رد : ... قناة الاستراحة الاخبارية ...
 

ماشاء الله تبارك الله

من سمح لكم تفتحون قناه

هو على كيفكم

اقوووووووووول وين

تصريح الدفاع المدني
وتصريح وزارة الاعلام و ليه ما تكتبون على القناه بـــــــــــث تــــجـــــــريـــبــــي
وتصريح التجاره
وتصريح المجلبه
وتصريح الشيش
وتصريح الصحه يا ابن عياف عشان السن الذهبي هههههههههههه

...............................


وبعدين انت يا اللي اسمك منصور ترسل علي عرب وتتوسط بهم تبغى الدهنه قصدي الهدنه خخخخخخخخخخ هم تهون والله فيك يا برمـــــــــــان ههههههههههههه

,,,,,,,,,,,,,,,,,,,,,,,,,,,,,,,,,,,,,,,,
ابن عياف جعل عمرك طويل وين الغيبه يا ابومنيف عسى مابه خلاف

واحسن ما فيك هو
















































تـــــــــــجـــــــــــددك






والأحلى منها كلها


















































وجودكـ ؟؟؟

رد : ... قناة الاستراحة الاخبارية ...
 

أبن عياف

فيه واحد أتصل على فلان ومارد وأتصل مره ثانية ومارد ورجع أتصل فية فلان وقال ماتشوفي عند الدكتور على

كرس الاسنان ههههههههههههههههههههههههه يفكر أنه يطلع أذا مارد أنه جالس على كرسي الاسنان ههههههه

أولا : الحمد الله على سلامتك من جميع الاوجاع

ثانيا : يقال أنك رحت لطبيب الاسنان وقال أنه يبي يشيل عشرة ضروس الطواحن وماخالفها هههههههههه

ثالثا : صرح مصدر مسئول أنك متاثر من البنج الي أعطاك الدكتور في مستشفى الملك فهد حق الاسنان بسب الطواحن

فاتمنا أن تزور الطبيب كل يومين لكي تنزل لنا موضوع من مواضيعك الشيقة ونستمتع بما تكتب ياأمير الشبكة

وكما أكد عميد الاطباء الدكتور / عبدالله بن غفره بانه سوفى تجي عاصفة سرعتها 100 كم في الساعه

أخي الحبيب أبن عياف تكفى وترى تكفى تهز رجاجيل كل ثلاثه أيام تمر طبيب الاسنان علشان نشوف أبداعاتك

تحياتي لك من الاعماق وتستاهل السمعه يابو منيف

رد : ... قناة الاستراحة الاخبارية ...
 

اخواني الاعزاء اخواتي الحلوات ؟؟؟ معليش نسيت ان ما عندنا نسوان
هههههههههههههههههه

سوف نقوم ببث البرنامج القديم الجديد واللي ما كان يكفي من عنده منصور العبدالله وهو

افـــــــــــراح وتــــهـــــــانــــــــي >>>>> ولإستقبال مكالماتكم واتصالاتكم على
01/4428888 تليفون تلفزيون الرياض ....


والبرنامج ما يطلبه المشاهدون ؟؟؟؟
ومن تقديم ابو شنب وهو الزميل بشير شنان هههههههههه شامان العاطفي

طبعاً غير الكسرات والفن الاصيل لا تطلبون لأنكم ما بتعينون غيرها خخخخخخخخخخ

وبرنامج سلامتك سلامتك ؟؟؟؟؟؟ ههههههه

وهو من تقديم اخصائي التغذيه عبدالوهاب الفهري
خخخخخخخخخخخخخخخ


وبرنامج 911 ريسكيو
وهو من تقديم المراهق والمتهور والمفحط الكبير عبدالرحمن المشجري
هههههههههههههههههههههههه


واخيراً وليس اخيراً

سوف نبث لك وحصريا لقناة الاستراحه البرنامج الذي يحضى باعجاب ومتابعه ليس لها مثيل

وهو الــــــــــــــــحـــــــــــــــــصـــــــــــــ ــن وهو من اعداد وتصوير الياباني ماجد الخليفي من حولهم ما يخلي شارده ولا وارداه الا يصورها لكم ......... وينعى وجهي للفطس على مابخشومهم يزيدون يخبزونها هههههههههههههههه


وان تلهمنا احدى البرامج الباقيه فما حن بذاخرين عليكم شئ وتستاهلون كل علم زين

رد : ... قناة الاستراحة الاخبارية ...
 

اعزائي المشاهدين .. بالله عطونا ساعه لا نص ساعه لين نحصل شريط الفديو حق فلم "اليوم متعشي في البيك" بطوله الممثل القدير "سعيد الجهيمي" و الممثله الشابه "حياه الفهد"

مع كل الود .. اداره قناه الاستراحه الفضائيه


,,,,,,,,,,,,,,,,,,,,,,,,,,,,,,,,,,,,,,

ابومنيف الله يدوم عليك هالروقان .. وما تشوف شر سمعنا انك خالعن ضرووووسك

هذا ابونواف ما يصدق اجيه الا يمسكني ويقول: تكفى عد لي دراهمي وتطلع 150 ريال واقوله تراها 150 ييقول خبري بها 200 يا مسلم 150 ويقعد يضرب فيني لين ارد له 50 وابشركم قد اطلق سراحي


الله يخارجنا .. المراهق والمتهور والمفحط .. ابوحسين انا كم مره اقووول لا تنسى كلمه المهاااااايطي المهااااايطي يا اخي احفظها .. اصطغفر الله العظييييم
















تح ــياتي

رد : ... قناة الاستراحة الاخبارية ...
 

الحمد لله على السلامة يا بو منيف وماتشوف شر ...

http://www.qahtaan.com/works/up/get....emnr1237073714

وتقوم بالسلامة من كرسي الطبيب على يد احلى ممرضة فلبينية



ما علمتنا ... اي طقم اخترت ...

http://www.qahtaan.com/works/up/get....ouv21237073714

رد : ... قناة الاستراحة الاخبارية ...
 

رد : ... قناة الاستراحة الاخبارية ...
 

اشششششششششششش

اسسسسسسسسسسسس

اززززززززززززززززززززز

اووووووووووووووووو

كح كح كح كح كح كح

نعتر مره للمليون عن هذا الخلل الفني

أول مره اشوف قناة تكح >>>>>>>>> رأي المذيع

-----------------------

وقبل ان نبدأ اخبار اليوم

في خاطر المذيع شي يبي يقوله

---------------

خير ان شاء

اشوف كل نسب نفسه للقناة

ترى والله ما فيه ولا ريال واحد من عندي

والقناة هنا تخلي مسؤليتها عن المنتسبين لها

وليس لها مذيعين ولا مقدمين برامج

ياله نصرف على الماطور

لا والبث من الشارع

اقول هه بس هه

بلا لقافه

انتهى ما في خاطر المذيع

-=========-

قناة الاستراحه الاخبارية

كح كح كح

اششششششش

ازززززززز

اوووووووو

مالها داعي اوووووووو

له مدرج الاستاد

المهم

نشرة الاخبار معكم

بعد الفاصل

والآن نبدأ نشرة الاخبار ولكن

بعد الفاصل

اعزائي المشاهدين

سنوافيكم بنشرة الاخبار

بعد الفاصل >>>>>>>>>>> ياليتني موظف احد يسوي الفاصل الله يعيني قعيطي فاتح قناة اصور واذيع ولازم اروح بسرعه اسوي الفاصل ولا امداني المهم

:: نبدأ النشرة الاخبارية ::

1- منصور والجهيمي يلتقيان وجهاً لوجه .
2- قناة الاستراحه الاخبارية تشكر صاحب السمو الاستراحي صقر ال عابس . (( غصب عنها )) .
3- ابن غفره في اتصال هاتفي يطمئن على صحة ابوريان بعد السقوط المريع .
4- اصابة المصور الرائع ماجد الخليفي في عينه .
5- ابومبارك العابسي يغادر الاستراحه .


وفي التفاصيل

ولكن بعد الفاصل

اششششششششش

معليش هذا الفاصل الموجود حتى الآن مواعدنا مشاري بن نملان بفواصل واعلانات >>>> يا ليل ما طولك

1- منصور والجهيمي يلتقيان وجهاً لوجه .

منصور العبدالله يلتقي سعيد الجهيمي وجهاً لوجه لأول مره منذ النزاع القائم بين الطرفين وقد تناقشا في الموضوع

بواسطة الوسيط الخيري صالح السنحاني وقد استمر اللقاء حتى منتصف الليل ولمدة عشر ساعات مستمره كلها صياح

وخناق وتفاهم وهد ورد وصالح بينهم وكلاً منهم يهدد ويزبد ويرعد وغفصوا صالح السنحاني وخبركم به سمين

الحين كنه عود كبريت وفي الاخير قال لهم كلاً يأخذ حقه من الثاني ما فيكم حيله وقفا ولكنه تفاجأ انهم كل واحد هرب

من الثاني طلعوا ما عندك احد راح فيها الرجال الله يعينه

وفي الخبر الثاني

2- قناة الاستراحه الاخبارية تشكر صاحب السمو الاستراحي صقر ال عابس . (( غصب عنها )) .

تتقدم قناة الاستراحه الاخبارية بالشكر والتقدير لسمو الاستراحي صقر ال عابس

حيث شرفنا بإطلاعه على القناة

ونحن هنا اذا نقدر له تفرغه وتفضله لمشاهدة الاخبار >>>>> اه يالقهر غصب عني وش اسوي اخاف على الماطور

ومنه الى الخبر التالي :

3- ابن غفره في اتصال هاتفي يطمئن على صحة ابوريان بعد السقوط المريع .

قام القائد الاعلى لمجالس الشبكة في اتصال هاتفي على المشرف ا لقدير ابوريان بعد السقوط المريع من المجلس العام

وذلك للاطمئنان على صحته وقد تبادلا الاوضاع الامنية في المجلس العام وما حوله في نقاش حواري جميل .

وننتقل الى خبر اخر :

4- اصابة المصور الرائع ماجد الخليفي في عينه .

اكد احد جواسيسنا اقصد احد مصادرنا الغير موثوقه وهو سعيد الجهيمي بأن المصور الرائع ماجد الخليفي

اصيب في عينه حيث انه من كثر ما صور قلب الكمره وصور عينه والكمره طبعاً ليز لذلك وفي اتصال من القناة

بالمذكور قال انه ما يستطيع الكلام حيث انه وضع العصار في فمه بدل عينه طبعاً معذور ما يشوف

الله يشفيه

خخخخخخ معليش نعتذر عن هذه الشماته

المهم الخبر الاخير

هو

5- ابومبارك العابسي يغادر الاستراحه .

غادر صاحب السمو الاستراحي ابومبارك العابسي استراحة المجالس الى المجلس الصحي وذلك لعمل الفحوصات اللازمة

اثر سقوط الموضوع على رجله في الاستراحه وقد كان في وداعه في استراحه المجالس رئيس الاستراحه ال معمر

ونائبيه منصور وابوجابر وجمع من الاستراحيين وقد استقبله في المجلس الصحي نفس المذكورين مدري كيف اسبقوه

والله اللقافه ومعهم مشرف المجلس الصحي وجمع من الصحيين رعى الله سموه في حله وترحاله


والآن الاخبار المتفرقه :

= ماجد الخليفي وابوجابر يشقون المثل المذكور نصفين .
= سعيد بن مذي يستغل المخفات بالرسائل الاس ام اس بدون اذن ولا خشم القناة .
= ببسي وشاني الجهيمي سيمت بخمسة عشر الف ريال .وعلى اثرها انصرع .
= ابوريان يخور ويكشف المستور ( موضوع الاسنان ) >>>>>>> المذيع حطك في راسه


======================================
======================================

بيض الله وجيهكم جميعاً

وشرفني مروركم وحضوركم في الموضوع

ومما اسعدني هو نفسكم الجميل وروحكم الطيبه

وهذا يخجلني في رد جمايلكم معي واطرائكم لي

فتقبلوا جميعاً التحية والتقدير

وكلكم تستاهلون السمعه

اللي جته يستاهل واللي رفض الجهاز يبشر بالعوض

مع حبة خشم
===============

ابو عصام

يا سهران ليه السهر ؟

كمل .......

المهم اكيد انه يعاني ولكن وش المعاناة

يمكن عشان

(( نحو ذلك ))

رد : ... قناة الاستراحة الاخبارية ...
 

ابو منيف يوجد خطا لغوي في النشرة المفصلة رقم 1 ... الحق عدلها

:1108276394:

رد : ... قناة الاستراحة الاخبارية ...
 

يوووووووووه

وش هو

تكفى ما عاد اشوف قالع لي سن

رد : ... قناة الاستراحة الاخبارية ...
 

اشوى كانت بتصير فضيحة للقناة

لاهنت يا ماجد

كانت بتصير الفضيحه بجلاجل