أخي الشجاع معيض بن صميع ... ارجوووووووووك تفكر معي بهدوء و صدق ..

انا كتابتي ليست ردة فعل لخروج الشاعر الغالي ابن غريب ..
بصراااااحة تبيها كاااش انا معارض على مشاركة شعار يمثلون روس القبايل كونهم مسلمين يراقبون الله بالدرجة الاولى وكونهم ابناء قبايل عز ورفعه ..

لماذا ؟؟ ببساطه لأن اجدادنا عرضوا ارقابهم للسيوف لينصروا الدين وحنا نتباغض ونرررررررررررررسل الملايين ولمن ؟؟؟

أحسن الله عزاك يا بغداد و احسن الله عزاك يالقدس ..

صدقني يالغالي اني مانيب لامطوع ولاهم يحزنون وعندي من الذنوب مالله به عليم ..

لكني والحمد لله لاأقبل ان اكون في موقف المستغفل الساذج (آآسف والله ما اقصد احد بعينه )) انا ماستشكيت في

نخوتي وقبيلتي عشان ارسل لبرنامج المذيعه العاهره !!

اما قولتك النسوان صح حنا نشوفهم في كل محل لكن ما

نتعزبهم !! ولانرسل دراهمنا لمجمعين الصايعات والمغنين !!

وان كانها على النخوة فمواقنا اول وتالي مايطولها طايل ومنها فتنة جهيمان والشيخ ابن عمر القرمله ..
وفتنة الايرانيين والشيخ ابن لبده ..

وشيوخنا اللي يفكون الرقاب بالملايين ... ماهوب من يحط له مجمع لمساندة شاعر الطفسه !! الله يرحم الحال ..

والحمد لله انا خلصنا منها من ذلحين .. والمصيبه ان البعض من اللي وصفتهم بالمراهقين هم بالفعل مراهقين ولا كيف الواحد يشك في قبيلته وانهم يحفظون الريال !!!! اي والله نحفظه للشحم ياجعلك الهدى .. واللي يقول ان البرنامج يرفع روس القبيله فهذا بعد ازين له نقوله مراهق ولانقوله يا رخمه .. يعني اللي مايفوز ينزل راااااسه ماعاد الا ذي ..

و تدري وش المشكله الحين في ذا اللحظه اني اخاف تقول في نفسك اني اقصدك او اجادلك اخوي ياخوي انا أخطيء وانت تخطيء وكلامي للجميع بما فيهم نفسي وعيال امي وابوي ..

والمسلم مرآة اخوه المسلم .. والقول بالحق فضيلة .. ودمت بخير ..