شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مجلس أخبار قحطان (https://www.qahtaan.com/vb/forumdisplay.php?f=46)
-   -   700الف تنهي خلاف بين الجرابيع عبيده وال جميح الحباب (https://www.qahtaan.com/vb/showthread.php?t=19958)

ال زامل القحطاني 28-12-2006 08:40 PM

رد : 700الف تنهي خلاف بين الجرابيع عبيده وال جميح الحباب
 
الله يصلح الشان ويهدي عوال قحطان

محمد بن سيف الجروي 28-12-2006 10:57 PM

رد : 700الف تنهي خلاف بين الجرابيع عبيده وال جميح الحباب
 
الله يصلح الشأن والصلح زين في كل الأحوال
ولكن مثل ماذكر الاخوان لابد ان ينظر مشايخ القبائل
في هذه المبالغ الطايلة التي تتحملها القبيلة مقابل
قضية لاتستحق هذا كله دون النظر في اساس القضية
واسبابها فقد يكون الشخص المعتدي مخطا عليه او
انه يقوم بالدفاع عن محارمه وغير ذلك
اضافة الى بعض القضايا التي يتسبب فيها اناس سفهاء
او بمنزلة السفهاء من اصحاب المخدرات اعاذنا الله..

سعد بن سعيد بن فالح 29-12-2006 12:30 AM

رد : 700الف تنهي خلاف بين الجرابيع عبيده وال جميح الحباب
 
السلام عليكم
اخواني
المدى البعيد
ساس العرب
ابو عساف
سعد الحبابي
ال زامل
سفير الخير
اشكركم على المرور والتعليق
وصح لسانك ياساس العرب على اللي ادليت به
من كلام هو عين الصواب فالله مايضيمني الا ان بعض الناس
يعتدى على ناس امنه وعند محارمها وفي حماها وفي الاخير يظهر بمليون
في جيبه من غير حبة الخشم والله هذا الاجحاف بعينه وعينه قويه يبي مليون ونص
وسياره وبندق تنفض راسه وين مشايخ القبايل وين الناس العاقله
واللي يضيمني اكثر ان المخطي ماخذاها تجاره ولاهي باول مشكله ياخذ فيها فلوس
الله يهبها في وجهه
والله يصبه في واحد على الاقل يقعده
والله يصلح الشان ويكفانا شر الفتن

ابو مبارك القحطاني 29-12-2006 01:33 AM

رد : 700الف تنهي خلاف بين الجرابيع عبيده وال جميح الحباب
 
اقتباس:

المشاركة الأصلية كتبت بواسطة ساس العرب
الصلح زين في كل الاحوال

ولكن المبلغ كبير شوي اذا عرفنا خلفيات القضية

يا مسلمين يا عالم

رجال لا يسمع ولا يتكلم
يعتدي عليه ثلاثة اشخاص قادمين من ديرة بعيدة وامام بيته وامام محارمه
يريدون ان يسلبونه جواله وفلوسه.
ودافع عن نفسه دفاع الرجال الابطال اما ثلاثة رجال وهو وحيد
ماله الا ما سوا
وبيض الله وجهه
وجعل يمنيه ما تعطب


المشكله ماهي في الصلح
المشكله في الناس الموجودين اللي اقتنعوا بالصلح وهم خابرين القضيه

وين العدل
وين الانصاف
وين الشهامه
وين الرجوله
وين النخوة.


بكره لا يعتدي ناس مثلهم على واحد ثاني
قال جعل الجوال والفلوس القليلة ما تعود
ولا احمل ربعي ميات الالاف والا الملايين.

وراحت ضربته عار لين يموت

ليش يامسلمين
نجازي المعتدي المخطي بسبعمية الف
و ننظر لاساس القضيه
ونقول للمخطي انت اخطيت.

الله لا يقدر
لو اعتدى عليك سكران والا عربيد وانت معك وحدة من وحارمك
وقمت وضربته والا كسرته
بيجتمعون الشيوخ بعدها بكم يوم ويعطون المعتدي مليون
لا
والف لا
لازم قحطان تشوف لها حل
ليش ما يجتمع كبار قحطان ويدارسون رايهم
وتوقف هذه المهازل عند حدها.


كلامك صح

قحطاني متغرب 29-12-2006 02:58 AM

رد : 700الف تنهي خلاف بين الجرابيع عبيده وال جميح الحباب
 
يالربع اهل مكه ادرى بشعابها

ولاحن اعرف من الشيوخ ولكنهم ينضرون اليها بمنضور اخر يريدون اخماد نار الفتنه نهائيا فلا انا ولا انت ولا ساس العرب افهم من الشيوخ ومن اللذين قامو بالصلح بين القبيلتين ولكن لا يهم اذا وصلت هذه الى هذه الاسعار اذا كان هناك حقن لدماء المسلمين والابرياء واللذين ليس لهم ذنب سوى انهم من اقارب الجاني !! وعلى المقوله ( الطارف سديد )

ولا ننسى اطلاق النار اللذي حصلت بين اثنين من عبيده في الطايف وكان هناك اسعار خياليه بالملايين

سعود الحبابي 29-12-2006 04:31 AM

رد : 700الف تنهي خلاف بين الجرابيع عبيده وال جميح الحباب
 
الله لا يهينك يابن فالح
واحب اقول للاخوان اللي ما هو مرضيهم الصلح يحمدون الله على العافيه
والناس اليوم يدفعون من المال مايكفيهم عن الشر
وبعض الهرج ماله لزوم من ساس العرب
طرد الفايت نقص فالعقل
الرجاجيل صلحوا وانتها كل شي ما ينفع الهرج الحين

سعد بن سعيد بن فالح 02-01-2007 08:11 PM

رد : 700الف تنهي خلاف بين الجرابيع عبيده وال جميح الحباب
 
قحطاني متغرب
سعود الحبابي
لاهنتوا على المرور والتعليق

المهلهل 03-01-2007 01:01 AM

رد : 700الف تنهي خلاف بين الجرابيع عبيده وال جميح الحباب
 
الله يصلح شان المسلمين

الفارس الجنوبي 06-01-2007 11:52 AM

رد : 700الف تنهي خلاف بين الجرابيع عبيده وال جميح الحباب
 
الله يصلح الشأن

العرب الجدد 06-01-2007 09:07 PM

رد : 700الف تنهي خلاف بين الجرابيع عبيده وال جميح الحباب
 
هذا اللي ضيع المراهقين..
وزادهم إجرام..

اذبح..
صوب..

والجماعه من وراك..
بيجمعون الربع..

والدراهم جاهزه..

وصارت دماء المسلمين.. سهله هينه


الساعة الآن 04:52 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com