المشاركة الأصلية كتبت بواسطة عبدالعزيز بن عشق بن شفلوت (المشاركة 585242)

شيخٍ على فعلـه تبـان الشِيخـه
ما شاخ ب/اختـامٍ و لا بلسانـه

صح لسانك ياناصر

ولو ماكتبت الا هذا البيت لكفاني

المشاركة الأصلية كتبت بواسطة صالح السنحاني (المشاركة 585308)

ونعم في آل قرملة ونعم بالسحمة

حكام نجد وشيوخ الجحادر

:.:

المشاركة الأصلية كتبت بواسطة ابن شريم عبيدة (المشاركة 585366)

لاهنت وبيض الله وجهك ويستاهلون اشيوخنا


[poem=font="Arabic Transparent,4,blue,bold,normal" bkcolor="transparent" bkimage="backgrounds/13.gif" border="none,medium,gray" type=1 line=0 align=center use=ex num="0,black"]
قال السحيمـي يـوم ربـي عانـه=مثـايـلٍ متقـلـده قيـفـانـه
يرخي لها السامع و يطلـب عدهـا=طـرب (ن) لهـا لبيوتهـا المليانـه
بديت يـا فيصـل و دوّن عـدي=و سجل قصيـدٍ ثابـتٍ باركانـه
دوّن تواريـخ الرجـال الـزحـل=هـل القنـا و مطوعيـن اكوانـه
من لابـةٍ كـل العـرب تعرفهـا=صلب العرب و أصل العرب قحطانه
حنا عيـال العـود يـا جاهلنـا=من حربنا كـل البشـر خسرانـه
تاريخنـا وافـي و باقـي فيـنـا=من يكسب الناموس مـن سيسانـه
راكب على قب المهار و سرجـي=علـمٍ يـدرّس و الظفـر عنوانـه
بأذكر على وضح النقـا ماعنـدي=عن كل شيخٍ قـد رجـح ميزانـه
هادي حمـى نجـدٍ علـى أيامـه=من بعد عثفر حكمـه و سلطانـه
خاشر سلاطيـن الجزيـره مبطـي=يومـه عضيـدٍ للإمـام و صانـه
و من بعدها يا قاف عنـدي نبـذه=عن ساس قحطانٍ و عـن عمدانـه
الله يرحـم أبـن هـادي محمـد=سيف قحطان و مقضبـه و سنانـه
شيخ قحطان و شيخ من قد شاخو=من مقـدم التاريـخ حتـى الآنـه
قاد الصفـوف و رايتـه مرفوعـه=و جال المعارك حامـل(ن) قرآنـه
له بصمةٍ فـي نجـد لـو ينكرهـا=صم الصفـا مـا جمّلـه نكرانـه
لنّـه شهيـر و خابرٍيـن افعـالـه=و السيل كبره مـن كبـر وديانـه
و راعي البويضا ما يفـوّت ذكـره=بيرق بني مضيم و علـم شجعانـه
ناصر اخو منيره و عـزوة ناصـر=كم جندلت فارس يكـز حصانـه
لا من حضر طاري الشجاعه يحضر=اسمـه و يحضـر قبلهـا عمّـانـه
و خليل ابن ناصـر كبيـر العِمّـه=يا من نشـد عـن عِمـةٍ ربحانـه
سلايـل الشيـخ القديـم البـارز=يفخر بـه اللـي يحتمـي ميدانـه
و عقبـه توّلـم يـا فخـر للتالـي=لا جيت أبذكر و الذكر ما شانـه
هزاع .. هـزاع المراجـل ياللـي=تنشد عن كفوف العطا و احسانـه
قمة وقـاره فـي تواضـع نفسـه=جعل الجنـان البـارده مسكانـه
و سلطان شيخِ لـو بغينـا نمـدح=ابطى القصيـد و نوّخـت اوزانـه
حنا قحطان و شيخنـا يـا ناشـد=سلطان و من اسمه خذا لـه خانـه
شيخٍ على فعلـه تبـان الشِيخـه=ما شاخ ب/اختـامٍ و لا بلسانـه
و في مدح جدّانـي ترانـي زاهـب=و لا بارك الله من جحـد جدانـه
جدي بطي فـارس يخـاوي طيبـه=راعي البويضـا لا نفـذ ذرعانـه
قدّم على قحط العرب مـا عنـده=و الناس ما تلقى و هـي جوعانـه
الذود ماتـت و العـرب مغّتمـه=و العود زاده فـي بطـن ضيفانـه
و الآد مسحم طيبهـم مـا يخفـى=هم محزم الشايب و هـم فرسانـه
و كـل قحطانـي درعنـا فالهيـه=لا مـن تزاحـم بالقبـس نيرانـه
سقم العداء و الضد منهـم هايـب=و بالحرب يرسل ندهم ب/أكفانـه
بمدح و لا لي فـي المدايـح غايـه=لا انومـس شايبـي و اخـوانـه
مـن دون حقـرانٍ لمـن جاورنـا=كـلٍ علـى قـدره فتـح بيبانـه
و كل القبايـل و النعـم لا جينـا=نمدح و من فعـل الفتـى برهانـه
المدح في ربعـي ينومـس ربعـي=و المدح فـي ربعـي انـا ديوانـه[/poem]

المشاركة الأصلية كتبت بواسطة عبدالله السحيمي (المشاركة 585435)

ارحــــــــــــب يا ناصر

صح لسانك وعلا شانك

يستاهلون شيوخنا


والله يبيض وجهك على القصيده الجزلـه
لاتحرمنا من جديدك

اخوك/عبدالله السحيمي