شبكة قحطان - مجالس قحطان - منتديات قحطان - من اللي ذبح في خويه سته سادسهم خاله

- مجلس الديار و قصص وسوالف من الماضي (https://www.qahtaan.com/vb/forumdisplay.php?f=3)

- - من اللي ذبح في خويه سته سادسهم خاله (https://www.qahtaan.com/vb/showthread.php?t=4126)

الهرج اللي ياكل الهرج كله

يالربع لاحد يسرق التاريخ

الرجال اللي ذبح خاله في خويه كلام موكد هو من ال سلطان من ال سليمان الحرقان والقصه اشهر

من ان الناس يخلطون فيها وبعد ذا الكلام لاحد يدور حكى يسرى به في الليل الاسود

السلام عليكم ورحمة الله وبركاته

يالربع ترى فيه قصتين ومتاشبهتين نوعاً ما

في قصة الغربي من الفهر وواحد من آل غراب الحباب

وفيه قصة السليماني مع خويه يقال ان خويه يامي وا حبابي

هذا ماعندي

اشكر الف ياخوي المطاليق على حسمك للموضوع ويعطيك ربي العافية كما اشكر فارس قحطان على اتزانه ومداخلته والشكر موصول لكل من الغايبي وال معمر على مدافعته عني واشكر ذيب قحطان على التوضيح واشكر كذلك اخوي ابا الذيب وله مني التحية والاحترام ....
اخوكم الواصل

اشكرك الف ياخوي المطاليق على حسمك للموضوع ويعطيك ربي العافية كما اشكر فارس قحطان على اتزانه ومداخلته والشكر موصول لكل من الغايبي وال معمر على مدافعته عني واشكر ذيب قحطان على التوضيح واشكر كذلك اخوي ابا الذيب وله مني التحية والاحترام ....
اخوكم الواصل

أصبت يافارس قحطان 0 والا ماكنت فارس قحطان0

وهما أثنين ألأول محمد ابن عليط آل سلطان آل سليمان ألحرقان 0

وخويه يامي0

وألثاني من آل غراب ألحباب وحدثت في ألسنوات ألأولى من فتح ألرياض0

وخويه من ألفهر 0

وفي ألأولى قال أبن غيده 0

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حنا أللي ذبحنا خالنا في خوينا = وحنا حماة ألعوص نفتل قيودها [/poem]

وفي ألقصه ألثانيه قال ألغربي ألفهري قصيدتين في ألموضوع أعرفها ومنها0

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قم يانديبي وأرتحل فوق فاطر = مطلية بالشوب وألروب فوقها

تاخذ مع تثــليث يوم بليـــــــــله = ويألله من نياتهـــا لاتعوقها [/poem]

ألىآخر ماقال0

وقال يمدح ألغرابي الحبابي ويبيض له في خويه ويحثه على ذبح راعي ألوحاني0

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ألله من حال بـــرته ألحسايف = تبـــراه من عاما وقد ذا ألزمــاني

عليك ياسعد ألركاب ألنكايف = لآ جات من ألأصلاف وألحيل واني

ولــخويه ألبيضا مع كل نايف = وألعون ألى علّوا براع ألوحــاني[/poem]

ألى آخر ماقال0 ولكم خالص تحياتي ودعائي0

الف شكر يااخ غانم والله يعطيك العافية لأصابتك الهدف والتوضيح وعلى الأبيات ومقبولة يعطيك ربي العافية

يبض الله وجهك ياخادم قحطان على ذا السالفه الي توضح مكانة الدخيل عند قحطان وباقي القبايل
وسالفه ذي قد سمعته من واحد حربي ويقول انها للواحدن من حرب ولاهوب متأكد لاكن عقب كلامك
والله ان يجيه الكلام الصح

ولا هنت

هذه القصة حصلت في قبيلة ال سليمان الحرقان وصاحب القصة يسمى( محسن بن سلطان ) وقد قال بعد ان قتل خاله هذه الأبيات:
هنا ثلاث ما ليـــه فيــهن طبيب والا فيا ماحبني للعافية
الخوي والضيف والجار الغريب ياللي تدور عند للغاوية

انا قرأت الموضوع ولاحظت الاختلاف القائم بينكم على شخصيات الروايه
واردت ان ادلي بدلوي بهذا الخصوص واقول ان القصه جميله وفيها من الشيم ومكارم الاخلاق الشئ الكثير وهو شئ ليس بمستغرب على قبائل قحطان والشاهد هو انه من الممكن ان يكون الشخصين قد قاما بنفس الفعل وانما الاختلاف قد يكون فيما كان السبب في المشكله بين خويه وبين القوم وهو شئ ثانوي في القصه وليس باهمية فعل الفارسين
واللــــــــه اعلم

هذي السالفه لجدي الشيخ محسن بن سلطان بن عدال بن سليمان الحرقي وسبق ان وضحة هذه السالفه في مجلس الشعر وسوالف الاولين