يا خولان ابن عامر

[سعيد ابو ديه]

يا خولان ابن عامر بعد طرف الليل = سرت بي هواجيسي مع كل طاري
وأنا خابرك ماتنقص الوزن والكيل = ونجمك سطع بين النجوم السواري

سعيد ابوديه

[عاطف الهرمس]

ارحب يابوديه تراحيب المطر وابرك الساعات يابو مبارك اللي شفنا اسمك هنا بين قحطان

الليل الليل ياخولان وينك نبيه طاروق حامي يليق بهذان الاسمين اللامعين

انا في صفك يابوديه

[خولان بن عامر]

ارحب ياسعيد ابو ديه




هلا مرحبا ترحيبةٍ تعدل الميل=عدد ماتلوح بروق لليل الغداري
مع دنة المعمال والبن والهيل=بارّحب واهلي وانت ياسعيد داري

[تركي الفهري]

ارررررررررررحب ياسعيد

يالله تراني ماسك الصف معك

الليل الليل ياخولان عجل علينا

[خولان بن عامر]

ارحب ياعاطف الهرمس

ونعم بعاطف ونعم بالمسمى ملاييييييييييييييييين


هلا وغلا

[خولان بن عامر]

هلا وغلا ياتركي مليون

ولع النور

[سعيد ابو ديه]

يدوم البقا ياهل الحكم والتماثيل = وما قدر المولى على العبد جاري
ياخولان بين الشك والقال والقيل = ترى الخط ما يعرض على غير قاري

[تركي الفهري]

الليل الليل ياشعااااااااااااااااار

يالله نبيها مباشره

[سعيد ابو ديه]

الاخوان
عاطف الهرمس
تركي الفهري
البقا ثم البقا
وشكرا على المتابعه

[ابراهيم آل بي حبيب الرفيدي]

ارررررررررررررررحب يا بو مبارك

ارحب ثم ارحب

الله يحييك بين ربعك



جـــــــــــــلحـــــــــــــــــاب الرفيـــــــــــدي



,

[خولان بن عامر]

تقوله واقوله والليالي مقابيل=وانا عارفك في السوق بايع وشاري
ياويلك يابو ديه من الناس ياويل=ليا منك صرّفت الذهب والمصاري

[سعيد ابو ديه]

البقا ثم البقا



يجلحاب الرفيدي

وأتشرف بمتابعتك

[سعيد بن مانع]

ارررررررحب يابوديه
اررررررررحب ياخولان

بيض الله وجيهكم وصحت السنتكم
واصلووا نفداكم وحن متابعين ...

والليل الليل

[ابن سابره]

اررررررررررحب يابوووديه والله يحيي هالحيه الغااانمه




مصيرهاا تروق وتحلى

[سعيد ابو ديه]

ليا بكر الوسمي بعد غيبة اسهيل=تبا تكتسي بالعشب جرد الصحاري
وانا عزوة المظيوم يامتعب الخيل=ليا صار في الدنيا الدنيه مواري

[محمد بن جفين]

ارحب يا ابوديه في منتدى قحطان


وصح السنتكم


ماشاء الله واصلواا وازهلو الصفوف

[بليهان]

شعراء كبار.. ابوديه وخولان بن عامر..

سجلوني متابع بشغف مع قليل من الشغب..

اخوووكم بليهان

[خولان بن عامر]

عسى جيتك من بعدها ياتي السيل=يغطي المزارع والشجر والكباري
نعّرف العيون اللي تقز الدرابيل= ونعّرف الصقور اللي تصيد الحباري

[خولان بن عامر]

ارحبوا يالربع

الله لايهينكم جميعا على مروركم من هنا

[سعيد ابو ديه]

ليا فاحت الدله فعد الفناجيل = على اللي على كسب النواميس ضاري
زرعنا ولكن ما جنينا المحاصيل = وندعي عليكم في ليالي القداري

[خولان بن عامر]

تهّول علينا خل عنك التهاويل=راعي الصنف الاصلي مايحب التجاري
عسى الله يكافينا بلا النجم ابو ذيل=ليا هبت الجوزاء تزين المذاري

[سعيد ابو ديه]

ترا ماشكينا قلت العزم والحيل=ولاكن على الله لي طرا لي طواري
ياهيه الزمان ايدور جيل بعد جيل=وبكره تشوف النجم نصف النهاري

[فارس قحطان]

السلام عليكم ورحمة الله وبركاته

ارررحب ارررحب

ياسعيد ابو ديه
وصح لسانك انت وخولان
وواصلو واانا متابع لكم وفي صفك هالمره

[خولان بن عامر]

ليا دارت الايام بالحط والشيل=يبيّن كريمين اللحاء مالخكاري
لوان الليالي كل ابوها محابيل=قصرنا خطانا وانحرفنا اجباري

[عبدالله العبيدي]

صحت ألسنتكم جميع

شعراء كفو ونتعلم منكم

سجلوا متابعتي لكم

[سعيد ابو ديه]

ترا الحمل مهما جار يبرك له شعيل=ولو قالو انه بين غار(ن)وناري
نغني على طرق تحبه مواويل=ولاكن يابن عامر حذاري حذاري

[عاطف الهرمس]

ياسلام على الشعار الكبار هكذا ولا بلاش

متابع بشغف يابوديه وياخولان وانا بين الصفين مر هنا ومر هنا

[خولان بن عامر]

الا يابعد حيي ترى طير ابابيل=على الراس حامت لا تصير إنتحاري
بعد غيروا لبس الوزر بالبناطيل= وخلوا المجالس واللتهوا . بالا تاري

[خولان بن عامر]

هلا وغلا ياعبدالله وعاطف هلا ملايييييييييييين

[سعيد ابو ديه]

بعد موجز الأنبا تجيك التفاصيل=ونرضيك ياخولان لي صرت زاري
نبا نورد الظامي على شاطي النيل=ونبا نعشي الجوعان كبسة بخاري

[سعيد ابو ديه]

الله يحيي الجميع
وشكركم على المتابعه يالنشاما

[خولان بن عامر]

طيب طيب يابوديه


انا ماعليه في الحكا والاقاويل=ولو زعل ابن عجلان يرضى مكاري
ليا كبرت العله وبان التحاليل=ترى صاحبك دكتور وانت استشاري

[سعيد ابو ديه]

عمرنا الليالي ببتهال (ن) وتهليل=ولا خاب ظن اللي سجد وا ستخاري
ياراعي الركاب وراعي القح الحيل=لاتامن عليها مالسباع الضواري

[خولان بن عامر]

تحّرص على اللي باقي في المخاويل=ترى حارس الخزنة على السرق ضاري
انا عارفك حليحل بالحيل حلحيل= مزايا شمالي والطبايع سحاري

[سعيد ابو ديه]

لو انك صبرت شوي جتك المراسيل=واناباح صبري بعد طول انتظاري
لقيت اربعين اعما وعشرة مهابيل=وكل(ن) على ليلاه غنا وساري

[سلطان العبيدي]

صح السانك يا خولان بن عامر وانت يا سعيد ابوديه

واصلو

واصلو

<<<< متابع وماسك الصف

[خولان بن عامر]

اظن العلوم مدوكرات وتمثيل=يبون المشاكل بين مصعب وضاري
يابو ديه الموضوع يحتاج تتطويل=وطوال العوم تسد عنها القصاري



الشاعر الكبير سعيد ابو ديه الله لايهينك على ها الطاروق الذي كان لي الشرف بمجاراتك فيه

وعساك سالم وغانم والللى اللقاء انشالله