شبكة قحطان - مجالس قحطان - منتديات قحطان - بير ملية وقبر ذيب بن شالح بن هدلان..

- مجلس الديار و قصص وسوالف من الماضي (https://www.qahtaan.com/vb/forumdisplay.php?f=3)

- - بير ملية وقبر ذيب بن شالح بن هدلان.. (https://www.qahtaan.com/vb/showthread.php?t=46862)

بير ملية وقبر ذيب بن شالح بن هدلان..

السلام عليكم ورحمة الله وبركاته
كيف حالكم يالربع عساكم طيبين...

مِليّةُ : بميم مكسورة ثم لام بعدها ياء مثناة مشددة مفتوحة ثم هاء - ماء عد قديم جاهلي، يفيض سيل شعبه شمالاً شرقياً، يقع في شعب في شمالي شرقي جبال الأسودة، غرب جبل ثهلان، وهو محفوف بالجبال لا يؤتي إليه إلا من أعلا شعبه وأسفله،

قال الشاعر ذيخان العضياني الروقي العتيبي :

[poem=font="Simplified Arabic,4,black,bold,normal" bkcolor="black" bkimage="backgrounds/2.gif" border="none,medium,gray" type=4 line=0 align=center use=ex num="0,black"]
هجو بهن يا أهل البكار العسايف = وحشة ملية دربهن هاك الأزوار [/poem]

وقال فراج التويجر العضياني الروقي العتيبي :

[poem=font="Simplified Arabic,4,black,bold,normal" bkcolor="transparent" bkimage="backgrounds/2.gif" border="none,medium,gray" type=4 line=0 align=center use=ex num="0,black"]
سقوا ليا جيتوا على ادنى مليـه = لوادي الرمادية ليا فاض باشراب [/poem]

وهذا الماء تحت يد قبيلة العصمة من عتيبة تابع لإمارة الدوادمي، يبعد عن مدينة الدوادمي غرباً جنوبياً تسعين كيلاً تقريباً0
وعلى هذا الماء قتل ذيب بن هدلان القحطاني عام 1322هـ وذلك بسبب قصيده قالها ابوه
وكانو يتسامرون على النار وشالح يتمنى على ابنه ان ياتي له بذلول اصيله ويواعده بتزويجه بعذراء جميله..

يقول شالح:

[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="none,medium,gray" type=4 line=0 align=center use=ex num="0,black"]
يا ذيب انا يا ابوك حلـي تـردّى=وانا عليك من المواجيب يا ذيـب
تكْسِبْ ليَ اللّي لا قحٍ عِقْب عَـدَا=طويلة النسنوس حرشا عراقيـب
تجـر ذيـل مثـل حبـل المعـدّا=وتبرى لحيرانٍ صغـارٍ حباحِيـب
وارى لك اللّي ركضها مـا تقـدا=ماحدٍ لقى فيها عيوب وعذاريـب
قبّا على خيـل المعـادي تحـدّى=مثل الفهد توثب عليهم تواثيـب
أنا أشهد انـك باللـوازم تسـدّا=وعزا الله انك خيرة العرب بالطيب
يا اللّي على ذيب السريـا تعـدا=لو حال من دونه عيال معاطِيـب
ليثٍ عَلَى قرب المراجـل مقـدّى=ما فيك يا ذيب السبايا عذاريـب [/poem]

وعندما نام ابيه لم ينم وذهب هو وبعض رفاقه الى جهات مليه لديار عتيبه فلما وصل الى مليه شاهد عندها قوم يسقون ابلهم فلاحظه احد اهل الابل ولحق بهم واطلق عليهم رصاصه عشوائيه واراد الله ان تقتل ذيب فلما رأوه العتبان وعرفوا ان ذيب
صاحت امراه منهم وقالت لقد جاورناهم وكان يأتي لنا بالصيد الى بيتنا ولايرفع نظره عن الارض لعفافه وشيمته وحفظه لمحارم جيرانه .
دفن بغار صغير بالقرب من بير مليه .

وقال ابوه شالح مرثية فيه يقول فيها:

[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="none,medium,gray" type=4 line=0 align=center use=ex num="0,black"]
يا ربعنا ياللي علـى الفطر الشيب =عـزالله إنه ضاع منكم ووداعه

رحتواعلى الطوعات مثل العياسيب =وجبتو اوخليتو لقلبي بضاعه

خــليتوا النادر بدار الأجــانــــيب =وضاقت بي الأفاق عقب اتساعه

تكـــدرن لـــي صافيات المشاريب =وبالعون شفت الذل عقب الشجاعه

ياذيب انا بوصــيك لا تاكـل الذيب =كم لليلة عشاك عقـب المجاعه

كــم ليلة عشاك حــرش العراقـــيب =وكم شيخ قوم كزته لك ذراعه

كفــه بعدوانه شنيــع المـــضاريب =ويسقي عدوه بالوغى سم ساعه

ويضحــك ليا صكت عليه المغاليب =ويلكد على جمـع العدو باندفاعه

وبيته لجــيرانه يشيد على الطـيب =وللضيف يبني في طويل الرفاعه

جرحي عطيب ولا بقى لي مقاضيب =وافخت حبل الوصل عقب انقطاعه

كني بعـد فقده بحامـي اللواهيب =وكني غريب الدار مالي جماعــه

مـــن عقب ذيب الخيل عرج مهاليب =ياهل الرمك ما عاد فيهن طماعه

قالو تطيب وقلت : وشلون ابا طيب =وطلبت مــن عند الكريم الشفاعـه [/poem]

الله يرحمهم جميعا..

صور من المكان..

[img]http://www.qahtaan.com/works/up/get....knov1225106685[/img]

2:اثار بيرقديمه من مليه..

[img]http://www.qahtaan.com/works/up/get....8cz31225106815[/img]

[img]http://www.qahtaan.com/works/up/get....qtux1225106884[/img]

3:فوهه بير مليه..

[img]http://www.qahtaan.com/works/up/get....loux1225106946[/img]

[img]http://www.qahtaan.com/works/up/get....3cl41225106988[/img]

4:اثار الحبال على الصخور البازلتيه..

[img]http://www.qahtaan.com/works/up/get....oqtv1225107051[/img]

[img]http://www.qahtaan.com/works/up/get....lmrs1225107136[/img]

[img]http://www.qahtaan.com/works/up/get....pqvw1225107168[/img]

[img]http://www.qahtaan.com/works/up/get....nvxy1225107557[/img]

5:منظر لشعيب مليه المتجه شمالا..

[img]http://www.qahtaan.com/works/up/get....prvw1225107628[/img]

6:معطان الابل واثار ابوالها كرمكم الله يدل على قدمها..

[img]http://www.qahtaan.com/works/up/get....djzf1225107785[/img]

7: الجبل الذي يوجد به قبر ذيب بن شالح..

[img]http://www.qahtaan.com/works/up/get....puvw1225107683[/img]

8:فتحه الغار المسدوده المدفون بها ذيب..

[img]http://www.qahtaan.com/works/up/get....hqvx1225107886[/img]

9:السهم يشير الى القبر..

[img]http://www.qahtaan.com/works/up/get....riae1225107986[/img]

رحم الله ذيب وابيه وكافة المسلمين واتمنى ان الموضوع حاز على رضاكم وهو للامانه منقول لعيونكم وتقبلو تحياتي...

اخوكم محمد ال سويدان..