(أعرف اني بالتجاهل فركت اخشومها)
[frame="3 80"][poem=font="Simplified Arabic,5,black,bold,normal" bkcolor="transparent" bkimage="backgrounds/4.gif" border="none,medium,gray" type=2 line=0 align=center use=ex num="0,black"]
يرتفع بك مثل مايرفع البيت العمود = ماتمايل من هبوبن تلوف اسمومها [/poem] مصافحه بعد طول غيبه... أملي ان تحوز على رضا الجميع [/frame] ----------------------------------------------------------------------------------------------------------------- [frame="7 80"][poem=font="Simplified Arabic,5,black,bold,normal" bkcolor="transparent" bkimage="backgrounds/8.gif" border="none,medium,gray" type=2 line=0 align=center use=ex num="0,black"] أطلبك يالله ياخير هادي ومعبود = رحمتك قدام نفسي يجيها يومها. كل ماناظرت للبرق واوحيت الرعود = همتي زادت ولا ستسلمت لهمومها. والطموح اللي بليا ثقه ولا صمود = ما تحقق به نفوس الرجال أحلومها. أتجاهل حكي الانذال وعلوم الحقود = واعرف اني بالتجاهل فركت أخشومها. ما عتبرت اقوالهم لي عراقيل وسدود = كل مازادو طموحي تزود اعزومها. لين يلمس فوق صم الصفا زور القعود = وقفتن فيها الاعادي تضيع اعلومها. حرمت كفي تصافح يمينك يالجحود = مثل تحريم الخنازير واكل الحومها. ما لقيت اخبث ولا العن من اطبوع الحسود = عينه امن الغل ماتهتني في نومها. عادته يبغاك تنقص سواته ما تزود = لجل مارام لطوالن قدرت اترومها. أبخص الحساد لو ترمي ابدربي ورود = من نظرها نعرف اشكالها ووسومها. والضعيف خوته ماتدلك للصعود = سلعتن ماربحت من يجي ويسومها. كالصباخي لو يبذر عليها ماتجود = مانبتت ريحانة الطايف وبرشومها. وخوة الطيب خطاها تزود ابلا حدود = للمعالي والمعزه تشوف اقدومها. يرتفع بك مثل مايرفع البيت العمود = ماتمايل من هبوبن تلوف اسمومها. والعزيمه تفتل الحبل لا صار امعقود = والحرار اعلى الجبال الطوال اتحومها. وارتكي للصعب واحك عود براس عود = وارمي عدايه قبل لا تكز اسهومها [/poem] -------------------------------------------------------- شعر\ ثواب بن زيد بن نجا الحارثي[/frame] |
صح لسانك يا ابن زيد قصيده طيبه ويشرفني ان اكون اول المعلقين
وننتظر ابداعاتك يا القررررررررررم |
ارحب يا ثواب الحارثي من طول الغيبات جاب الغنايم ولا ابطى من جاء صح لسانك وبيض الله وجهك يالمبدع قصيده جزله ولايستغرب ذا من ثواب شرفني المرور وأعجبت اشد الاعجاب ولك مني اجمل تحيه |
السلام عليكم ورحمة الله وبركاته ارحب ياثواب الحارثي صح لسانك وبيض الله وجهك قصيدك وافي يالوافي . |
الشاعر ثواب الحارثى ارحب والله يحييك يابوزيد ومن طول الغيبات جاب الغنائم قصيده وافيه يالوافي صح لسانك وعلا شانك |
صح والله لسانك يالحارثي ولاهنت
قصيده رائعه وبإنتظار المزيد أخوك فارس |
ثواب الحارثي
صح الله لسانك قلت وطلت شاعر مبدع وجزل ولاتجيب الا الجزل لاهنت تحياتي |
صح لسانك وبيض الله وجهك قصيده جزله من جزل
|
صح لسانك
|
ثواب الحارثي أرررررررررحب ملايين ونعم ملايين صح لسانك وجاد بنانك قصيدة جزلة و وافية من وافي ننتظر جديد يالغالي ولك خالص تحياتي |
الساعة الآن 02:22 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com