شبكة قحطان - مجالس قحطان - منتديات قحطان

- مجلس الألغاز (https://www.qahtaan.com/vb/forumdisplay.php?f=38)

- - لغز عسر يامن يحله .. ؟.؟. (https://www.qahtaan.com/vb/showthread.php?t=64967)

رد : لغز عسر يامن يحله .. ؟.؟.

اقتباس:

المشاركة الأصلية كتبت بواسطة يحي البشري (المشاركة 718822)

انا اقول انه الموت

ونعم يايحيى

بدا يايحيى بدا

الله يقويك وأنا ماني شايف أحد يحدف ولا يجيب حيود .

لازال الوقت أمامك ولك مطلق الحرية والله ماهي بعيد عنك .

تقبل تقديري وحكاي والسلام

.

رد : لغز عسر يامن يحله .. ؟.؟.

والله يبن الشايب راسي قام يدووووووور بي من كثر التفكير

مابقى عندي الا محاوله اخيره بعدها نبغاك تلمح شوي
يمكن يكون

(ابليس اللعين)

رد : لغز عسر يامن يحله .. ؟.؟.

اقتباس:

المشاركة الأصلية كتبت بواسطة يحي البشري (المشاركة 718937)

ونعم يايحيى

الله يهديك ماتسمع كلام أخوك أيش اللي غيرك .

قلنا لك كم من كيلو وكم من وادي وأنت مستعجل ليه ياخوي .

والله إني رحمتك تبغاني أعلم علمت والله على شانك بس .

أشوف أخويانا مابينوا طولوا في ذا العيد على غير العادة .؟..

الزيارات كثرت والوصل واجب وربعنا أهل واجب الله يحفظهم .

أنا تحت الأوامر يايحيى بما تأمرني به إلا أن تريدني أقول إن جوابك صحيح فلا ..

إذا أعياك التعب فإجلس وإرتقب وإذا لازال هناك عرق ينبض فلا تربض .

أشكرك ياخوي يحيى على تواصلك الطيب والمسلي وهو من طيبك .

أتمنى لك التوفيق في محاولات أخرى أكثر تركيزآ على معاني الكلام .

كل شق من بيوت هذا اللغز يكفي لوحده سؤال عن نفس الجواب .

بمعنى ... كأنها ثلاثة أسئلة لشئ واحد .؟.؟.

لقد أعطيتكم ثلاث أوصاف كافيات في لغز واحد لشئ واحد .

أعتقد إنني أوضحت كثيرآ ولك التحية .

http://www.abeedah.net/vb/mwaextraedit4/extra/66.gif

شكرآ ولك ودي .

تقبل تقديري وحكاي والسلام

.

رد : لغز عسر يامن يحله .. ؟.؟.

ابو محمد ابن الشايب الحل بعلمك به في رحلة حائل ان شاء الله اذا الله احيانا

وحبيت اسلم عليك والله لايهينك , وتقبل تحياتي وتقديري واحترامي لك واعجابي بقلمك الرائع

رد : لغز عسر يامن يحله .. ؟.؟.

عندي رمعة والله وعلم يابن الشايب....
السهر ياصاحب الالغاز ضدة..........لو تبيه يجيك قرّبلك مخدّه
موتة(ن)صغرى وجفنك ماتردّه......أرقد ولا تسأل المقفي مردّه

محاولة فقط....وتقبل تحياتي ومروري......

رد : لغز عسر يامن يحله .. ؟.؟.

اقتباس:

المشاركة الأصلية كتبت بواسطة أبو محمد ابن الشايب (المشاركة 718659)

السلام عليكم ورحمة الله وبركاته .

لغز للي يحله وردة مميزة هدية .

http://www.abeedah.net/vb/mwaextraedit4/extra/61.gif

دايم لي صرت واعي كم تهده ...... لو تهده جاك يخبرك إيش سده .

من غدا عنه يجيك يمد يده ...... دور لحله ما دام ن فيك شده .

نبي ناس تشارك وتحل لكم السلامة يالنشاما .

تقبلوا تقديري وحكاي والسلام

يابن الشايب حياك الله حدى هاتين :

1 / السيارة

2 / السمع

ولك التحية

رد : لغز عسر يامن يحله .. ؟.؟.

اقتباس:

المشاركة الأصلية كتبت بواسطة فهد الهباش (المشاركة 719773)

عندي رمعة والله وعلم يابن الشايب....
السهر ياصاحب الالغاز ضدة..........لو تبيه يجيك قرّبلك مخدّه
موتة(ن)صغرى وجفنك ماتردّه......أرقد ولا تسأل المقفي مردّه

محاولة فقط....وتقبل تحياتي ومروري......

ونعم يافهد

بارك الله فيك وتسلم على هذه الرمعة .

أشكرك والله يعينك تدور غير هذي الرمعه .

الحقيقة ما أنت بعيد ولا أنت قريب .

تقبل تقديري وحكاي والسلام

.

رد : لغز عسر يامن يحله .. ؟.؟.

اقتباس:

المشاركة الأصلية كتبت بواسطة محمد ساري السنحاني (المشاركة 720098)

يابن الشايب حياك الله حدى هاتين :

1 / السيارة

2 / السمع

ولك التحية

ونعم يامحمد ساري السنحاني

ولك التحية والإجلال والإحترام .

أبيض وجه على المشاركة .

أتمنى لك النجاح في محاولة أخرى .

ويش سر الألف واللام والسين المشتركة في إجاباتك .

لاهنت ياغالي وتسلم .

تقبل تقديري وحكاي والسلام

.

رد : لغز عسر يامن يحله .. ؟.؟.

عاد هو يوم القيامة والا وشو .....عطنا الجواب ياأبومحمد ...الظاهر كسبت الجولة وانا خووووك...تقبل ودي وتقديري....

رد : لغز عسر يامن يحله .. ؟.؟.

حياك الله اخوي محمد لغزك هذا لازم نفكه بس والله مدري كيف

هل هو رفيق السؤ النمام

اتمنى ان اكون قريب من الجواب

تحياتي واشواقي لك