هذي نصيحة لابيض الوجه مهداه __________ واللي قراها يعتبرها هدية
صلوا على محمد [poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"] نصيحة ٍ مني للاجواد مهداه = واللي قراها يعتبرها هدية الاولة حد الولي لا تعداه = احفظ كتاب الله وسنة نبيه والثانية الاثنين منجاه منجاه = ابوك وامك بين كل البرية احذر عليهم من مشاميت الافواه = واحذر عليهم لا تجيهم خطية والثالثة واللي بعدها مسواه = لهل الوفا واهل العلوم الوفية الرجل بلسانه يردك لمرباه = من كلمته تعرف كلام البقية احد ٍ تشيله فوق واحد ٍ توطاه = واحد ٍ علومه ما تشرف خويه والمقفي اللي في زمان العجب تاه = لو جيت تنظر فيه ماله مزية ما كل من يضحك تسرك نواياه = كم واحد ٍ يضحك ونفسه ردية ولا كل من قابلت فالضيق تلقاه = ويسر عينك فاللوازم مجيه ولا كل من ينصاك لا ضقت تنصاه = العذر جاهز والنوايا خفيه الوقت متغير ويا كثر بلواه = واغلب علاقات البشر موسمية الطيب يصعب لكن القرم يقواه = والا الردي ما يفتخر به سميه احذر على نسل المناعير تجفاه = اللي صفاته كلها حاتمية وان زل دور لاجمل العذر وابداه = والعذر يقبل دامها عارضيه وان عادها فاحذر تسمَع لدعواه = لا صار تكرار الخطا به سجيه ياكثرهم الاشباه واشباه الاشياه = ويا قلة الصافي وندر النقيه واللي حباله واثقنها مع الله = ما اظن يخطي ثم يعيد الخطية والساري اللي ما عرف وين مسراه ؟ = لا هان يجلس فالفجوج الخلية حلفت مادام الكفو كفو ما انساه = وان بار نلقى فالرجاجيل زيه من باعنا برخيص الاثمان بعناه = ولا عاد يفتح له علينا قضية من حبه الله فالمخاليق علاه = ويحط له فالمجتمع قابلية واللي فعوله تختلف عن حكاياه = ونفسه على درب المهونه رضيه هذاك ما احبه ولا احب طرياه = شرواه يبطي ما يقود السرية كم واحد ٍ بنت الريجاجيل تسواه = ما الومها بالعون لو هي قوية احب من روحه على كف يمناه = تروح روحه بس يسلم خويه هذا بفعل الخير والطيب نجزاه = لو كان ما دور عليها جزية الصدق ميزة واضحة من مزاياه = زود ٍ على صدقه ثقال وحمية ما همني لو صغر , لو كبر مخباه = مالي وماله كلبوها سوية يهمني لا قلت يا فلان ويلاه = ينهض بعمره والمواقيف حية وليا زهمني دونه الوجه والجاه = اسوق له نفسي وما في يديه الله يعزه يا النشامى ويرعاه = ويديم لي شرواه صبح وعشية والا الردي ما ابغاه ما ابغاه ما ابغاه = لانه غبي وافكار راسه غبية هذي نصيحة لابيض الوجه مهداه = يجوز لو سميتها له وصية [/poem] وسلامتكم |
رد : هذي نصيحة لابيض الوجه مهداه __________ واللي قراها يعتبرها هدية
صح الله لسانك يا احمد
مبدع لله درك وقصيده روعه كثر الله من امثالك ارجو تقبل مروري |
رد : هذي نصيحة لابيض الوجه مهداه __________ واللي قراها يعتبرها هدية
انا اشهد
جممميل جدا ياأحمد جزاك الله وبيض الله وجهك .. هذا القصيد صح لسانك تستاهل السمعه |
رد : هذي نصيحة لابيض الوجه مهداه __________ واللي قراها يعتبرها هدية
سح لسانك وعلا شانك يا بن شفلووت
|
رد : هذي نصيحة لابيض الوجه مهداه __________ واللي قراها يعتبرها هدية
صح الله لسانك
قصيدة جزله مثل راعيها |
رد : هذي نصيحة لابيض الوجه مهداه __________ واللي قراها يعتبرها هدية
صـــح الله الســــانك
قصيده ما عليها كلام ولا تستغرب من شاعر مثلك بيض الله وجهك يا احمد ولك فائق تقديري |
رد : هذي نصيحة لابيض الوجه مهداه __________ واللي قراها يعتبرها هدية
الله الله يا ابن شفلوت
صح لسانك وعلا شانك وعلى الاخرى عانك والله قصيدة جزله ومن شاعر كفو و وصلت هديتك و وصيتك لا تحرمنا من جديدك يا كحيلان أخوكـ البشري |
رد : هذي نصيحة لابيض الوجه مهداه __________ واللي قراها يعتبرها هدية
صح الله الساااانك يابن شفلوت
جزل في ذمتي |
رد : هذي نصيحة لابيض الوجه مهداه __________ واللي قراها يعتبرها هدية
ما كل من يضحـك تسـرك نوايـاه
كم واحد ٍ يضحـك ونفسـه رديـة ولا كل من قابلـت فالضيـق تلقـاه ويسـر عينـك فاللـوازم مجـيـه ولا كل من ينصاك لا ضقت تنصـاه العـذر جاهـز والنـوايـا خفـيـه الوقـت متغيـر ويـا كثـر بلـواه واغلب علاقـات البشـر موسميـة حيه وما جاب ارررررررررررررررررررررررررررررررررحب يا ابن شفلوت ابدعت فامتعت قصيدة جزززلة تدل على جزاله راعيها لا فض فوك وتقبل مروري... |
رد : هذي نصيحة لابيض الوجه مهداه __________ واللي قراها يعتبرها هدية
احمد آل شفلوت
صح لسانك وبيض الله وجهك قصيدة طيبه وفيها الكثير من الحكم والنصح الجميل في إنتظار جديدك تحياتي |
الساعة الآن 10:53 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com