الله أكبرعلى الدنيا كثير بلاها *** والله أكبر على أهل الكبر و العنجهيه
صلوا على محمد
[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] الله أكبر على الدنيا كثير بلاها=والله أكبر على أهل الكبر والعنجهيه الزمان إختلف والناس يكثر خطاها=وكثروا أهل الدناسه والهروج الدنيه والعوايد تنكس كل نفس بهواها=والصغير يقول الحق لي جابريه والمره قد لها صيت يذعذع صداها=والرجل والمره ذا الوقت صاروا سويه المره تحكم الرجال ترفع عصاها=والرجل سلطته ما غير ركب المطيه كان فكرت في الأيام يصعب دواها=وأضحك اليا ضحكت أضحك لشر البليه الله اللي وهب خلقه برزقه عطاها=بيده الأمر وبيديه حل القضيه بعد ما جتني أوامر ولا اقوى قواها=ما قدرت أعصي أوامر هجوسن قويه أمر صارم وخطي محد قبلي قراها=عبر سلك الفكر وأرقامه الهاتفيه جملت افكار تحمل سالفه في حشاها=مدغمه مبهمه جداً وفيها وصيه قمت من مرقدي وأحاول أبحث خفاها=وأجمع المبهمه والمدغمه والخفيه وأبداء بفك شفرة كل وحده حداها=لين ترجمتها وأفهمت ما بعث ليه وأنتهض هاجس الأشعار يرسم خِطاها=وأنتهضت أبدع الأبيات وأخفي الهويه وأشرح رموز خط الفكر في محتواها=جملت أبيات مثل النايفات الرسيه نصها في بدايتها بنكشف غطاها=بعد ما نقظ ما قد فتل والمهمهيه مبتداها بخير المبتداء قد بداها=طلبة الواحد المعبود رب البريه خالق الناس لجل إعبادته لا سواها=عالم الغيب علامن خفا كل نيه في هداية جميع الخلق يلله اتهداها=وأغفر ذنوبها وإصلح قلوب عصيه وأدرج الفكر بعد الذكر ما قد حداها=من نفوس مريضه تبتلينا كذيه والنفوس الحسوده يلله ما أكثر وذاها=والردى والردات أهل الفعول الرديه وأتضح لي بسُّوق الهرج علم وراها=فلم دبلج ومن دبلجه ناس غبيه يحسبون العرب ما هي تميز حكاها=وإن بغيت أتناسا يُعرض بكل هيه لكن اللي مقدم كف يا خذ ملاها=ومن نوالي بسيه ينكوي بألف كيه جاتني وأقف لها وقفتي وأحماها = ما بعد دون رأسي رأس والنار حيه بعلن الحرب وجيوشي قريب عزاها=وأقتطع دابره والنفس تبقى هنيه من بغا الخير ودروب السلامه لقاها=ومن بغا الشر يلقا ألفين سيه وسيه إختلاف العرب بالوقت يكثر غواها=والرذاله وأهلها كاثرات شويه ذي نهاية جواب الفكر يأخذ قضاها=وأرسل الرد محلوله رموزه نقيه الجزيله جزيله كل قرم شراها=يرخص الها كثير المال وأغلاء حُليه والهزيله بوسط السوق محد بغاها=غير منهو هدان وكل هرجه هزيه سعد من قام يطرق الأرض يبغا فلاها=ساعتين بنصف الليل بأرض خليه والقمر بدر والنجمين يضوي سناها=وأشعل النار وأقرب دلتن شاذليه والذيابه براس الرجم يسمع عواها=يطرب السمع صوت الذيب يزهم خويه و يتهيض بطاروقن همومه جلاها=ما حسبها ولا هو من هل الجاهليه عاش ما كاد لين الله نفسه خذاها=و هنيه على عيشته لا و هنيه سلم من عيشتن والله ما أكثر بلاها=وسلم من جمعت أهل الكبر والعنجهيه[/poem] وسلامة الجميع |
اقسم بالله انك شاعر تزاحم الكبار
هذا القصيد الجزل ياعبدالله والله ماقدرت اعبر بدون مجامله انت شاعر بس وين الاعلام والله لوان الامر بيدي ان بكره قصايدك في المجلات بس انا طالبك ياعبدالله قل تم ابغاك تسجل شرطان بصوتك لباااااااااااااااااااااا قلبك |
اررررررررررررررررررررررررحب يا وجه عبيده..
صح لساااااااااانك.. قصيدة جزلة.. والله لا يهينك يا بعد راسي.. اخوك ابن كشم العبيدي |
أرحب أرحب أرحب أرحب
صح السانك وتسلم يمناك |
السلام عليكم ورحمة الله وبركاته
أرحب ياعبدالله المهداني وصح لسانك صح لسانك يالقرم رااائع راااائع ودائم تجي بالمميز |
اقتباس:
صح لسانك وعلا شانك قصيده جزله من شاعر جزل استطاع ان يصور الواقع ويترجمه في هذه الددر لاهنت يالنشمي |
ابن عاصم الله لا يهينك ويكثر خيرك وابشر بماطلبت ان كنا من الحيين ولا يصير خاطرك الى طيب |
البقا يابن كشم وصح بدنك ولا هان قايل والله لايهينك وشاكر ومقدر على المرور |
البقا يالمعمري وصح بدنك والله لا يهينك على المرور |
الله يبقيك يا فارس قحطان ولا يهينك ويصح بدنك مرورك يشرفني |
صح بدنك يا خليل والله لا يهينكعلى كل حال مرورك يزيدني شرف وانت وافي |
صح لسانك يالذيب
|
لبااااااااااا كبد عبيده
صح السانك يا عبيدي قصيده جزله من شاعرن جزل لااااااااهنت يا المهداني |
صح بدنك يالقريشي
والله لا يهينك على كل حال |
أرحب يالصالاني
وصح بدنك والله لا يهينك يا الوافي |
ابوعوض ... خشمك ... وصح لسااااااااانك ...
|
صح بدنك يابوسعيد
جعل ربي يطول عمرك لا هنت |
السلام عليكم ورحمة الله وبركاته
اخوي الشاعر الكبير / عبدالله المهداني صح والله لسانك دائما جزل ياعبدالله ولاهي غريبه منك هالقصيده الله يعطيك العافيه واعذرني على تاخيري في الرد لكن والله اني قليل في الزياره تقبل خالص التقدير والمحبه اخوك الصغير / فهد المكودر |
صح بدنك
والله لايهينك يا فهد والعين ما تعلى على الحاجب |
اقتباس:
ونفس كلام ابن عاصم |
صح بدنك ياتركي
والله لا يهينك |
لاهنت ياذيب وجعل ماتخلى منك هذة الصفحة المشرقة
وصدقني أني فخور بمثل هذة الإبداعات . |
صح لسانك يالمهداني انشهد انها قصيده جزله ومعانيها كثيره الى الامام والله يوفقك
|
صح لسانك وابيض وجه على هذي القصيده الجزله الي ما يجبها الا فحل من فحول الشعراء في انتظار جديدك يالغالي ولك مني كل الاحترام والتقدير
|
صح لسانك ياعبيدي اشهد انها قصيده معبره عن نفسها وعاكسه لشخصية قائلها بيض الله وجهك منا لا عندك
|
صح لسانك يالمهداني
|
الاخ عبد الله المهداني
صح لسانك وقصيدة جزله وارجوا لك التوفيق واذا بغيت تسجل قصايدك فانا اعرف لك مؤسسة اعلاميه تقوم بتسجيلها في السعوديه ونشرها على الانتر نت واشرطة الكاسيت في التسجيلات الاسلاميه وهذا اللي اقدر على يابن عمي 0000000 اخوك سعيد المهداني sa-fa77@hotmail.com |
|
[frame="7 80"]الاخوان ابونورة العبيدي بن مزهر مهدي ابن ذروره ذيب براق سعيد بن فالح المهداني بيض الله وجيهكم ولا خلا ولا عدم وشاكر ومقدر على المرور[/frame] |
الاخ الشاعر الواعد
قصيده طيبه وبدايات موفقه وأتمنا لك التوفيق |
ابوسعد
لا خلا ولا عدم وشاكر ومقدر على المرور |
قصيده رائعه
ومعاني جزله صح الله لسانك وانت رائعع ع ع ع ع |
لا هان الجميع
ولا هنت يا الملاطي |
السلام عليكم ورحمة الله وبركاته
بيض الله وجهك على القصيدة الي لهااااااااااااااااااااا ثمر. صح السانك ياوجه ولد الحارث. لا عدمناك ولا عدمنااااااااااااااااااااااااااااا قصيدك. |
اقتباس:
[frame="9 80"]ارحب يابوسعود وصح لسانك شاعر وزميل ومشرف وراوي وكاتب مميز ماشاء الله عليك سجل اعجابي بهذا الرائعه [/frame] |
اقتباس:
وعليكم السلام ورحمة الله وبركاته ووجهك الابيض ولا عليك زود يالحارثي شاكر ومقدر على المرور |
الشاعر عبدالله المهداني صح لسانك وبيض الله وجهك على هذى القصيده اللتى كلها تتكلم عن الواقع المرير الي يعيشه المجتمع مع الاسف صراحه قصيده رائعه من شاعر رائع تحياتي لك سعد الاحبابي |
اقتباس:
ابومسفر ما عليك زود يا وجه قحطان لك سلامي |
اقتباس:
لاهنت على الاطراء ولك سلامي |
اقتباس:
اخوي سعد شاكر ومقدر على المرور |
الساعة الآن 11:18 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com