الشاعر سعيد الفهري

[ابو ضيدان]

السلام عليكم ورحمة الله وبركاتة

اذا يسمح لنا الشاعر سعيد بمشاركتة بعض الابيات فليتكرم




ياسلامي على اهل الطيب واهل الحميا=عد وبل الخيال اللي يشوق الفوادي
سمعتك ياالعبيدي جات فوق الثريا=مثل صقر(ن) تعلا الضلع يوم الهدادي

[أبو صقر]

أبو علي جاهز ان شاء الله ولاهو بمتأخر

ونحن ماسكين الصف والله يعين

[سلطان العبيدي]

صح السانك يا ابو ضيدان

وننتظر ابوعلى

[سعيد الفهري]

مرحبا بك يابو ضيدان واقلط هنيا =والتواصل مع اهل الطيب شربي وزادي

ما تطير الطيور ام المخالب بليا = ريش وجناح في حر السنه والبرادي

[فارس قحطان]

السلام عليكم ورحمة الله وبركاته

صح لسانك يابوضيدان
وصح لسانك يابوعلي


ونبيها مباشره علشان نمسك الصفوف
يالربع


واصلوووا

[سليمان القحطاني]

:110103_hl:110103_hl:110103_hlمساء الخير للجميع واصلوا

[عبدالله المهداني]

°ˆ~*¤®§(*§*)§®¤*~ˆ°واصلوا وانا ماسك الصف°ˆ~*¤®§(*§*)§®¤*~ˆ°

[ابو ضيدان]

اخواني الكرام

ابوصقر--سلطان العبيدي--فارس قحطان--سليمان القحطاني--عبدالله المهداني

جعلكم في الوجود ومروركم مثل المطر

[ابو ضيدان]

الشاعر الكريم سعيد الفهري

شكرا لحضورك واستلم لاهنت



ليت وانك مع اهل الذور ذيك السنيا=يوم كانوا هل النيات والوضع عادي
لكن اليوم شفت اللي طوى الهرج طيا=التجارة فتح دكانها كل غادي