسوي البن لافاح بالهيل زودٍ على هيله عطه زعفراني وصبه لابن ملفي عساه التساهيل بجاد مروي شذرة الهندواني اللي محله مدهلاً للمشاكيل ولا يشين خاطره بالمكاني واليا غدا البارود مثل المخايل وعلى الطريح يلاوحن العناني لاهو بسيفه يضرب الراس ويشيل لاجا نهار قل فيه الحساني وأن قيل عند نحورهن ياهل الخيل يحول اللي فارس من زماني من روس فرسان ثقال حلاحيل هواجر يرون حد السناني كرمان لا جات السنين المحاحيل وريف على جيرانهم والعواني والفارس بجاد هو القائل : من الفاير صلاة الصبح بالسله نقدع شبا الجمع شبان وشيبانا وجمعنا دقلته للموت طبعاً له كله لعينا الذي بالصوت ينخانا وياسعد من حن نهار الضيق ربعاً له حنا بني هاجر والصلب قحطانا وهو من عناه أحد الشعراء بهذه المرثيه منها : البارحه عيني من النوم مقزاه انشهد أني داري ويش علامي تبكي على اللي في المحيرس دفناه أميرنا اللي نفتخر به دوامي لاجات صكات الليالي ذكرناه ونذكره لارد البرا والزحامي انظر هذا الفارس وغيره بكتاب السيف والسنان عند فرسان قبائل قحطان |
رد : من فرسان بني هاجر وقحطان
ارررحب يابو ابراهيم ..
جزل ولا جبت الا جزل .. وشهادتي في المحمدي مجروحه والتعليق لباقي الاخوان .. صح الله السان العاصمي .. فبيض الله وجهك يا القرم وجمل الله حآلك .. جعلنا مانخلا منك ولا نعدم ابداعاتك يا الذيب .. الله لا يعوقك يابو ابراهيم .. تقبل مروري يا القرم ..:) |
رد : من فرسان بني هاجر وقحطان
مرحبا يابو شداد والله يرحم ابن ملفي معروف بالشجاعة والاقدام ومواضيع رائعة والعز والفخر والشجاعة للجميع .
|
رد : من فرسان بني هاجر وقحطان
ارحب يابو ابراهيم ترحيبة المطر
من ذكرة كفو وانت كفو وصح الله لسان الشاعر تقبل مروري ولك تحياتي |
رد : من فرسان بني هاجر وقحطان
فلاح آل راكان
أنت وافي من وافين وبني هاجر محزم ظفر من أول وتالي ومفخرة من مفاخر قحطان شكرا على المرور الجزل |
رد : من فرسان بني هاجر وقحطان
أرحب يا بو إبراهيم ..
وبيّض الله وجهك على الطرح الرائع .. ومليون نعم بصبيان بني هاجر خلان الأشدة .. |
رد : من فرسان بني هاجر وقحطان
ارحب يابو ابراهيم
لاهنت على الايراد تقبل تحياتي |
رد : من فرسان بني هاجر وقحطان
ارحب يابوابراهيم ولاهي بغريبة على بني هاجر خزنة الظفر
وبيض الله وجهك على توثيقك لعلوم قحطان تقبل مروري يالقرم |
رد : من فرسان بني هاجر وقحطان
محمد ابو عدوة
الله يحييك لاهنت |
رد : من فرسان بني هاجر وقحطان
الله يحيك يابو حمد وشكرا على المرور الجزل
|
رد : من فرسان بني هاجر وقحطان
أرحـــــــــــب يابوابراهيم
عــلـومـك ومـواضـيـعــكـ دائـمـا وافـيــه لا تحرمنا من جـديـدكـ لـك فـائق احترامي |
رد : من فرسان بني هاجر وقحطان
ارحب يابو ابراهيم
لاهنت علي الموضوع لاخلا ولاعدم // |
رد: من فرسان بني هاجر وقحطان
نرحب بجميع الأخوة ونشكر الجميع على المرور
|
رد: من فرسان بني هاجر وقحطان
ارررحب
ونعم في بجاد بن ملفي الهاجري القحطاني حنا بني هاجر والصلب قحطانا < كفو ونعم في حويدي العاصمي القحطاني وعنوان الموضوع يا ليت تخليه " من فرسان بني هاجر قحطان " < يكون افضل لو ماتفصل بينهم وشكرا اخوك الهاجري القحطاني .. |
رد: من فرسان بني هاجر وقحطان
اقتباس:
اقتراح في محله .. لاهنت على المرور |
رد: من فرسان بني هاجر وقحطان
ونعم بلجميع الله لايهينك على نقل المعلومات
|
رد: من فرسان بني هاجر وقحطان
توثيق تستاهل عليه الثناء يا باحث قحطان القدير / علي بن شداد
الى الامام ونحن من متابعين جديدك والله يرحم ابن ملفي من خيره فريس بني هاجر ومن كبار القروف المحمد |
رد: من فرسان بني هاجر وقحطان
علقم
اشكرك على المرور |
رد: من فرسان بني هاجر وقحطان
متعب الهاجري
يسرني أن أقدم كل مفيد ان شاء الله .. وتسعدني متابعتكم ،،، وقبيلة بني هاجر تشرف قحطان بفعولها وامجادها القديمة |
رد: من فرسان بني هاجر وقحطان
لا هنت يا علي وبيض الله وجهك ,,,, ولكن يا علي عندي توضيح وقد سبقني عليه الاخ مطنوخ بيض الله وجهه وهو عبارة انتشرت في الاونه الاخيره وهي (بني هاجر وقحطان ) وهنا الواو هي للمساواه والمقارنه بين شيئين مختلفين او متساويين وخاصه ما نراه في احتفالات دوله قطر وهو حفل بني هاجر وقحطان وحفل قبيلة الحباب وهذا شي يحز في خواطرنا يا قحطان كافه وحنا قبيله واحده فيجب الانتباه لهذه العناوين التي قد تكون مستقبلا فاصل للقبيله مع تقدم السنين ويجب من الكتاب الكبار للقبيله امثالكم ان يكون لهم دور في ذلك وخاصه في دولة قطر التي تشهداحتفالات كل سنه تخص كل قبيله لوحدها واتمنى ان يكون هناك حفل لقبيله قجطان موحد للهواجر والحباب والجحادر وعبيده وغيرهم .... مع الشكر لكم
|
رد: من فرسان بني هاجر وقحطان
اقتباس:
شارب الفناجيل ووجهك أبيض وكل منا يكمل الأخر في العلوم والسلوم الطيبة ولحمة القبيلة . بخصوص سؤالك عن واو العطف ومدلوله في بعض الظواهر والمظاهر الاجتماعية (لقبيلة قحطان) خاصة في قطر فنحون من المنأدين منذ وقت مبكر بتوحيد الهدف ومن ثم الصف ؛ فمفروض أن يكون صف وحفل قحطان موحد في أي مناسبة وأي شأن يهم المجتمع والقبيلة . ولكن مابالك بناس ليس لهم هدف إلا الظهور ومهايطات الشعراء لهم ، ولا يسعون بصورة حقيقية للمصلحة العامة للقبيلة . والمشكلة عندهم من يظهر في الواجهه أولا .. ويتسلق على ظهر القبيلة ! ليقال هذا فلان بن فلان .. زعيت بن معيط نطاط الحيط ! . نحن ننادي وننادي ونشعر أحيانا بالمرارة من بعض المظاهر والظواهر الغير سليمة فيما يخص قحطان .. فلم اجد من خلال مقابلاتي لكثير من الزعامات أو أشعر أن هناك من يسعى لخدمة القبيلة بشكل عام وحقيقي إذا م استثنيناء ابن عبود في جهوده لدعوته لآل مسعود في اجتماع سابق وهذه سابقة تحسب له على أية حال . ولا يفوتني التنويه للخروج من دائرة تدافع ومزاحمة البعض للبعض الآخر لأجل الظهور الفردي والتزعم أن يطالب مطالبة لها هدف ومظامين أن يكون الزعامة والادارة والتنظيم في يد لجان متخصصة .. فالزعامات شحنت الناس وحزبتهم وفرقتهم ؛ ونحن في غناء عن مثل هذه السلبيات الخطيرة خاصة أن القادم من الايام مجهول العواقب وخطير المقدمات للمنطقة بشكل عام ! . وتقبل تحياتي |
رد: من فرسان بني هاجر وقحطان
اقتباس:
كل انسان يوجد فيه حب الذات وهي غريزه في الانسان منذ القدم وكل يقول انا وابوي وجدي فعلنا كذا وكذا ,, وكل انسان يحب الزعامه هذا شي طبيعي لكن الذي ليس طبيعي اين دور القبيله ؟؟؟؟؟؟ هل معقول ان انسان واحد يمشي فكره وقوله على الجميع !!!!!!!!! اظن اخوي علي انه يوجد خلل في وقتنا الحالي فدوله صغيره بالمساحه مثل قطر وسكانها قليل جداا وتجد قحطان فيها كل يكتب اسم فخذه ويضع له حفل لوحده """" ومع مرور الزمن وجيل بعدجيل تجد هذا الفخذ قد انفصل عن القبيله وهذا ما اخاف منه انا فيعلم الله اني اريد قحطان رجل واحد وحفل واحد ومسمى واحد وبصراحه يزعجنا ما نراه في القنوات حفل بني هاجر وقحطان وايضا حفل قبيله الحباب وكانهم ليسواء من قحطان اصلا فاين دور المثقفين والفاهمين من هكذا حفلات واين دور رجال الحباب ورجال بني هاجر فالوحده منعه ومعزه للقبيله والتفرق خذلان حتى وان جاء زعماء جدد في القبيله ويريدون اظهار اسمهم فهذا لا يمنع من الوحده تحت اسم قبيله قحطان فقط وهنا احب ان أنوه ان الاستاذ علي بن شداد القحطاني لم يكتب في اخر اسمه الاحبابي فقط في قطر او في اصداراته مثل بعض الاخرين والذين رأيتهم في دولة الامارات وقطر يكتب اخر اسمه الاحبابي والبعض الهاجري ولا يكتب القحطاني !!!!! فما المانع ان يكتب الشخص اسمه كامل فلان بن فلان بن فلان الهاجري القحطاني او فلان بن فلان الحبابي القحطاني وسياتي من يقول لي كل معروف من هي قبيلته وساقول صح ولكن في مستقبل الايام والسنين يتغير الجيل وياتي جيل قد تربى على مسمى ومنطقه بعيده عن مناطق القبيله الاصليه وسيتغير شي كثير وانتم تعلمون ان قبيلة قحطان (مذحج) كانت من اكبر القبائل في زمنها وقد خرج عربان كثير منها للبحث عن المراعي في مناطق بعيده والان اصبحواء قبائل لوحدها مستقله مثل الدليم والجبور وغيرهم كثير (واتمنى ان ارى حفل لقبيلة قحطان موحد في دولة قطر ويراسه كل رجل فيه خير لله ثم لقبيلته وليكن الخيارين وابن عجيان وغيرهم ممن يشرف عليه ويدعمه مع الرجال المخلصين لقبيلتهم مثل علي بن شداد وحامد بن مايقه والاخرين الذين لم يسعني ذكرهم ) واذكركم بان مزاين قحطان نجح نجاحا باهر وقداشرف عليه ناس كثيرون وبعضهم كان يريد اظهار اسمه وهذا لم يمنع نجاح الحفل وهدفنا هو وحدة القبيله ) هذه وجهة نظر ي انا وأرجو ان تتقبلواء بصدر رحب ولولا حبي لقببلتي لما قلت ذلك والحباب والهواجر هم عضودنا و فخر لنا |
رد: من فرسان بني هاجر وقحطان
هناك تعليق أخوي علي ,,, على قولك ان الزعامات قدحزبتنا ثم فرقتنا وهنا اقول لك نعم كلامك صحيح حزبتنا ومن ثم فرقتنا عن بعضنا وهو الحاصل لدينا في كثير قبائل نجد من قحطان فتجد كل رجل خلفه خمسين رجل وقد اصبح شيخ وتفرقت القبائل وبعضها لا يتعدى 200 رجل وتجدهم خمسة قبائل وكل خمسين لهم شيخ !!!!!!!!!!!!!!1
ولكن المشكله ليست في الزعامات بل هي في الذين يتبعون الزعامات ويطيعونهم في تفرق قبيلتهم !!!!!!!!!!!!!!! |
رد: من فرسان بني هاجر وقحطان
اقتباس:
هذا والله العظيم مايدمي قلبي قد تتعدى هذه الافه الى منتديات قحطان الفرعيه وتكمل الباقي قال ابن هادي انا جنودي كثر جوج وما جوج ----------- وحريبنا لو هو بعيد نصيناه وعندما امعن ابن لوي في هذا البيت اذعن وقال ذكرت في المكتوب جوج وما جوج ---------- كفرت بالطاغوت وامنت بالله اشكر الجميع استشفيت رغبه الجميع بحذف الواو فعدلتها واخوي علي اشار الى قحطان لوجود شاعر من خارج بني هاجر هو حويدي العاصمي رحمه الله |
رد: من فرسان بني هاجر وقحطان
اقتباس:
|
رد: من فرسان بني هاجر وقحطان
اقتباس:
ماعلى ابن العم طاله يمناك يصب عليها السمن ياشارب الفناجيل |
رد: من فرسان بني هاجر وقحطان
اقتباس:
ما عليك زود يالظور وكلنا في الحال سوا |
رد: من فرسان بني هاجر قحطان
ارحبو يارجال .. انا والله موضوعكم هذا اعتبره من اهم المواضيع في الفتره الحاليه
بخصوص ان قبائل فرعيه تنفصل عن القبيله الرئيسيه ( قحطان ) هذا والله الي مانبيه وبخصوص كلمتك ياشارب ان يا ليت يكتب فلان بن فلان الحبابي القحطاني ولا فلان بن فلان الهاجري القحطاني .. هذي فكره انا كنت امشي فيها والبعض قال صعبه والبعض قال له تسبب حساسيه !! مدري ليه يشوفونها حساسيه ولا غلط .. بالعكس ! والحين اغلب العرب يحسبون بني هاجر قبيله لحالهم وبالاخص بالكويت ! يمكن بقطر يسوون احتفالات ويعرفون بس بالكويت الاغلب يحسب بني هاجر قبيله منفصله ولا جيت تذكرله امجاد ربوعك قحطان قالك انت وش دخلك انت هاجري !!!! ؟ وهالحاله مرت على كذا واحد من الربع يقولك انت هاجري وكأنه الهاجري ليس قحطاني .. بل بعض القحاطين يتبع هذا النمط وهذا الي فرق القبيله كلنا واحد وفكرتك هذي لازم نطرحها بجميع منتديات قحطان الفرعيه والرئيسيه نخلي الناس تتحرك على وحده القبيله فـ في الوحده قوه والفرقه ضعف .. وكما يقول المثل فرق تسد ! وكذلك عندك يام الحين متفرقين يام نجران والعجمان وال مره .. وعندك الدواسر فيهم السديري شبهه منفصلين .. حنا نتمنى من صبيان قحطان يمشون على هالنمط .. وانا هذا نكي يدل على كلامي .. ملاحظه : اذا عنوان الموضوع تغير لـ وجود اسم الفارس المرحوم حويدي العاصمي .. تقدرون تكتبون فرسان بني هاجر والجحادر ! او فرسان بني هاجر وال عاصم .. < هذي ملاحظتي وشكرا .. اخوكم الزايدي الهاجري القحطاني .. |
رد: من فرسان بني هاجر قحطان
اقتباس:
يا مطنوخ قحطان بيض الله وجهك وكلامك عين العقل و حلل الحاصل تحليل تفصيلي وموضعي للحدث الحاصل ولكن اكثر العرب يجحدون نسب بني هاجر لقحطان بسبب الحقد وهذا ما لاحظته ولما احدثهم بالحقيقه يقولون لك ليش الهاجري ما يكتب قحطاني ويبدأون بالفلسفه الهمجيه ويقولونوجدنا هاجري في الصمان ويقولون لنا حنا قبيله بني هاجر ما نرجع لقحطان والي يقول لقيت هاجري في الامارات ويقول حنا قبيله لحالنا وكلام كثير !!!!!!1 المهم بعض العرب ما يبينا نكون قبيله واحده يبي الهاجري لوحده والحبابي لوحده و قحطان الباقيه لوحدها وهذا من باب الحقد وبعضهم من باب الخوف من تجمع القبيله وكبرها وانتشارها ولكن بني هاجر الكويت لا يبذلون جهدهم في اظهار قربهم لقحطان مع احترامي لهم وتجدهم بعضهم متحضر بشكل كبير جدااااا فلا تجد اتحاد بينهم وبين قحطان هناك مع ان عدد قحطان يتجاوز 3 الالف هناك والهواجر عددهم فوق العشرون الف لكي يخرج منهم شخص واحد في مجلس الامه وهذا سببه التشتت ولا حول ولا قوة الا بالله يجب توعيتهم بتاريخهم وفي منتديات بني هاجر لكي يعلمون الحاصل وشهو واما بني هاجر قطر فتجدهم يفتخرون بانتمائهم لقحطان ويعرفون تاريخ القبيله كامل وهناك حفلات عظيمه وهذا شي طيب ونتمنى نراه في هواجر الكويت عاجلا |
رد: من فرسان بني هاجر قحطان
ارحب يا شارب الفناجيل
يا شارب انا بالكويت وشايف كل شي الله يصلحك وماودي اتكلم العله مهب عندنا ابداً وعندنا حفل قحطان وبني هاجر يا ليت تتابعه بس مثل ماقلت المشكله بمجلس الامه عندنا اخوان من قبايل قحطان اخرى يتحسسون بالانتخابات وماودي ادخل بتفاصيل ان كانك تبي تاخذ علم اخذه بالخاص وانا اكلمك من الكويت وعارف كل شي ولابه تحسس ولا هم يحزنون بالعكس ونفتخر بانتماءنا اما بالنسبه للامارات ماتوقع فيها هواجر واجد اذا وصلو 5% زين على زين وبالنسبه للي عندنا بالكويت ماعندنا غير بني هاجر وال روق من قحطان والباقين قليلين جداً جداً وبالنسبه للفلسفه الهمجيه انت قلتها وللاسف نلقها من قبايل واجد من خارج قحطان يحاولون يفرقون وانت عارف ذا القبايل يحبون قحطان حيل مايبونا نتوحد .. وبالنسبه لللانتخابات انتخاباتنا وحده وبني هاجر وباقي القحاطين لو اجتمعو ماراح يأثرون لان عددنا قليل جداً بالنسبه للقبايل الثانيه حنا كلنا على بعضنا مانجي 25 الف .. ومطير 100 الف .. والعجمان 73 الف < احسبهم مع ال مره يطلعون 78 الف .. ؟ والعوازم 114 الف ؟ وين نلحق وياهم يارجال لازم واحد يطلع وبتحالف مع قبايل ثانيه .. ويا ليت اي احد يبي يقول شي يكون فاهمه عدل عشان لا يختلط الحابل بالنابل وبدال مانحل المشكله تكبر اكثر .. لان بيجيك واحد بيقولك انت فاهم غلط وتفتي ويبدا النقاش الهمجي على قولتهم وبالاخير اقولك حنا كلنا واحد ولا تغيرنا مسميات ولكن حنا نبي المسميات تتعدل عشان الجيل الجديد ولا الجيل الماضي كلهم ونعم وتحياتي لك .. |
رد: من فرسان بني هاجر قحطان
اقتباس:
ومقبوله ,,, واعتذر ان كان حصل مني اي جرح لك او لغيرك وكلامك فيه الكثير من الدقه ولكن يا مطنوخ عدد بني هاجر وباقي قحطان يتجاوز 24 الف في الكويت فلماذا تكون الانتخابات صعبه !!!!!!! نريدشخص منتخب من قحطان واحد و انا شاهدت الانتخابات الاخيره للكويت ووجدت اعضاء فازواء باصوات لا تتجاوز 7 الالاف صوت مثل عدنان عبدالصمد وصالح الفضل والجويهل قريب من العدد المذكور ولم اجد عضو حقق ارقام قياسيه الا عضوين وهم محمد هايف ومسلم البراك وحصلواء تقريبا على اكثر من 30 الف ولكن لم يمنع التصويت الضعيف على بعض الاعضاء من الترشح فليش قحطان الكويت بشكل عام هواجر +ال روق + بعض الجحادر وعبيده +بعض الحاضره التي تنسب لقحطان مثل البابطين وغيرهم لا يستطيعون ترشيح عضو واحد باصوات تتجاوز 8 الالاف فقط مع ان عدد قحطان يتجاوز الرقم اضعاف واما قولك ان القبائل الاخرى عددها كبير نعم ولكن الاعضاء المنخبين منهم خمسة اعضاء وستة اعضاء وليس واحد فقط يعني لو حسبتها مطير عددهم 100 الف وعدد الاعضاء 4 او 5 على ما اعتقد والعوازم 120 الف وعدد الاعضاء سته وهكذا نسبة وتناسب فالمفروض يكون قحطان لهم عضو في المجلس واحد على الاقل واخيرا اشكرك على تجاوبك ونقاشك وهمي وهمك واحد وهو رفعة القبيله ومعزتها ولا هنت |
رد: من فرسان بني هاجر قحطان
اقتباس:
|
رد: من فرسان بني هاجر قحطان
شراب الفناجيل - مطنوخ القحطاني
شكرا لكما على هذه المداخلات لموضوع فارس من بني هاجر قحطان بجاد بن ملفي . |
رد: من فرسان بني هاجر قحطان
والله ياشارب الفناجيل بصراحه الموضوع انت فاهمه غلط
لما تقول الجويهل وعبدالصمد ترا الكويت 5 دوائر هذا اولاً .. والجويهل بالدايره الثالثه عند الحضران وعبدالصمد بالاولى عند ربعه الشيعه وهم ماعندهم قبايل وكذا ووحنا مرشحينا بالدائره الخامسه !! والهواجر وال روق والجحادر وباقي قحطان كلهم على بعضهم 25 الف !! < 25 الف عموم وليس الي يصوتون والي يصوت لازم عمره فوق 21 لا وهذا عددهم بالنسبه لجميع الدوائر وليست دائره وحده .. يعني تعال احسب الشباب الي تحت 21 مالهم اي قيمه بهذا العدد واغلب شعبنا واكثرهم اعمارهم بين 25 الى 15 يعني قليل .. وازيدك من الشعر بيت مسلم البراك في الدائره الرابعه الي هي دائره مطير واغلبهم فيها .. وربعنا يسوون فرعيتهم بالخامسه !! والخامسه كل القحاطين الي يقدرون يصوتون عددهم 5 الاف ؟ لازم يتحالفون مع قبايل ثانيه يعني عتيبه ومطير والدواسر لأان الدائره الخامسه العجمان الي يصوتون فيها عددهم 15 الف ؟ والعوازم 20 الف ؟ وانا يوم كلمتك عن الاعداد ان مطير 100 الف والعوازم 120 ؟ ترا مهب كلهم في دائره وحده والقحاطين الي عددهم 25 تراهم مطشرين ماهم بدائره وحده ؟ يعني لو الـ 25 بدائره وحده كان ماحتجنا نخالط قبايل ثانيه وغير هذا في سوالف ماتنقال واتوقع انها واصلتك وانا ماودي اعيدها لكن اذا تبي تعرفها الخاص مفتوح .. واتمنى نخلص من هالسالفه لأننا في المجلس التاريخي ههههههه ومثل ماقلتلك اي شي تبي تعرفه حنا حاضرين .. وصار كذا مره احتفال عندنا بالكويت وجو شعار واجد منهم علي بن حمري وكذا شاعر وعلي بن رفده وغيرهم تلقاه باليوتيوب الحفل .. وعفاك |
رد: من فرسان بني هاجر قحطان
حتى لا يخرج الموضوع عن مساره وهو التعريف بفارس من بني هاجر فنرجو عدم الخروج عن صلب الموضوع ! ومن له وجهة نظر خارجة عن الموضوع فيطرحها في المجلس المناسب لفكرته . وللعلم لي في مجلس أخبار قحطان موضوع مناسب لما تم طرحه من قبل بعض المتداخلين .
|
رد: من فرسان بني هاجر قحطان
اقتباس:
وانت راعي علم غانم ومطالبتك بتعديل الاسم من الهاجري الى القحطاني لهو عين العقل ويدل على حبك لقبيلتك وحمياك التي غير مستغربه من صبيان بني هاجر ,,,, |
رد: من فرسان بني هاجر قحطان
اقتباس:
|
رد: من فرسان بني هاجر قحطان
اقتباس:
المشاركة الأصلية كتبت بواسطة شارب الفناجيل http://www.qahtaan.com/vb/images/buttons/viewpost.gif نعم نعم واعترف باني كنت فاهم التوزيع للانتخابات بشكل خاطئ ولا هنت على التوضيح وهذا ما يجعلنا نستفيد هو الرجال الي مثلك وشرواك يا مطنوخ وانت راعي علم غانم ومطالبتك بتعديل الاسم من الهاجري الى القحطاني لهو عين العقل ويدل على حبك لقبيلتك وحمياك التي غير مستغربه من صبيان بني هاجر ,,,, لا بالعكس مامن خطأ مجرد سوء فهم وهذا امر طبيعي و وارد يعني انا لو تسألني عن شي خارج نطاق بلادي اكيد راح اغلط عكس الي تكون هي بلاده وحنا والله ودنا ان قحطان بديده وحده لا فرق بين ال فلان وال فلان كلنا قحطان وقبيله غير متفرقه لا بالاسم ولا الشعارات وان شاءالله نبدى هالموضوع حبه حبه وندرسه ولا نستعجل فيه لان في العجله الندامه .. واشكرك وانا اجزم انك من احسن المحاورين الي تحاورت معهم قمه بالاخلاق والفكر العالي .. وشهاده حق لابد مني ان اقولها وتحياتي |
| الساعة الآن 08:07 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com