جمل ابن لبدة وراكان ابن حثلين
 

عندما قام قحاطين نجد بنصرة الهواجر على العجمان بقياده ابن قرمله قبل حدوث المعركه حضر الامام فيصل ابن تركي ليصلح بين الطرفين واثناء ذلك قام راكان ابن حثلين والفارس جمل ابن لبدة بحداء على الخيل فقام جمل ابن لبدة وقال ::

والله ولا الله وامر الامام امطاع ,,,,,,,,, لنشد وننزل بينا الحسا ونطاع

فرد علية راكان ابن حثلين بيقوله

ترا ه لكم ماهوب مطواع ,,,,,,,,,,,,, نتافت لحية الشيخ مرشد ولاخر ضاع


فقام جمل ابن لبده وقفز عن ضهر الخيل وطرح ابن حثلين ارضاا وعضه مع انفه حتى سال دمه وقام الامام تركي بينهم ونتهت بالصلح

وكان جمل يقصد في بيته انه لولا امر الامام فيصل لكان اخذو ارض العجمان عنوة وهي التي بين مكان يسمى انطاع والاحساء


ورد ابن حثلين يقصد بيه ان جمل ابن لبده عندما بعث اليه الامام فيصل الجباة ليأخذو الجزيه وهما شيخان واحد اسمه مرشد نتف جمل لحيته وقتله وطرد الاخر ومات لكي يوقع بين الامام فيصل وجمل ابن لبده

رد : جمل ابن لبدة وراكان ابن حثلين
 

لاهنت وسالفه معروفه ياالجمل

الله يرحم الفارس جمل ابن لبدة والامير راكان

رد : جمل ابن لبدة وراكان ابن حثلين
 

الشيخ والفارس جمل بن لبده

قال

والله لولا فيصل... وامر الامام مطاع
..................... ان قد انشد وننزل ... بين الحساء ونطاع

الله يرحمه برحمته التي وسعت كل شئ والمسلمين اجمعين

رد : جمل ابن لبدة وراكان ابن حثلين
 

الله لا يهينك يا الجمل على كتابة القصه المعروفه وكانوا يام كلها على بني هاجر ،، مو بس العجمان وكانوا بقيادة راكان بن حثلين

وبتعين القصه كامله في هالموضوع http://www.qahtaan.com/vb/showthread.php?t=19736

وبيض الله وجهك

رد : جمل ابن لبدة وراكان ابن حثلين
 

الله يسكنه الجنه سبحانه اشهد ان العجمان محظوظين ان الجحادر مانزلو في ديارهم ,,,

رد : جمل ابن لبدة وراكان ابن حثلين
 

الله يرحم الاولين

أشهد لله أن قصصهم تنومس

أيش من العزه ويش من الكرامه والمعرفه

الله يسكنهم فسيح جناته

رد : جمل ابن لبدة وراكان ابن حثلين
 

فديت جمل الي طرح راكان
لاهنت يامن طرح راكان..... مافكه يكود المسعفيني
اخذ الدليل وكل برهان..... حتى كل القبايل خابريني

الي طرحه طبعا جمل قحطان

رد : جمل ابن لبدة وراكان ابن حثلين
 

رد : جمل ابن لبدة وراكان ابن حثلين
 

من طرح راكان بالسالفه المعروفه هو العقيد الفارس / حــمد العــوامي من آل شهوان بني هاجر

وابن لبدة ونعم فارس شجاع وتاريخيه مع قحطان واضح ومخبور



والله يرحمهم ويسكنهم الجنة

رد : جمل ابن لبدة وراكان ابن حثلين
 

ياليتني يوم التقن الشنيفين___ اني على اللي خاطري باتمنا

لون هل خيلي الشورى مطيعين__ ان كان غوجه ماسلم من طعنا

اوسومنا بخشومهم بالعرانين___ فالريع يوم اقفو هل الخيل منا

كله لعينا لبسات السباهين___ والي بعيد ويرقب العلم منا

امدح نهار الكون ربعن شهاوين___ ربعن على رمح المصوب تثنا


حمد العوامي هو من صوب الفارس محمد الطويل ال حبيش العجمي في وجه في معركة الريع

وهو من طرح الفارس راكان من فرسه في معركة بنيان بعد ان طلب المنع منع

ثم انشدو راكان يوم التقاني_____ والخيل من لفح المزاريج يبود

هذا للتاريخ

اما جمل ابن لبده ونعم به فارس ذو حميه لبني عمه ونعم وفزعته مع بني هاجر ضد قبايل يام موثقه

لاهنت يا صاحب الموضوع

رد : جمل ابن لبدة وراكان ابن حثلين
 

خلصونا من طرح راكان الحين اي واحد فيهم

يالربع قسم بالله اني احبكم يقحطان واني مخلي منتديات واجد وجيت وشفت قصصكم وسوالفكم وسوالف رياجيل

لاكن الاخ من ال سعد واحب بني هاجر

العجمان محظوظين اللي ماحولوا الجحادر على العجمان

لو حولوا عوافي ان قصيدة راكان يقول في بيت وان حولت لابتك من تهامه .. حنا لكم في مقطع لصلب قدام
عطاه الوعد لاكن وصوب الطويل على وجه انا من ال حبيش ولا عمري سمعتها والطويل يقول راكان في بيته
معنا الطويل اللي تجيكم علامه .. مثل العديم اللي على الجول صرام
هذا محمد ابن جابر ابن وحير الطويل .. لا شاف الجموع فقد ومات كبير بالسن مات مريض وقبره في المثلووث في وادي العجمان
والعجمان مايستضعفون لحد اما حياتن على عز ولا مماتن في سبيل المعزه

وقرط بخشمه لين صب دم
يالربع حدث العاقل بما لا يعقل فان صدق فليس له عقل

والله لا يهينكم ويعطيكم العافيه

رد : جمل ابن لبدة وراكان ابن حثلين
 

حياك الله يالعجمي والله مافهمت وش قصدك بسبب كتابتك اللي فيها اخطاء بس انا فهمت من كلامك ان الجحادر بقيادة الشيخ محمد بن هادي هونو وانه ازين لهم انهم ماحولو على العجمان؟؟؟؟؟؟؟

والله ياخوك مايندرى هو ازين لهم ولا لا هذي علمها عند الله

بس انا بنشدك ؟؟؟؟؟؟ هاللحين وش دخل الامام ابن سعود يصلح بينهم؟؟؟ منهو اللي جاه عشان الصلح؟؟؟


ثاني شي ياوجه محلف سالفة ان جمل مع راكان هذي جايه متواتره ومعروووووفه فإذا انت منتب مصدقها الناس قبلك صدقوها

بعدين ياخوك رح شف منتديات العجمان ويش يكتبون عن ذي السالفه يقولون ان راكان بن حثلين تسلل لخيام الجحادر الين جاء عند بيت ابن هادي وحذف شلفته واقفى عقب قال ابن هادي اذا علوم العجمان كذا من اولها خلونا نعود خخخخخخخخخخخخخخخخخخخخخخخخخخ ووالله العظيم ماشفت العاقل فيهم اللي يكذبها مع انها كذب اصلا وغير متواتره من الشيبان ولا هيب موثقه في قصايد

بس مقابل جمل وراكان موثقه بحداء قصيد وعلى وضح النقاء

عموما رحمة الله عليهم جميعا ورحم الله جميع اموات المسلمين وحياك الله يالعجمي بين اخوانك في منتدى قحطان