شبكة قحطان - مجالس قحطان - منتديات قحطان - شاعر المليون@ لجنه شاعر المليون

- - شاعر المليون@ لجنه شاعر المليون (https://www.qahtaan.com/vb/showthread.php?t=22199)

رد : شاعر المليون@ لجنه شاعر المليون

اقتباس:

المشاركة الأصلية كتبت بواسطة رحال

سؤالك رهيب وخذ الاجابه

1-علي المسعودي

2- الدكتور غسان

3- السعيد

4- العميمي

5-المريخي

بشيل المريخي والعميمي وبحط بدالهم سعيد الحمالي المشرف على النداوي هذا الرجل فاهم في النقد بشكل ماتصورون

والثاني فيصل الرياحي

الاخ رحال

بيض الله وجهك والله يبارك فيك

لاهنت

اخوك

رد : شاعر المليون@ لجنه شاعر المليون

والله أنا أستبعد الريخي

ويحطون بدله ألي يحطون

هذا أنسان لاتعجبني أرائه نهائياً

وثد حظرت له كم أمسيه والله ماعنده في الشعر حبه

رد : شاعر المليون@ لجنه شاعر المليون

اقتباس:

المشاركة الأصلية كتبت بواسطة كوكب زحل

مافيهم الا الدكتور غسان و المسعودي ... اما الباقين ماعندك احد ...

شكرا لك على المشاركه

اخوك

رد : شاعر المليون@ لجنه شاعر المليون

اقتباس:

المشاركة الأصلية كتبت بواسطة مهدي بن مسفر الحبابي

أخوي مرعي بن دواس الحبابي

بيض الله وجهك موضوع رايع وطرح مميز

اللجنه ترتيبهم حسب وجهة نظري

1- الدكتور غسان رجل فاهم ونقده نابع عن تجربه وهادف

2- علي المسعودي كذلك نقده راقي وعلى الجميع

3- حمد السعيد رجل محترم بأخلاقه وقلمه وتقييمه ما ندري عنه ولكن موقفه الاخير ضد عبدالله بن غريب كان مغاير ولكن عبدالله رد عليه برد يبيض الوجه

4- العميمي ؟؟؟؟؟؟؟؟؟ ما عنده سالفـه

5- تركي المريخي عنصري ومسكين ولاعند أحد فيه ولا في كلامه وعليه ملاحظات واجد مدري كيف تم ترشيحه؟؟؟

مفروض يستبعد 4 و5 ويقتصر على الثلاثه الأخرين
وإذا ولا بد من تغيير وأضافه

يكون فيصل الرياحي أحد من يكون كفو لهذا المكان بدلاََ عن المريخي من السعوديه

ويكون من الامارات بدلاََ عن العميمي الشاعر بالـمـر

وجهة نظر ولن تتحقق لن البرنامج والمسابقه قربت على نهايتها

والمريخي ضد أي شاعر قحطاني والدليل مناقشته لعبدالله بن غريب في مفردات القصيده الغزليه الاخيره

والذي عارضه في ذلك الاعلامي الراقي علي المسعودي

لك ووللجميع فائق احترامي وتقديري

ارحب يابو مسفر

بيض الله وجهك ولاهنت على المشاركه والترتيب

وتبديل رائع

بيض الله وجهك

اخوك

رد : شاعر المليون@ لجنه شاعر المليون

ارحب يا مرعي

ابشر بسعدك

نشرت مجلة بروز قبل كم سنه اتهام خطير ضد الشاعر ناصر القحطاني .حيث اتهمته بسرقه احدى القصائد اللتي احتواها ديوان ناصر المسموع (شمس الغرام) . وكان تركي المريخي رئيس التحرير وكان يبي يسوي اثاره صحفيه وجت على راسه وتحصلها بالقصيدها هذي اللي رد عليه ناصر في مجلة المختلف ونشرت على صفحتين

السـوالف ياجنيـني طـاولنّي … والعرب تالي نسوا حسن الضيافه
والخـوارج من تدني في تـدني … والبلـد مليان تهـريج وطـرافه
والحيـاه اكبر من اللي مس ظني … واوسع من احـلام الانذال التوافه
والقـصايد صنعتي والفن فـني … والقوافـل ماتحـسب الا المسـافه
ليه اعبّـر غاديـات عارضـني … وصك شحاذ على باب الصـحافه
ماخذيتـك ياجنـيني بالتبـني … ولاغـذيتك الاحـس له رهـافه
حط في بالـك قبـل ماتحتضني …مانت باللـي ينتقـهوى باختـطافه
لك علي مادمت منك وانت مني … ماتمـرّك غـير الانسـام بلطـافه
وان دخل بك في ظلام الليل جني … لاتـخافـه لاتخافـه لاتـخافـه
كلـبوها سورتـين وترجهـني … يطلـع المعتـوه ويجيـك اعترافـه
والله انـي والله انـي والله انـي … من رجـال في مـلاقاهم حسـافه
حقهـم ماياصـله راع التمـني … وانتصافتـهم ماهـيب أي انتصافـه
اتفيّـا في ظـلال الغصـن كـني … شـايب رحـّال شاف اللي يعـافه
قلـت خلـوني على ليـلاي اغني … وازعـجوا مـوّالي دعـاه السخافـه
عصبـه الخـناس عشـاق التجـني … ملحـقين اعـمارهم ذل وكـلافـه
وش يبـون الـخاربين بقـلع سـني … آفـة لابـارك الـله بـاي آفــه
لاسـلام وكـل نـذل يـحل عـني … مابـعد ملـّت يـدي من النـظافه
والسـفيه اللـي من العـام مـتعني … ماتـرك حـتى النعـامـه والـزرافـه
ان مـدح وان سـب والـله ماشحـني … اعتـبرته تـافه وسـتين تـافـه
والقـصايد صنعـتي والفـن فـني … والبـلـد مليـان تـهريج وطـرافـه

تحياتي للجميع

رد : شاعر المليون@ لجنه شاعر المليون

اقتباس:

المشاركة الأصلية كتبت بواسطة الحميداني الحبابي

مثل ما قال اغلبكم

اعتقد لو يشيلون المريخي والعميمي يكون احسن

الاخ الحميداني الحبابي

لاهنت

اخوك

رد : شاعر المليون@ لجنه شاعر المليون

اقتباس:

المشاركة الأصلية كتبت بواسطة عبدالله بن غفره

موضوع رائع وبيض الله وجهك يابو علي

بالنسبة للترتيب من وجهة نظري

مثل ما قال أخوي أبو نواف

الدكتور غسان >>>>>>>>>>>> أقدم له أجمل تحيه على تواجده الرائع ونقده البناء
علي المسعودي>>>>>>>>>>>>> عنده إنتقادات رائعه ووجوده مقبول
حمد السعيد>>>>>>>>>> وجوده يعطي الشعار دافع معنوي بعد ما تمر القصيده على غسان والمسعودي
سلطان العميمي>>>>>>>>>>> من وجهة نظري أنه ما يعرف وش معنى الشعر
خالد المريخي >>>>>>>> أخذ كرسي لا يستحقه إطلاقاً

بالنسبة للأستبعاد

أستبعد:) >>>>>>>> مسوي مدير ههههههههههه

حمد السعيد >>>>>>>>> مجامل جداً
وسلطان العميمي>>>>>>>>> رادار على الخرطي :)
تركي المريخي>>>>>>>>>> وجودة يرفع ضغط المشاهد

بالنسبة للتبديل

فالشاعر/سعد بن جدلان أو سلطان الهاجري
بدلاً من(تركي المريخي وحمد السعيد وسلطان العميمي) فالواحد منهم يسد عن ثلاثتهم

بالنسبة للمريخي تحامل على الشاعر بن غريب تحامل غريب ونقد طريقة نظمه للقصيده بالوشوشه وقد ألقى الشاعر المبدع فطيس المري وتطرق لنفس الوشوشه ولم ينتقده سعادة الناقد المريخي:)

تواجد المريخي يرفع الضغط أتمنى أستبعاده في أقرب وقت

والسلام عليكم ولاهنت يابو علي

ارحب يابو غاده

وبيض الله وجهك

ولاهنتعلىالمشاركه الطيبه

اماالمريخي ماحصل الا عيال العود مسنعه ناصر من اول وابن غريب بعد ماقصر

الله لايهينك

اخوك

رد : شاعر المليون@ لجنه شاعر المليون

اقتباس:

المشاركة الأصلية كتبت بواسطة _العايذي_

بسم الله الرحمن الرحيم
لاهنت يااخوي مرعي وسؤالك رائع والله يبيض وجهك,الترتيب:
1- السعيد
2- المسعودي
3- غسان
4- العميمي
5 المريخي

وان خيرت بطلع المريخي لان وجوده مثل عدمه والله يهديه في بعض المواقف
وتبقى وجة نظر.. مشكووور يا الحبابي

الاخ العايذي

الله لا يهينك

شكرا لك على المشاركه

رد : شاعر المليون@ لجنه شاعر المليون

اقتباس:

المشاركة الأصلية كتبت بواسطة بن فالح

لاهنت اخوي مرعي على الطرح المميز
واتمنى ان اوفق في الرد او الاختيار المناسب
اولا لا اعرف كيف اتفق او رضي الاخوان في لجنة التحكيم
على النسبه المعطاه لهم وهي 30% علما ن انها اعطيت لهم في الحلقات الاخيره من البرنامج50%
اما بالنسبه للترتيب والاستبعاد

1ـ علي المسعودي....... اشوف انه ناقد طيب ومتمكن
2ـ غسان.....................دكتور وملم باللغه
3ـ سلطان العميمي........يفتر على الفاضي ماتدري يجيز ولا ينتقد
4ـ السعيد.....................مجامل كبير
5ـ المريخي....................نلاحظ كثرة انتقاده في الاونه الاخير وانتوا تعرفون السبب

واستبعد
العميمي ............راية الشعر
المريخي............سليمان المانع

تقبلوا تحياتي

الاخ ابن فالح

الله يبيض وجهك

على المشاركه

بالنسبه للمريخي والله انه يزيد تعبه

اخوووووووووووك

اخوووووووك

رد : شاعر المليون@ لجنه شاعر المليون

سلام عليكم ..

اشكر صاحب الموضوع ..

هنا أريد أن ادلي بدلوي ...

1 الدكتور غسان ..
2 علي المسعودي ..
2 حمد السعيد ..
3 سلطان العميمي ..
4 مافيه احد ..

بالنسبه للإستبدال ..

العميمي .. والسعيد ..

مكانهم ..
اي شاعر مثقف صاحب فكر عالي ...

بالنسبه للمريخي فقسم بالله ماادري وش تصنفه ..

لكن ااذا اردت ان ترى المريخي في ورطه كبيره .. فدعه ينتقد او بالأصح يسولف .. اول واحد ...

تحيتي

والشكر مكرر لصاحب الموضوع