مـحـمّـد بـن الـذيـب مـسـجـون فـي الـسّـعـوديـّـة

[العبدي]

السّلام عليكم


http://www.qahtaan.com/works/up/get.php?hash=1346coqtux1213446228 (http://www.qahtaan.com/works/up)




تعرّض الشاعر القطري محمد بن راشد بن الذيب العجمي

للاعتقال البارحة من قبل السلطات السعوديّة

ووجّهة له اتهامات بالتشهير بأسماء شخصيّات في احدى قصائده

وكان الشاعر قادما للسعوديّة لــ زيارة والدته الموجودة في السعوديّة

ولم يتعرّض لــ أي عرقلة في مركز سلوى الحدودي

وتم اعتقاله مساء يوم الجمعة 13\6 في السّاعة التّاسعة





مصدر الخبر وكالة انباء الشعر العربي

[مشاري بن نملان الحبابي]

الله المستعان

[الضويري]

يطلع بالسلامة ان شاءالله

لاهنت يالعبدي

[حسين آل حمدان الفهري]

خله يركد
اوينطحن اللي في راسه شوي

خله يعرف ان الله حق

الرجال انغر من تصفيق السكارا في الامارات


هذا اذا كان خبر وكالةالشعر الغربي (قصدي العربي)صحيح

اشكرك

[ناصر بن هذال ال شري]

يستاهل لانه ذكر وحده من ال سعود في قصيدته وصرح باسم زوجها....وهو ماهو من حقه ابدا.

,,
شكرا على النقل

[محمد الفريدي]

هذه مشكلة الشعراء او بالإصح شعراء الحداثه

يازين شعر الاولين



اذا انت اشهرت اسماء بقصيدتك واسماء لم تكن لك بها علاقه او مدح

اذا لماذا تشهرها؟


يستاهل من يتعرض الناس الى محاكمة حتى يتأدبوا الآخرون

[صالح بن ناعمه]

يستاهل ما جاه

وأتمنى يكون الخبر صحيح

وعينات محمد في نظري أنهم "سلق"

وليسوا شعراء وليتهم والله يجلدونه في السوق

بدعوى التشهير لأنه تحدث في أحد قصائده عن

أعراض ناس ووصفهم في قصيدته المنكوده

[شامانـ العاطفي]

يعطيك العافية يالعبدي

والله من كثر ذا الأشاعات معاد اصدق شي ..

[عبدالهادي ابن مشتح]

السلام عليكم ورحمة الله وبركاتة
يـامــــــال القــــــوم ؟؟
تقبل تحياتي
أبــن مشتـــح

[العبدي]

الله المستعان


والله يعين الجميع

ومشكور على المرور

[العبدي]

يطلع بالسلامة ان شاءالله

لاهنت يالعبدي

الله يسلمك :)

ولا أنت يالضويري

ومشكوور على المروور

[العبدي]

خله يركد
اوينطحن اللي في راسه شوي

خله يعرف ان الله حق

الرجال انغر من تصفيق السكارا في الامارات


هذا اذا كان خبر وكالةالشعر الغربي (قصدي العربي)صحيح

اشكرك


صدقت يا أبو علي

محمّد بن الذيب بغا يكحلها فــ أعماها

حاول ياذخ نهج مغاير عن نهج شعراء السّاحة حتّى يبرز

وهذي وحدة من نتايجها

ولكن ما نحب التشمّت على خلق الله

ومشكوور على المروور

[عبدالله بن غفره]

اللهم لا شماته


ضريبة الشهره وبعض القصيد اللي ماله سنع


لاهنت يالعبدي

[ابو مبارك المظفري]

يستاهل هو والي مثله

يشرب ويرفع ثم يتعرض الناس

اشكرك على الخبر

ولاهنت

[ابوسعيد النهاري]

سلام عليكم ماجورررررررررررين ياالربع قولوا يالله ثم يالله ان انكان انه مضلوم فاضهره بسلام وردة لمه سالم وغانم وان كان انه مخطي فالحكومة ورابعتها معة يفكونه او يكمعون خشمة عبرة لةولغيرةوسلامتكم جميع بيض الله وجهك يا العبدي وكل من قرا اخوك ابوسعيد النهاري

[إبن ناشر]

قصيدة بن الذيب وفيها يتطاول فيها على الاسره المالكه وهي سبب المشكله




ياعبدالله ابن غراب والجود في الماجود
وأنا في فرنسا ويش أخلي وويش أرجي ؟

أنا رحت فيها عند وحده من آل سعود
ورجالها من ربع عدنان خاشفجي

عفيفة عفيفة مالحقها ولا منقود
عليها السلام وحورها النعّس الغنجي

لها بيت في جده وسواقها محمود
على موترن ماهوب كدلك ولا هو ابجي

مع إسطابه الخلفي سطابين والا زود
وهو في النعيرية يسفر على الخفجي

تقل مهرتن من خيل راكان أو ((صاهود))
أبعنها بالسرج والا بلا سرجي

رقت برج ليفل واجتمع من عليها النود
ورحب بها البراق والمزن والثلجي

لو إنها تقول البرج برجي بدون شهود
تهاوا لها البرج وتهاووا هل البرجي

ياحكام نجد أنا بوجه المليك العود
ويالله من جاني فلا غيره المنجي

لو إنها من العجمان ماهي من آل سعود
وهي بالحلا ذا كان زليت بالهرجي

وياخشمي عليك اللوم من شمة البارود
ماينهاك عن دوس الحما وضعك الحرجي


رد الشاعر عبد العزيز بن محمد العتيبي على بن الذيب

الا يانديبي جعلها روحه بلا عود
تولم وخذ قافٍ كتبته على نهجي

رسالة ووصلها ولا كلفت مجهود
عسى عقب توصيل المراسيل ماتنجي

الا جيت من غنى ولا هو ترى محدود
نهق كنه اللي فوقه اغماد مع خرجي

يغزه ابليس العود ويشجعه محمود
تجمع خدوشٍ سامجة هرجهم سمجي

عطه من ضميري كلمةٍ كنها العبرود
تخلي اعظام الهيس تبرد وترتجي

سمعنا كلامك وانت ماتسمع المنقود
هبيلٍ ضميرك ضاربة بابرة البنجي

والا يابن خر الذيب ياناطح الجلمود
كسر قرنك الجلمود يالابس افرنجي

تطاولت وانت الناقص التافة الملهود
وتجريت يوم الشيخ يهدي لك الرنجي

وانا حافظٍ لك موقفٍ ثابتٍ مشهود
تشوفه جماهير الملاعب على البرجي

ترى موزة الريان لامن طرقها النود
يصفق لها لحجي ويضحك لها لحجي

نقلها عربسات الفضاء والعباد اشهود
وشاهدها العرب والفرس والهند والزنجي

وهرمون ابن مكتوم راعيك رعي الدود
وهذا هرجك اللي قلت مهوب من هرجي

تماديت في عمياك ماترتدع بحدود
ولحقت الشيوخ اللي لهم مقدم السرجي

سلاطين نجد اللي حموها من النمرود
طويلين الايدي والنسب ساطعٍ لنجي

شيوخٍ على اشيوخ العرب فارقين بزود
وفي عهدهم نشرب قراحٍ بدل همجي

اخذها رسالة يا محمد بلا مردود
واذا عدت توبناك يالتافة العلجي

[عبدالله بن غفره]

ابن ناشر


شكراً لك على النقل الرائع لقصيدة العتيبي

[سعيد الجهيمي]

ابن ناشر الله يعطيك العافيه على ايراد القصيدتين

والله يبيض وجه الشاعر العتيبي



ولا هنت يا العبدي

[علي سالم الجعادنه]

السلام عليكم والله يمسي الجميع بالخير
يقول الأول لسانك حصانك والحقيقه أن من يزيد الزلات يصبح قتيلها.
والرسول صلى الله عليه وسلم يقول المسلم من سلم المسلمون من لسانه ويده.
والله يهديه ويهدي الجميع.

[مشعل بن هادي القحطاني]

و الله انا اعتقد مالها داعي للأعتقال



لا هنت يا العبدي

و تقبل مررررروررررري

[عبدالرحمن المشجري]

والله انه يستاهل<< مع انه غالي

يشهر بالخلق في ذيك القصيده الي ما لها داعي

يخرج بالسلامه وعساه يعقل

تحياتي

[نواف الحبابي]

لا حول ولا قوة إلا بالله ,, وش قصة ابن الذيب كل يوم له سالفة

الله يهــــــــــديه ويكفاهـ شر نفسه

تقبل مروري

[مشعل بن مسعد]

«®°·.¸.•°°·.¸¸.•°°·.¸.•°®»مدري طلع والا لا



محمد الذيب قام يتكلم في اشياء لاتعنيه ولاتمت له بصلة


قام يتمرد ...«®°·.¸.•°°·.¸¸.•°°·.¸.•°®»