فلاح القرقاح (عاجل عاجل عاجل ) يوم رمى شماغه

[أبو الكمي]

السلام عليكم ورحمة الله وبركاته

سمعت ان الشاعر الكبير فلاح القرقاح تحاور مع الشاعر تركي 2000

في قاعة الرومنسية في الرياض وانها قامت مشكلة بين فلاح وتركي حتى ان فلاح قام رمى غترته على الجمهور هذا ما سعمت وألي عنده خبر أكيد يعطينا العلم الله يعطيكم العافية

[عبدالله بن غفره]

إذكر الله وش ذا الكلام


لاحول ولاقوة إلا بالله


فلاح عاقل وش دخل حذف الغترة في الموضوع


أرجو التأكد من الموضوع


وأنشاء الله ماهو بصدق

[ابو مشبب]

السلام عليكم ورحمة الله وبركاته

سمعت ان الشاعر الكبير فلاح القرقاح تحاور مع الشاعر تركي 2000

في قاعة الرومنسية في الرياض وانها قامت مشكلة بين فلاح وتركي حتى ان فلاح قام رمى غترته على الجمهور هذا ما سعمت وألي عنده خبر أكيد يعطينا العلم الله يعطيكم العافية


قبل امس اللى هو الثلاثاء كان فيه محاوره وكان فيها تركى وفلاح فى صالة الاندلس بالدمام وما بينهم ما يبين ان كان بينهم مشكله

وسلامتك

[محمد الحياني]

لاهنت يا ابو مشبب على الايضاح



والشاعر تركي 2000


وش هو منه

وليش سمي 2000 ليش مايكون 2006

[العاطفي (دوت كوم)]

والشاعر تركي 2000
وش هو منه
وليش سمي 2000 ليش مايكون 2006

هههههههههههههههههه

الله يرجك يافتى الجوة
والله ذبحتني من الضحك

اجل ليش مايسمونه 2006

هذا الله يسلمك (تركي المطيري)

من فخذ (الميزاني)

ومن كبار الشعراء وتميز بصوته فالموالات

وسمي تركي2000 لانه برز في عام 2000 وطلع طلعه قووووية

ولازال محافظ عليها

[عبدالله بن غفره]

الشاعر تركي 2000

أسم والدة عطالله


وبعض الشعار

يسميه أبو ألفين


ويتجاهلون عطالله



الله لايهينكم

[محمد الحياني]

اخواني الكرام


العاطفي


وحدباء


كثر خيركم ولاهنتوا على الإجابة

لاخلا ولاعدم

حبة خشم لكل واحد منكم

اي نعم بس الاول اللي ياخذ حبة الخشم حسب قدم السن يالله طلعوا الاثباتات


وفقكم ربــــــــــــــــــــــــــــــــــــــــــــــــ ـــــــــــــــــــــــــــــــــــــي

[خولان بن عامر]

السلام عليكم ورحمة الله وبركاته

سمعت ان الشاعر الكبير فلاح القرقاح تحاور مع الشاعر تركي 2000

في قاعة الرومنسية في الرياض وانها قامت مشكلة بين فلاح وتركي حتى ان فلاح قام رمى غترته على الجمهور هذا ما سعمت وألي عنده خبر أكيد يعطينا العلم الله يعطيكم العافية


عليكم السلام ورحمة الله وبركاته


اخي ابو الكمي الله يجزاك خير الكلام هذا لا اساس له من الصحة وغير صحيح وفلاح رجال عاقل

اما غترته ففعلا رماه وياليتك تدري ويش اللي خلاه يرميها لقد حصل موقف لم يحصل من قبل في اي ملعب

عندما قال تركي بيت لفلاح بما معناه ليش يافلاح صفك من العتبان وين ربعك فين لان الحفلة كانت عند عتبان وطلبهم

فلاح في بيته تكوين صف ولاخلص تركي هذا البيت الا ونصف الجمهور قايمن كلهم بعد ماقام احد الجمهور وهو يقول

وينكم ياعيال العود الا وصف فلاح في خلال ثواني فيه مايقارب مائة رجال من قحطان فشاش فلاح ورما بغترته في

السماء

وبعدها قاموا يسلمون عليه ويقبلون راسه بما فيهم تركي 2000 المهم كان الموقف صعب جدا ومأثر لما فيه من حماسة

وحميه وشجاعة لعيال العود بارك الله فيك وفيهم يابو الكمى هذا ما احببت توضيحه هنا ولك مني جزيل الشكر


تقبل تحيتي

[مساعد سعد]

لاهانو عيال العود ولاهان فلاح وبيض الله وجيهم على حمتهم

[شاعب ذلوله]

مسيكم بالخير ياللحوات الغانمة

ومثل ما أسلفوا الأخوان أعلاه ان فلاح شاعر عاقل ولايسوي حركات مالها داعي أو بدون سبب

أنا كنت أحد الحاضرين لتلك الحفلة وهي يوم الأربعاء الماضي الموافق 9/1/1427هـ

في قاعة الرومانسية في الرياض على مخرج 9 وإليكم الخبر بالتفصيل :

كانت ملعبة يسودها الهدوء في بادي الأمر والجماهير ساكن ولم يطرئ عليه أي طاري

كان الطاروق بين الشاعرين ملفي المورقي وتركي الميزاني يتجاذبون أطراف المعنى

واذا بشاعرنا الكبير فلاح القرقاح يتهيأ للوقوف أمام المكرفون وإذ به يطلق من فمه الطاهر كلمة " خلوها "

خشع من كان حاضر لينصت لهذا الشيخ الوقور ، وبدع موال كانت وقفته " ولعوها نار والنار من شبابها "

وكان في بداية الموال يقول :

ياعتابة ساعدوا ضيفكم فالصف ساعة = .............................................. آعه
يوم تركي صفه ..... يشريه .... باعه = ولعوها نار والنار من شبابها

" حيث الحفل حفل عتبان "

تحمّس الجمهور وتحمس الجميع لهذا الموال والطاروق الجميل

فأتي تركي الميزاني ليقول :
..................................... آني = ...................................... الزماني
وين ربعك يوم علقت فالعتبان عاني = ولعوها نار والنار من شبابها


فلم يكمل جملته الأخيرة من الموال الا وإذا بعيال العود الحاضرين ناهضين بأكملهم

وكان عددهم ضخم جداً وهم يقومون في الصف ، وللأمانة كان موقف يشوش الحاضر ومن كان في رأسه حميا


جاء دور شاعرنا الكبير فلاح الذي لم تسعه ثيابه من الفرحة بوقفة بني عمه

فأتى بالموال " لايحضرني ماقال "

لكن عندما أنهاه أمسك بغترته وحذفها للسما وقال عندكم ياعيال العود

فتجمع عليه الجميع ليقبلوا رأسه " أبقاه الله " ومن بينهم المدعو تركي على هذا الموقف المشوش الرائع

ومن لم يشاش في تلك اللحظات فهذا شخص " مافي راسه حميا " سواء من قحطان أو باقي القبايل

هذا ما رأيته بأم عيني وماسمتعه بأذني


تحياتي للجميع ولك ياخولان بن عامر


اخوكم : سعود النفيعي " شاعب ذلوله "

[سلطان العاصمي]

ونعم بعيال العود والموقف صراحة حلوووو جدا"

ولو أني موجود كان دخلت التتسن عليهم في الصاله هههه

ولا خلى ولا عدم من ربعنا...


أما فتى الجوه بصراحه اللي ردوا عليه ليش أسمه تركي الفين كان غلطانين أما الأجابه الصحيحه

سمي يتركي ألفين لأنه كان متسلف مني ألفين وجانا عام ألفين وهو للحين ماوفى الدين وسميته

أنا بـــــ تركي2000 ؛؛؛

هههه شرايك فيني أن شاء الله تكون الصوره وصلت وعرفت ليش سموه بذا الأسم

مزووح تجي وترووح>>><<<
ولكم تحياتي...


محبكم دووووما"


*·~-.¸¸,.-~*العاصمي*·~-.¸¸,.-~*

[ابن حرق]

بيض الله وجيهكم جميع وهدا ماهو بغريب على عيال الشايب

بيض الله وجهك ياشاعب دلوله على التوضيح
وسلامة الجميع

[بووليدالوادعي]

لاهنتو وبيض الله وجيه من حضر وفلاح عزيز على الجميع 000 وفلا ح الى فلاح مهما كان لايمكن يخطي والايرضى بالخطي والانزكي على الله احد


وتحياتي للجميع

[العرين قحطان]

السلام عليكم ورحمة الله وبركاته
الله يعطيكم العافية يآخ خولان بن عامر وشاعب ذلوله على هذا الايضاح وبيض الله وجه من حضر الحفلة من عيال العود ورفع راس ابن عمنا الشاعر فلاح القرقاح
وعند القبايل ....
وبلاخص
عتيبة
ومطير

[ماجدالقريشي]

تكفوووون نبي المحاوره

ياعيال الشايب


وبيض الله وجيهكم

[عبدالله بن غفره]

أبشر بالسعد ياماجد القريشي


والله لايهين الأخوان الباقين

[علي ابن الحنيش]

شكرا ياخولان بن عامر على التوضيح الجميل وأنا رأيت الحفلة مسجلة وأشهد لله أن بو محمد شاعر فحل ولكنني إلى الأن مستغرب أن قحطان ماصفوله يوم جا دورة ...............؟؟

[ابن البلد]

[الاخوة الاعزاء
السلام عليكم ورحمة الله وبركاته :

شكرا لكم على هذا الايضاح عن الموضوع والشاعر فلاح اكبر من اي تصرف قد يسئ الى سمعته وسمعة قحطان كافة فهو يمثلنا جميعا في اي حفل او مناسبة 0


ولكم خالص شكري وتقدير

[اخوكم ابن البلد]

[شاعر السحمه]

ياقوم !!!!

كلن فيه حقه والقبايل تاقف مع مقدمها
والشاعر فلاح وقفنا معه وهذي الفعول.

[ابن حصيص]

هذي هي المحاوره موجوده على هذا الرابط
http://www.qahtaan.com/vb/showthread.php?t=9405

[سالم الزير]

تصرف الشاعر القرقاح غريب جدا

وليس هناك دواعي لحذف الشماغ

فالمحاوره اخذ ورد ومعاني وليست نعرات قبليه

الان شعر المحاوره اتجه الى مسار غير مساره الصحيح

ابو محمد شاعر علم ويحسب له حساب وشهادتي فيه مجروحه ولست انا من يقيم الشعراء

ولكن الحماسه في القصيد والرد المرضي وانا متاكد ان القرقاح سوف يعيد النظر فيما فعله

عندما يرى الشريط

[محلفي واعتز]

انا اشهد لله انه شاش راسي وكش جلدي وانا اشهد انه ونعم واللي ماشوش انا اشهد لله انه مثل امه

[ظافر القحطاني]

السلام عليكم ورحمة الله وبركاته

الحفله الي رمى فلاح شماغه فيها


اضغط هنا (http://www.qahtaan.com/vb/showthread.php?t=9405)




أخوكم
السم القاتل

[ماجدالقريشي]

الاخ سالم الزير بارك الله فيك

بل ان الشاعر فلاح القرقاح يعرف المواجيب واوقاتها


اشوف ان الشاعر فلاح قد بيض بوجهه وجه صفه عندما اكرموه بالفزعه اكرمهم بشماغه


وهذا رد جميل


فلاح القرقاح اصاب ولم يخطئ بل اعتقد انه لو رأى الشريط انه يتمنى انه قدم اكثر من هذا


بيض الله وجهه



تحياتي للجميع

[طيار ال عاصم]

مضنتى الكلام صحيح

الشاعر فلاح اكبر من الكلام هذا