المشاركة الأصلية كتبت بواسطة سعيد بن مانع الرفيدي (المشاركة 357424)

[poem=font="Simplified Arabic,4,darkred,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]

ياسعود أوصيك ياقرم العيال=والوصيه من طليق اليا طليق
خلها قدام عينك لاتزال=وخلها مثل زفيرك والشهيق
التجارب علمتني والليال=ماأتردا فإبن عمي والرفيق
ابن عمك لاضما فأنت الزلال=وابن عمك لاخطا فأنت العميق
والرفق غالي وعده راس مال=مايفرط به سوى لاشٍ وهيق
ولاتخاوي كل من مد الحبال=عزّك تلاقي خوي حبله وثيق
كثرهم في خوته : جرفٍ هيال=وقلهم في خوته : ترقا طويق
والعرب قالوا من اول ذا المثال:=الصداقه كنز .. والكنز الصديق
غير ماعينت من بين الرجال=من يصادقني على شده وضيق
فالرخا ياكثرهم كثر الرمال=وفالشدايد كل ماخذ له طريق
بس يازين المثل يوم إن قال:=مالك إلا ... إبن عمك ... والرفيق[/poem]