رد : كون جهام عتيبه وقحطان وكثرة قلايع الخيل..
السلام عليكم
ارررررحب يا خالد ال سعد موضوع جميل جداااااااااااا يذكرنا بتاريخ وامجاد ربعنا وبني عمنا وكفووو بالاد مشعل اعلومهم تنومس تشرف ودمتم |
رد : كون جهام عتيبه وقحطان وكثرة قلايع الخيل..
حسين آل حمدان
مشاري الحبابي خيال الزرقاء نواف المشعلي راعي المصنه .. أرحبواااااا يا رجال ولا هنتوا على المشاركات الطيبه |
رد : كون جهام عتيبه وقحطان وكثرة قلايع الخيل..
الله لايهينك على الموضوع,,
|
رد : كون جهام عتيبه وقحطان وكثرة قلايع الخيل..
بيض الله وجهك
لاهنت أخوي خالد |
رد : كون جهام عتيبه وقحطان وكثرة قلايع الخيل..
بيض الله وجهك ياخالد وتسلم يمناك وعندى قصيده على هذه وقال الشاعر/ سالم بن فتنان ال روق هية جهام صار فيكم بجيده= والخيل راحت بالمناعير عزام مشاعلة من الجحادر بديده=في كرهم يشبع الطير لاحام |
رد : كون جهام عتيبه وقحطان وكثرة قلايع الخيل..
بيض الله وجهك ياخالد
على طرح القصة الموثقة ونعم بالمشاعلة وجيه آل محمد لاهنت وتقبل تحياتي |
رد : كون جهام عتيبه وقحطان وكثرة قلايع الخيل..
معركه تعتبر مثال لذالك الزمان
اللذي لايعرفون فيه الغدر والخيانه والغدر انما يتقاتلون في النهار وفي الليل يتراسلون القصايد بينهم كما يحدث بين الشيخين العضيمين ابن هادي وابن حميد من قصايد رثاء بعد المعركه وقبلها ولن يتكرر امثال هؤال الشيوخ خالـــــــــد ال سعد تقبل مروري@ |
المشاعله الجحادر و الحمده عتيبه
كان بين قحطان وعتيبه مقاطعه بسبب مقتل عبيد بن تركي بن حميد دامت ست سنين.
بعد هذه السنين من المقاطعه حدثت معركة بين المشــاعلــه من قحطـــان والحمــده من عتيبــه وفي الطراد جدع الفارس الامير حزام ابو خشيم امير المشاعله امير عتيبه عقاب بن شبنان (استلم الاماره بعد ابن عمه تركي ابن حميد) بالرمح ومطرفه عنه لم ينوي قتله بل يريد الفرس وهي الكحيله ام صرير معروف ثمنها من خمسين الى ستون من البل فسقط ابن حميد من الفرس على ظهره وكانوا يعرفون بعضهم قال ياحزام اذكرني لحاجات الدنيا لانها سلفه بينهم غالب ومغلوب قال ابشر بالسلامه واركبه على فرسه والقوم اقفى بعضهم عن بعض قال اختر تكون ضيف لنا الليله والا تلحق اخوياك لانه اخوياه انهزموا في تلكـ المعركه قال ابي اخوياي دامهم قريب قال الفرس كيف اسوي بها لانها له قال الفرس ماهيب اغلى منك هي لك وكانت لقحه وكانوا لايخفون على بعض وكان لقاحها هو سبب عوقها عن السبق قال اللي ابطنها ان كان حصان فهو لكم وان كان مهره فهي لي وعندما انجبت مهره ارسلوا له من يبشره انها مهره ومااخفوا عليه ولفى ابن حميد امير عتيبه على امير المشاعله ولا يخافون من الغدر يجي بعضهم لبعض بدون خوف واعطى ابن خشيم المهره ومع المهره عشرين من البل نوع رد جميل هذه عوايد الباديه عموم تبادل الجميل وهذا الكون يسمى جهام ومن سبب هذا الجميل بين الشيخين انتهى المقاطع اللي بينهم وعادوا على عادتهم مايذبح المريض ولا النايم ولا الشايب ولا البزر مايذبح الا اللي يدافع عن نفسه ( يعني الفارس ) وعقر في تلكـ المعركه الكثير من الخيل ومنهـا الكحيله قلعها الفارس والشيخ حزام ابوخشيم المشاعله و12 من الخيل قلعها الفارس والشيخ راجح ابن لبده وعندما انتشـــر خبر المعركــه بين القبيلتين غنى الشاعـــر سالم ابن فتنـــان ال روق بعض من الابيات لايحضرني الا هذي البيتين وارجوا من كان عنده تتكملت القصيده لا يبخل علينا بهــا هية جهام صار فيكم بجيده = والخيل راحت بالمناعير عزام مشاعلة من الجحادر بديده = في كرهم يشبع الطير لاحام |
رد : المشاعله الجحادر و الحمده عتيبه
والله والنعم
ياالاد بن مشعل |
رد : المشاعله الجحادر و الحمده عتيبه
ما أجمل القيم عند العرب
لا هنت يالقرم |
الساعة الآن 08:34 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com