بعد خوة هل الطيب يا بري حالي
بسم الله الرحمن الرحيم
يقول المثل ما تعرف خويك لين تخاوي غير هذه الابيات اهديها الي كل من
سعود بن عبد العزيز السيف سعود بن حسن الدوسري مهدي بن هزاع ال رشيد اليامي وسعيد بن على آل سالم الفهري ومجري بن سليمان الحربي اتمنى ان تنال استحسانكم ورضاكم اقول وعماركم تطول [poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"] طلبت الولي يالله عليك اتكالي=عليك اتكلت وبيدك الخير كله تغفر الذنوب المبطيه والتوالي=وعلى خير يالمعبود عبدك تدله تهيضت والمعنى على ما طرالي=وبنات الفكر في خاطري مسفهله ولشعر وزن وقاف مثل الريالي=وما ينقبل لا صار في البيت خله ومعنى يزيد الشعر ذوق وجمالي=وشعر بلا معنى ليا جاك خله بعد خوة اهل الطيب يا بري حالي=بعدهم حرام ان الوظيفه ممله بعد خوة سعود الرفيق الموالي=حليم حكيم لهرج ما تمله لما انك زهمته يرتكي للثقالي=كريم علوم الطيب ماهي تزله وسميه سعود القرم حامي التوالي=ولد زايد ولثقل حملك يشله ولما انه وقف يرسي سواة الجبالي=حشى مادخل قلبه شكوك ومذله ومهدي ولد هزاع منصى الرجالي=يداري خويه ما تجي منه زله وسعيد خوي (ن) خوته راس مالي=ولا ابطيت نذر لا اصله في محله ليا جيت بو عساف يستر بالي=يفاولك ترحيب وعود ودله ومجلس يقلط فيه من كل غالي=وله منزل كل كل النشما تدله ونعمين يا مجري كريم السبالي=لما اصتكت البيبان بابه يفله وخويه ليا حدته سود اليالي=مايحسب حساب المال دقه وجله وعطرت شعري يوم زان المقالي=وعندي على ماقلت صك (ن) وادله وختام القوافي عد برق الخيالي=سلام(ن) عدد همال نو يهله[/poem] وسلامتكم جميع |
صح لسانك
والخوي قدره كبير عند الرجال ما قصرت |
أخوي القريشي
صح لسانك واعتلا شانك جزله ورايعه بروعـة حضورك لك فااائق احترامي وتقديري |
أبيض وجه على هذه القصيده الجميله
ومشكور جزيل الشكر تقبل تحيات أبو صقر الزهيري |
اقتباس:
ارحب يا بارق الشرق صح بدنك وشرفني مرورك ولا نستغني من ملاحظاتكم وتقبل تحياتي |
اقتباس:
اخوي مهدي بم مسفر صح بدنك ولا هنت على مرورك والروعه روعه مرورك طال عمرك تقبل تحياتي |
اقتباس:
ارحب يا بو صقر وجهك ابيض والشكر موصول لك على مرورك وتقبل تحياتي |
الأخ قريشي وخاله سليماني
السلام عليكم بيض الله وجهك وصح لسانك وافي ومن ربع وافين وحنا والله اللي فقدناك ياابوحسين وصراحة تركت فراغ كبير في المحل اللي أنت خابر وجعلني ماأبكيك ياكحيلان اللي مانسيت الخوه ولا هو غريب عليك الطيب فأنت وربعك أهل طيب والله لاني شاعر ياأبوحسين أرد عليك ولكن تعرف منزلتك عندي والقلوب شواهد أبو حسين حنا على وعدنا اللي أنت خابره وانتظرك تقبل فائق احترامي وتقديري لشخصك الكريم أخوك سعيد بن علي بن سعيد آل سالم الفهري (( أبوعساف )) كااسر |
اقتباس:
وعليكم السلام ورحمة الله وبركاته وجهك وجه الحاظرين يخوني التعبير في بعض الاحيان ودي اني احصل كلام ارد به عليك لكن اللي بقوله ان القصيده مجرد رمز عن اللي في الخاطر وانت يا بوعساف راعي العلوم الغانمه ولا عليك زود ياولد مفلح انت وربعك تقبل تحيات اخوك مسفر بن حسين بن نومه القريشي |
صح لساااااااااااااانك يا القريشي اخوياك يستاهلون العلم الغانم لك مني كل المحبه والتحيه |
الساعة الآن 06:17 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com