|
رد : فرسان وشيوخ من عبيده الزحام
مرحبا
اخوي عايض العتب على النظر اعذرني |
رد : فرسان وشيوخ من عبيده الزحام
لاهنت يالقريشي والنعم في عبيده ويعطيك العافيه
|
رد : فرسان وشيوخ من عبيده الزحام
لاهنت يابو شايع
ولاعليكم زود |
رد : فرسان وشيوخ من عبيده الزحام
الأخ ال قريشي تحيه طيبه والشهر عليكم مبارك وجميع منسوبي تطرقت الي موضوع اعتقد انه يجهلك حيث تجاهلت ناس
من فرسان عبيدة حيث لم تذكر فرسان قبائل العرجان بني شداد عبيده فهنك الفارس وازع بن نومه وازع الاول وله قصائد تمجد افعاله من اعداءه يعرفه اهل نجد وهناك الفارس عيس بن فايز الفايز المعروف بشحيمان له مواقف مع ال سعود وهناك الدافور ال فاضل الذي ذبح الكرناف احد شيوخ النفعه في هية ريميه بين العرجان وعتيبه بجوار مدينة شقراء وغيرهم الكثير ويكفي العرجان انهم القبيله الوحيده من عبيده التي لها وادي في نجد يسمي باسمها حتى وقتنا الحاضرايضا تناسيت ال مهدي وفرسانهم ال جرشب اخي العزيز ارجو لا تعنون لاعنوان موضوع يجهلك الكثير بحكم اقامتك في الجنوب ولو قلت بعض فرسان عبيده لاستسمحناك العذر فيكفي عبيده انا منها قبيله تضم الالاف من الفرسان الذين سطرو اتاريخ الجزيره بالبطولات وهم قبيلة بني هاجر تحياتي لك وللجميع الاخوه في الشبكه وكل عام وانتم بخير |
رد : فرسان وشيوخ من عبيده الزحام
حياك الله ياعرجي غانم يابلغنايم
العنوان هو فرسان وشيوخ ( من ) عبيده الزحام اما لو انه فرسان وشيوخ عبيده لكان من حقك ان تشره علي كتبت يوم تعبت يدي ضغطت نشر كل على قدر مستطاعه ولن تسطيع انت او اي شخص ان يغطي فرسان وشيوخ عبيده اقرا اول الموضوع انا كاتب كنت اريد ان اكتب عن ال قريش لاكن هناك من الشيوخ والفرسان من لم يعطون حقهم في المنتدى ماانتوا لحالكم ماكتبت عن ال اعلي ال عريان الساق ولا زهير ولاال سلمان وال سليمان الحرقان منهم 2 فقط ولاعبيده السراه ولا المناديه وعنواني واضح فرسان وشيوخ من عبيده ال مهدي وشيوخهم ال جرشب وسبعين نعم هم الي جورونا يوم كلن هاب اما شيوخ العرجان فنعرف ربعنا ومليون نعم من حمد بن نومه الى شيخكم الحالي ابن ظيف الله الله يطول عمره والعرجان كرمان وضفران وعبيده هل نجد مثل الهلال المثني على حدود قحطان من الشمال من الرويضه الى جو اما يوم تقول انا في الجنوب مااعرف شي علم الحياء والطيبين يبين ياعرجي يعني ربعك العرجان الي ورانا في دهر والفيض في اقصى الجنوب ياراعي نجد مايعرفون شي لو انا مانعرف شي ماكان فزعنا وحطمنا عتيبه والترك في حدباء قذله وماكان عودنا وحنا في حضن بالطائف وردينا الخبت وازتدنا الوقيره فوقها ودي انك كتب لو ثلاثه ولا اربعه من فرسان العرجان اسمائم وذبحاهم وهياتهم لاكان يازين السمن على العسل افضل من انت في الجنوب وتجهل العلوم تحيات اخوك ظور ال قريش |
رد : فرسان وشيوخ من عبيده الزحام
أخوي الظور شرفت مجالس بنو عمك قحطان بهذه السلسله التاريخيه الصادقه والموثقه لاهنت بارك الله فيك
وننتظر المزيد ياأبو محمد جعل عمرك طويل ............... مع ملاحظه أن قرأت المداخله بينك وبين العرجي شهادة حق إن إبن نومه له تاريخ مجيد ولهم شيخه في قبائل عبيده معروفه وأنا أثق إنها سقطت عنك سهوا وأنتم إخوان في النهايه خالص شكري وكلا تاريخه محفوظ في صدور الرجال وفي بطون الكتب ولارح يضيع شيء لأحد |
رد : فرسان وشيوخ من عبيده الزحام
أرحب يا القريشي
ومليون نعم بصبيان عبايد ولاهنت علي المعلومات بيض الله وجهكـ |
رد : فرسان وشيوخ من عبيده الزحام
حياك الله يابو مبارك
الي مايعرف العرجان وشيوخهم ال نومه يكون جاهل او ناقص علم ومعرفه ولاكن من الاستحاله ان تكتب عن فرسان عبيده كافه والله يصيبني اذ معي فيها قصد اخر لاكن خوي محمد العرجي لم يتفحص العنوان زين ورد على بنظره فوقيه فاعطيته علمي فقط |
رد : فرسان وشيوخ من عبيده الزحام
مرحب يدوم ويفدونه الرخوم يابن عليان
ماعليكم زود وقايل مايهون مرورك مشرفني ياقحطاني جدا |
رد : فرسان وشيوخ من عبيده الزحام
الأخ الظور تحيه طيبه والزعل مرفوع وانا ماكتبت الا من عتب اخو لأخيه حيث العنوان فرسان عبيده والمفروض بعض
فرسان عبيده ونعم بالقريش ربعنا وانا مانظرة لك بنظره فوقيه وكل قحطاني ياقريشي مرجعه الجنوب وانا ربعي في الجنوب وافتحر بهم ام قصدك بسمن على العسل ينطبق عليك هذا المثل ام قصدك ذكر فرسان العرجان فا العرجان ليس انت الي تشهدلهم انا اجزم مافيه كتاب نشرا لا فيه ذكر للعرجان وفرسانهم وشعرائهم لا كن انت اريد منك تزويدي ببعض عنا افعال القريش وماهي مصادرك من كتب قحطان الجديده والقديمه اام قصدك حضن فمعلوم لديك حضن في ديار البقوم وليست في ديار عتيبه ارجو الرجوع لكتاب الدوسري المنشور في عهد العايض وهو كتاب محايد وتعرف من الي ذكرة فعوله ارجوانا تترك الاستعجال وحنا في النهايه اخوان يا قريشي |
| الساعة الآن 09:09 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com