رد : مراسلة جديدة بيني وبين الشاعر/ ذيب بن محمد الحميداني
 

صح لسانك ياعايض


والله يكثر من أمثالك ويريحنا من المستشعرين

بيوت وافية ولا نستغربها وقايلها شاعر من بيت شعر


سجل اعجابي ومتابعتي


أخوك

رد : مراسلة جديدة بيني وبين الشاعر/ ذيب بن محمد الحميداني
 

أبو هداف

صح لسانك ياكحيلان

وفيت وكفيت

فعلاً قصيده نالت أعجابي بشكل كبير ياعايض


وآمل منك التواصل لتلبية طلبات متابعينك



تقبل تحياتي وأعجابي بما تكتب


أخوك / بن غفره

رد : مراسلة جديدة بيني وبين الشاعر/ ذيب بن محمد الحميداني
 

الربع اللي ردوا ما عليكم زود طالت عماركم ووالله بسماه ان مروركم يشرفني وردودكم على القصيدة تزيدني شرف

والله يقدرنا على اللي يرضيكم ويرضي الساحه
لا هنتوا وما قصرتوا

رد : مراسلة جديدة بيني وبين الشاعر/ ذيب بن محمد الحميداني
 

ميــّه على ميــــّه

صح لسانك يابوهداف معودنا دايم على الجزل يالسنافي.........


الله يوفقك الى كل خير ..........


أخوك///// بعيد المدى

رد : مراسلة جديدة بيني وبين الشاعر/ ذيب بن محمد الحميداني
 

بعيد االمدى ما عليك زود يالقرم لكن نبغى القصايد

اللي واعدتني بها طال عمرك

رد الشاعر ذيب الحميداني على ابن غيده
 

بسم الله الرحمن الرحيم

هذه القصيدة للشاعر ذيب بن محمد بن ذيب بن فرحان ال حميدان الحبابي
وهي رد على قصيدتي اللي ارسلتها له وسبق وان نشرتها على صفحات المنتدى وانا ادرجها فالمنتدى نيابة عنه

القصيدة:

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
مبداي ابذكر كريم عالي شانه=امدبر الكون والاسرار يعلمها
خزاينه جل رب الكون مليانه=ولا تنحصي نعمةٍ من جوده أنعمها
يا هاجس في صميم القلب مسكانه=عساك قد المهمة ما تثلمها
قافيك طرق تهول العقل قيفانه=صم الضلاعين عزك من يصادمها
بنات فكري لها في فكري اخزانه=عهدي بها ما تقصر في لوازمها
في لازمي بامر رب البيت سبحانه=لو تمضي سنين ما تفتر قوايمها
زهمتها واقبلت للصوت عجلانه=كنها ليا جيت أحليها وأقيمها
شول كبوده نهار الخمس عطشانه=في لاهب القيض والقلاط ناهمها
كن جلها لاقبلت للشرب سكرانه=يا عنك ما هوب حظ اللي يزاحمها
واللي حداها على الطاروق واوزانه=وتجمع حشود مسيرتها تنظمها
رسالة طيها بالود عنوانه=ظربت لي طرقة لاجل اتسلمها
رسالة من بحور العز رويانه=من حقي اتعب وابادر واتغينمها
يا مرحبا عد نو تردف امزانه=ترحيبة ما توخر عن مواسمها
بالورد والمسك واليشموم نشوانه=تعم الاجواء الخليجية نسايمها
بكتاب شيخ فعوله تطلق لسانه=وتطلق لسان إقحطاني يقدمها
نفسي على شوفه جويعه وظميانه=أبغى العوارف تنادمني وانادمها
فعل ابن غيده يوفي فعل جدانه=فيه المراجل موفرة معالمها
يحيي قدايمه والتاريخ برهانه=روس الرياجيل تفخر في قدايمهاِِِِِِ
ابوه شيخ رجح بالطيب ميزانه=هداف لا كبرت القالات يحكمها
وجده عسى جنة الفردوس مسكانه=له بصمة في سنام المجد بصّمها
يا عايض انت تعرف دنياك خوانه=روس الرياجيل تشكي من هضايمها
والشعر جا بين وقت وبين عوّانه=والساحه اليوم كاثرتٍٍ جرايمها
ما يغلي الطيب اللي يجهل اثمانه=ولا يتقن المهنة الا من تعلمها
الاول الابتدائي شفت ورعانه=تكتب على صفحة الشعر بمراسمها
من عقب ماكان قصر تذري اركانه=مكرم وساحته كلٍ يحشمّها
ما يقربه كون ناس تحرز اتقانه=ناس بحوره ما يخلفهم تلاطمها
مصيون ما دشوا الجهال بيبانه=كل يميز قوانينه ويكرمها
أهل الغشامه تداعو فوق جدرانه=كل ركب له تبيس وقام يصدمها
نامو حماته ورضيو فيه شيخانه=ولي طاشو الشرذمة ماني بلايمها
ركبت قطاره وجات اتلف سكانه=وتحاسب الناس وتوزع قسايمها
واهل الحداثة تحاول نقض سيسانه=تنكر قوانينه وتطمس معالمها
ناس مع العسر مغروره وفسقانه=ومن نعمة العقل رب البيت حارمها
ناس عن الرشد منحرفه وعميانه=والشعر يشكي ويبكي من تغيشمها
ينعى حياته وينخى روس خلانه=ويشق جيبه وباعلا الصوت يزهمها
ان كان ما وقفو من دون حدانه=نفسه توّفت عسى المعبود يرحمها
عليه من خالقه عفوه وغفرانه=يالله عسى خيرة ايامه خواتمها
الا ان هله كل واحد يسرج حصانه=يحارب الشلة القشرا ويلطمها
ونثبت جميعا على منهاج واديانه=ويصير له هيئةٍ تصدر مراسمها
امشكّلة من سلاطينه وفرسانه=انا الوزير المنفذ وانت حاكمها
ونحط للشرذمة مخفر وزنزانه=ونحطم اصنامها والله يحطمها
وقصاب روسٍ ما يفتر عزم ذرعانه=قدام لا تعدم الموروث نعدمها
لكن وقت العنا كشّر بنيبانه=وكوارث الوقت شبت فوق ميسمها
الخبل مبسوط والعقال بلشانه=وبقعا غرابيلها محد بسالمها
واليا خرشنا الزمان الشين باسنانه=يبين ضحظوحها ويبين عيلمها
ونشوف الانذال مبتلشة وحيرانه=والاجواد تصبر وتسعفها عزايمها[/poem]


الشاعر ذيب بن محمد ال حميدان

رد : رد الشاعر ذيب الحميداني على ابن غيده
 

رد : رد الشاعر ذيب الحميداني على ابن غيده
 

الله يصح ابدنك
ولا عليك زود طال عمرك
يشرفني مرورك تقبل تحياتي

صح السانك
 

صح السانك يا ابن غيدة ماقصرت وقصيدتك رائعة جدا وهذا دليل بأنك رائع
لكن السؤال بما أنك دكتور في الشعر ماشاء الله وهذا كلام كل من يزور شبكة قحطان التي لا ننسى شكر القائمين عليها وجميع المشرفين لا نرى مشاركاتك في اي من القنوات الشعرية المتخصصة أو المجلات المختلف وغيرها اسوة بشعراء الذين يعدون زملاء لك إذا لم تكن أنت استاذهم مثل ابن علوش ابن الذيب حامد زيد مطلق النومسي ياسر القصيمي محمد السهلي خالدالمريخي وغيرهم
المهم صح السانك وننتظر المزيد

وتقبل تحياتي مع فائق التقدير

الليالي علمني في صديقي والصدوق****وايضا علمني في عدوي والكذوب

مافيه حد أحسن من حد
 

صح السانك يا ذيب الحميداني والله ماقصرت تناغم وتناسق عجيب ورديت على شاعر يستاهل تبذله المجهود كونه يستحق نضير استماتته في حماية الشعر من ناس مستشعرة وناس أهل حداثة وفلسفة مالها داعي
وكون السرج مايركب على .....................
لذلك يتضح كل شي من يوم تقرا القصيدة وبناء عليه تميز الشاعر من غيرة
لك ولزميلك جزيل الشكر على ما تقدمون